ខេត្តបាត់ដំបង៖ នៅព្រឹកថ្ងៃទី១៤ ខែកុម្ភៈឆ្នាំ២០១៦នៅអនុវិទ្យាល័យឃុំភ្នំសំពៅ ស្រុកបាណន់ ខេត្តបាត់ដំបង ឯកឧត្តមនាយឧត្តមសេនីយ៍ សុខ ផល ប្រធានក្រុមការងារថ្នាក់ជាតិចុះជួយស្រុកបាណន់ និងជាតំណាងដ៍ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្រី្ត . រដ្ឋមន្រី្តក្រសួងមហាផ្ទៃ ឯកឧត្តម អ៊ុយ រី ប្រធានក្រុមប្រឹក្សាខេត្ត លោកងីសែតប្រធានមន្ទីរអប់រំ យុវវជននិងកីឡា សំណេះសំណាល ជាមួយលោកគ្រូអ្នកគ្រូ៨២២នាក់ ។
ក្នុងពិធីនេះ ឯកឧត្តមនាយឧត្តមសេនីយ៍ សុខ ផល ប្រធានក្រុមការងារថ្នាក់ជាតិ ចុះជួយស្រុកបាណន់ បានលើកឡើងនូវចំណុចកំណែទម្រង់១ចំនួនរបស់រាជរដ្ឋាភិបាល ។ ទី១ កំណែរទំរង់ផ្នែកវិស័យអប់់រំ ដែលក្រសួងអប់រំប្រតិភូកម្មជាមួយថ្នាក់ក្រោមជាតិ (ចាប់ពីមតេយ្យសាលា ដល់បឯមសិក្សា និងក្រៅប្រព័ន្ធ) ដាក់ឲ្យខេត្តបាត់ដំបងសាកល្បង ការអនុវត្តចាប់ពីខែមេសា ខែឧសភាឆ្នាំ២០១៦ខាងមុខនេះ ។ ទី២ កំណែរទំរង់អន្តោប្រវេស្តិ៍ខុសច្បាប់ ៖ ច្បាប់អន្តោប្រវេស្តិ៍មានតាំងពីឆ្នាំ១៩៥៦ បង្កើតដោយអង្គសម្តេចឪ នរោត្តម សីហនុ កាលនោះ ជនអន្តោប្រវេស្តិ៍នៅស្រុកខ្មែរច្រើនជាងគេ គឺជនជាតិចិន ។ ក្រោយពីប្រទេសកម្ពុជាឆ្លងផុតសម័យលន់ណុល និងរបបប្រល័យពូជសាសន៍រហូតមានស្ថេរភាពនយោបាយ កម្ពុជាមានជនអន្តោប្រវេស្តិ៍ស្របច្បាប់ និងខុសច្បាប់ចំនួន២២សញ្ជាតិ ក្នុងនោះជនជាតិវៀតណាម៩៨ភាគរយ និងជនស្បែកខ្មៅ៦០ភាគរយ ។ ជនជាតិវៀតណាមប្រហែល១០ម៉ឺននាក់ ក្នុងនោះ អ្នកចាស់់ចេញពីរបបប៉ុលពតខ្មែរក្រហមទៅនៅប្រទេសវៀតណាមវិញ ក្រោយកម្ពុជាមានសន្តិភាព ក៏ត្រឡប់មកវិញ ខ្លះទៀតបានប្តីខ្មែរ ខ្លះបានប្រពន្ធខ្មែរ មានកូនចៅកាត់ខ្មែរច្រើន ប៉ុន្តែបានចាត់ចែងចាប់ទៅតាមសម័យកាល បើកអ្នកចង់ចូលសញ្ជាតិត្រូវបំពេញបែបបទមួយចំនួនទៀត ចំណែកអ្នកអត់ច្បាប់ទំលាប់បានរៀបចំបញ្ជូនទៅស្រុកវិញអស់ហើយ ។ ទី៣ បញ្ហាលទ្ធិប្រជាធិបតេយ្យ កាលរបបលន់ណុល របប ប៉ុល ពត ខ្មែរក្រហមគ្មានសិទ្ធិហាស្តី បច្ចុប្បន្នលទ្ធិប្រជាធិបតេយ្យ មានដោយយើងជាប្រជាពលរដ្ឋមានសិទ្ធចេញមតិយោបល់គ្រប់គ្នា និងមានសិទ្ធបោះឆ្នោតជូនគណបក្សអ្នកដែលយើងស្រលាញ់ធ្វើជា នាយករដ្ឋមន្ត្រី ធ្វើមេឃុំ ជាចៅហ្វាយរបស់ខ្លួន មិនប្រើកាំភ្លើង ដូចឆ្នាំ១៩៧៤ ដល់១៩៩៨ ទៀតទេ ។ ទី៤ កំណែទំរង់ និងពង្រឹងច្បាប់ចរាចរណ៍ អ្នកមានរថយន្តត្រូវរៀនបើកបរ និងធ្វើពាក់មី ឈៀកមុនបើកបរលើដងផ្លូវ ហើយប្រជាពលរដ្ឋត្រូវចេះគោរពច្បាប់់ចរាចរណ៍ និងពាក់មួកសុវត្ថិភាពគ្រប់គ្នា ។
នៅចុងបញ្ចប់ ឯកឧត្តមនាយឧត្តមសេនីយ៍ សុខ ផល បានប្រគល់មួកសុវត្ថិភាពជូនម្នាក់មួយនិងថវិការមួយចំនួនផងដែរ ៕
