ខេត្តបាត់ដំបង ៖ អ្នកសារព័ត៌មាន ក្នុងខេត្តបាត់ដំបង ចំនួន២នាក់ ខណះពេលកំពុងធ្វើដំណើរ ត្រឡប់មកពីយកព័ត៌មាន នៅស្រុកកំរៀង បានជួបគ្រោះថ្នាក់ចរាចរ ដោយសារជិះគេចរថយន្ត ត្រង់ចំណុចផ្លូវកោង រួចជ្រុលបុកបង្កាន់ស្ពានពង្រ បណ្តាលឲ្យស្លាប់និងរបួសធ្ងន់ នៅនិងកន្លែង ។ ហេតុការណ៍នេះ បានកើតឡើង កាលពីវេលាម៉ោង ជាង២រសៀល ថ្ងៃទី០២ ខែមករា ឆ្នាំ២០១៦ ក្នុងភូមិសាស្ត្រ ស្រុកបវេល ខេត្តបាត់ដំបង ។
ជនរងគ្រោះ ដែលស្លាប់បាត់បង់ជីវិត មានឈ្មោះ សុខ.ចាន់ថន ភេទប្រុស អាយុ៥៦ឆ្នាំ ជាអ្នកសារព័ត៌មាន «កម្ពុជាអភិវឌ្ឍន៍» រស់នៅភូមិអូរតាគាំ១ សង្កាត់ទួលតាឯក ក្រុងបាត់ដំបង រីឯអ្នករួមដំណើរម្នាក់ទៀត ឈ្មោះ មាស.ប៊ុនធឿន ភេទប្រុស អាយុ៥២ឆ្នាំ ជាអ្នកសារព័ត៌មាន «គតិជាតិខ្មែរ» រស់នៅភូមិព្រែកព្រះស្ដេច បានរងរបួសធ្ងន់ ត្រូវគេដឹកបញ្ជូន ទៅមន្ទីរពេទ្យ ដើម្បីសង្គ្រោះបន្ទាន់ ។
ប្រភពបានឲ្យដឹងថា មុនកើតហេតុ ជនរងគ្រោះទាំង២នាក់ បានជិះម៉ូតូម៉ាក Wave ស៊េរីឆ្នាំ២០០២ ពាក់ស្លាកលេខ បាត់ដំបង ១C-៨៦៧៤ គោលបំណងទៅយកព័ត៌មាន នៅស្រុកកំរៀង លុះត្រឡប់មកវិញ ជនរងគ្រោះ បានឡើងវ៉ារថយន្តស្របទិស ស្រាប់តែវ៉ាក់អើរថយន្ត បើកបញ្ច្រាស់មកពីមុខ ភ្លាមនោះ ជនរងគ្រោះ បានបត់ចង្កូតគេចពីរថយន្ត ហើយក៏ជ្រុលទៅបុក បង្កាន់ស្ពានពង្រ បណ្តាលឲ្យស្លាប់និងរបួសធ្ងន់ តែម្ដង ។
បច្ចុប្បន្ន សពរងគ្រោះ កំពុងត្រូវបាន ក្រុមគ្រួសារ រៀបចំធ្វើបុណ្យ តាមប្រពៃណីយ៍ នៅឯគេហដ្ឋាន ៕
