ខេត្តកណ្តាល ៖ កាលពីព្រឹកថ្ងៃទី៥ ខែមិនា ឆ្នាំ២០១៦ នៅសាលាខេត្កណ្តាល បានប្រារព្ធពីធីខួបអបអរទិវានារី ៨ ក្រោមអធិបតីភាពលោកជំទាវឃួនសុខដាវី និងឯកឧត្តម ម៉ៅ ភារុណអភិបាលគណៈអភិបាលខេត្តកណ្តាល និងមន្ត្រីរាជការសិស្ស សរុបចំនួន២០០០នាក់ (ពីពាន់នាក់)បានអញ្ជើញចូលរួម ក្នុងពិធីអបអរសាទរ ខួបលើកទី១០៥ ទិវានារីអន្តរជាតិ ៨មីនា ក្រោមប្រធានបទ “វិនិយោគលើ សមភាពយេឌ័រ ដើម្បីកិច្ចអភិវឌ្ឍ ប្រកបដោយចីរភាព។
ឯកឧត្តម ម៉ៅ ភារុណ អភិបាលនៃ គណៈអភិបាលខេត្តកណ្តាលបានមានប្រសាសន៍ថា “ទិវានារីអន្តរជាតិ ៨មិនា គឺជាការរំលឹកអំពី ការទទួលស្គាល់ ពីសិទ្ធិរបស់នារី និងការបន្តការពារសិទ្ធិនេះ ប្រឆាំងនឹងការ រំលោភបំពាននានា ក៏ជាដូចជាការ ទាមទារឲ្យមាន សិទ្ធិស្មើរគ្នាជាមួយនឹងបុរស នៅក្នុងសង្គមផងដែរ”។
លោកបានបន្តថា “ទិវានារីអន្តរជាតិ ត្រូវបានប្រាយរព្ធឡើង ដំបូងគេបង្អស់ នៅប្រទេសអូទ្រីស, ដាណឺម៉ាក, អាឡឺម៉ង់ និង ស្វីស នៅថ្ងៃទី១៩ ខែមីនា ឆ្នាំ១៩១១ ដោយមានការចូលរួមពីស្ត្រី និងបុរសជាង ១លាននាក់។ ទោះបីជាការទទួលស្គាល់ សិទ្ធិនារីលើសាកលលោក មានភាពល្អប្រសើរ ក៏ពិតមែន ក៏ថ្ងៃទី៨ មីនា នេះ នៅតែសំខាន់ និងត្រូវបានប្រារព្ធ ធ្វើជារៀងរាល់ឆ្នាំ ដើម្បីបន្តការ ការពារសិទ្ធិស្ត្រី និងលើកជាប្រធានបទថ្មីៗ សម្រាប់ឲ្យស្ថាប័ន និងអ្នកពាក់ព័ន្ធអនុវត្ត ផែនការសកម្មភាព របស់ខ្លួន។ លទ្ធផលនៃការ តស៊ូកន្លងទៅនេះ បានស្ដែងឲ្យឃើញនូវភាព វិជ្ជមានតាមរយៈ សន្ធិសញ្ញាអន្តរជាតិ ស្ដីពី ការលុបបំបាត់រាល់ទម្រង់ រើសអើង ប្រឆាំងស្ត្រីភេទ ឆ្នាំ១៩៧៩ ដែលមានប្រទេសចំនួន ១៨៦ បានទទួលស្គាល់ និងបានចុះហត្ថលេខា ហើយព្រះរាជាណាចក្រកម្ពុជា បានក្លាយទៅជាប្រទេស ហត្ថលេខី នៅឆ្នាំ១៩៩៤ ផងដែរ”។
លោកបានបន្ថែមថា ប្រធានបទ នៃទិវានារីអន្តរជាតិ ឆ្នាំនេះគឺ “វិនិយោគលើសមភាពយេឌ័រ ដើម្បីកិច្ចអភិវឌ្ឍ ប្រកបដោយចីរភាព” សមភាពយេឌ័រគឺជា គោលការណ៍គ្រឹះដ៏សំខាន់។
នៅទីបញ្ចប់កម្មវិធីឯកឧត្តម ម៉ៅ ភិរុណ បានចែកជាអំណោយដល់ស្ត្រីដែលមកចូរួមមានសារ៉ុសូតថៃ១ ថវិការ ៥០០០០៛៕
ដោយ ហុក វិបុល
