មណ្ឌលគិរី ៖ ពិធីសម្ភោធដាក់អោយប្រើប្រាស់អគារមិត្តភាពរបស់កងទ័ពប្រជាជនវៀតណាមខេត្តដាក់ណុង ដែលទើបកសាងសង់រួចកាលពីថ្មីៗនេះ នៅទីបញ្ជាការតំបន់ប្រតិបត្តិការសឹករងមណ្ឌលគិរីនៅព្រឹកថ្ងៃទី២ កុម្ភៈ ២០១៦ បានធ្វើពិធីសម្ពោធនឹងប្រគល់ជូនដល់ កងយោធពលខេរៈភូមិន្ទតំបន់ប្រតិបត្តិការសឹករងមណ្ឌលគិរី ក្រោមអធិបតីភាពលោក ប៉េង សម្បត្តិ អភិបាលរងខេត្ត លោកឧត្តមសេនីយ៏ត្រី ឃិន ម៉េងស្រេង មេបញ្ជាការតំបន់ប្រតិបត្តិការសឹករងខេត្ត លោកវរៈសេនីយ៏ឯក ថាយ ដាយង៉ុក មេបញ្ជាការយោធាខេត្តដាក់ណុង លោកវរៈសេនីយ៏ឯក តឿង សុនឡាយ ប្រធាននយោបាយខេត្តដាក់ណុង ព្រមទាំងនាយទាហាន នាយទាហានរងប្រមាណជាង១០០នាក់ផងដែរ។
លោកឧត្តមសេនីយ៏ត្រី ឃិន ម៉េងស្រេង មេបញ្ជាការតំបន់ប្រតិបត្តិការសឹករងខេត្តមណ្ឌលគិរី បានមានប្រសាសន៏ថ្លែងអំណរគុណជាអណេក ដែលលោកមេបញ្ជាការយោធាខេត្តដាក់ណុង នៃសាធារណរដ្ឋសង្គមនិយមវៀតណាម ដែលបានចូលរួមធ្វើពិធីប្រគល់អាគារមិត្តភាពរបសល់គណៈបញ្ជាការ យោធាខេត្តដាក់ណុង ជូនតំបន់ប្រតិបត្តិការសឹងរងមណ្ឌលគិរី ។
លោកឧត្តមសេនីយ៏ត្រីឃិន ម៉េងស្រេង បានមានប្រសាសន៏បន្តថា មិនត្រឹមតែអាគារថ្មីមួយខ្នងនេះទេ ដែលទទួលបានការឧបត្ថមពីកងទ័ពប្រជាជនវៀតណាម តែកន្លងមកមេបញ្ជាការយោធាខេត្តដាក់ណុង តែងបានជួយជាសម្ភារៈនឹងជំនួយផ្សេងៗដល់ តំបន់ប្រតិបត្តិការសឹករងមណ្ឌលគិរី ក្នុងឋានៈជា មិត្តដែលមានភូមិផងរបរជាប់គ្នា។មិនត្រឹមតែប៉ុណ្ណោះ ពាក់ព័ន្ឋបញ្ហាសន្តិសុខតាមខ្សែរបន្ទាត់ព្រំដែនរវាងខេត្តមណ្ឌលគិរី នឹងខេត្តដាក់ណុង ក៏មិនដែលមានបាតុភាពអ្វីកើតឡើងជាគួរឲ្យកត់សម្គាល់ដែរ ព្រោះយោធាខេត្តមណ្ឌលគិរីនឹងយោធាខេត្តដាក់ណុងបានធ្វើប្រតិបត្តិការរួមគ្នាដើម្បី រក្សាសន្តិសុខសណ្នាប់ធ្នាប់ព្រំដែន ។
អាគាររដ្ឋបាលដែលកងទ័ពប្រជាជនវៀតណាមខេត្តដាក់ណុង ប្រគល់ជូនតំបន់ប្រតិបត្តិការសឹករងមណ្ឌលគិរី មានប្រវែង៨.៨ម៉ែត្រ គុណ ៣០.៣ម៉ែត្រ ស្មើរ ២.៦៦៦ម៉ែត្រការ៉េ រួមមាន៩បន្ទប់ នឹងសម្ភារៈការិយាល័យ តាមបន្ទប់នីមួយៗ សរុបថវិកាអស់៩ម៉ឺនដុល្លាសហរដ្ឋអាមេរិច៕ ហេង ចាន់ណុប
