ខេត្តសៀមរាប ៖ ជញ្ជីងថ្លឹងរថយន្តស្រុកពួកខេត្តសៀមរាប ចំណុះឲ្យក្រសួងសាធារណៈការនិងដឹកជញ្ជូន បាន និង កំពុងតែសំងំកើបយកប្រាក់ពីក្រុមអ្នកដឹកទំនិញយ៉ាងងាយស្រួល ដោយពុំបានឲ្យរថយន្តឡើងលើជញ្ជីងនោះឡើយ ។គឺគ្រាន់តែរង់ចាំទទួលយកប្រាក់ពីតំណាងម្ចាស់ទំនិញតែប៉ុណ្ណោះ ។
បើតាមសេចក្តីបើតាមប្រពភពព័ត៏មានបានអោយដឹងថា កាលពីពេលថ្មីៗនេះ មន្ត្រីស្ថានីយ៏ជញ្ជីងបានប្រព្រឹត្តអំពើពុករលួយជារៀងរាល់ថ្ងៃ ដែលធ្វើឲ្យមជ្ឈដ្ឋានអ្នករកស៊ីដឹកទំនិញទាំងអស់កំពុងតែសប្បាយចិត្តបំផុត ព្រោះការដឹកជញ្ជូនលើសទំងន់ខុសច្បាប់កំណត់ អាចធ្វើបានដោយងាយស្រួលបំផុត គ្មានសមត្ថកិច្ចណាមួយធ្វើការបង្ក្រាបនោះឡើយ ។
សេចក្តីរាយការណ៏បានបន្តឲ្យដឹងទៀតថា មន្ត្រីប្រចាំការនៅជញ្ជីងថ្លឹងរថយន្តមិនបានអនុវត្តតាមច្បាប់នោះទេគឺបានត្រឹមតែរាប់ក្បាលរថយន្តយកប្រាក់តែប៉ុណ្ណោះ គឺពុំបានថ្លឹងរថយន្តតាមច្បាប់របស់មន្ទីឫក្រសួងនោះទេ ។ ហើយមន្ត្រីនៃមន្ទីរនិងក្រសួងសាធារៈណការ និងដឹកជញ្ជូនទាំងអស់នោះក៏បានដឹងដែរថា ផ្លូវជាតិលេខ៦Aកំពុងតែរងការខូចខាតយ៉ាងខ្លាំងដោយសាតែជនល្មើសដឹកទំនិញខុសច្បាប់លើសទំងន់ ទើបតែនឹងជួសជុលរួច អស់ថវិកាជាច្រើន ។ ហើយម្យ៉ាងវិញទៀត ថវិកាដែលធ្វើផ្លូវនេះគឺជាថវិកាដែលរាជរដ្ឋាភិបាលអាចនិងខ្ចីពីបរទេស ជាពិសេស ប្រាក់កម្ចីពីធានាគារអភិវឌ្ឍន៏អាស៊ី និងធនាគារពិភពលោក ។
ប្រភពដដែលបានឲ្យដឹងទៀតថា មន្ត្រីនៃមន្ទីរសាធារណការនិងដឹកជញ្ជូនខេត្តសៀមរាបដែលប្រចាំការនៅស្ថានីយ៏ថ្លឹងរថយន្តនោះមិនដែលខ្វល់ខ្វាយពីការខូចផ្លូវជាតិនោះទេ គឺគិតតែពីផលប្រយោជន៏បុគ្គលនិងបក្ខពួកមួយក្តាប់តូច ពីក្រោមរហូតដល់ថ្នាក់ក្រសួងតែប៉ុណ្ណោះ ។
ទាក់ទិននិងជញ្ជីងមិនចាំប៉ាចថ្លឹងរថយន្តនេះ ដែលអ្នកយកព័ត៏មានយើងក៏បានជួបជាមួយលោក គឹម ប៉ុណ្ណា ប្រធានមន្ទីរសាធារណៈការខេត្តសៀមរាបតាមទូរសព្ទ័ផងដែរ នៅព្រឹកថ្ងៃទី២៨ ខែមករា ២០១៦ ដើម្បីសុំការបំភ្លឺជំវិញករណីចោទប្រកាន់ខាងលើនេះ ។ លោកបានឆ្លើយប្រាប់ថា អ្នកយកព័ត៏មានឲ្យដឹងថា ការចោទប្រកាន់ពាក់ព័ន្ធបញ្ហាខាងលើនេះ គឺ ពុំមានដូចការចោទប្រកាន់នោះទេ គឺការផាកពិន័យមានការតាមកំណត់ បើលើសចាប់ពីក្រោមប្រាំភាគរយ គឺផាកពិន័យទៅតាមច្បាប់ ពុំមានដូចការចោទប្រកាន់នោះទេ ដែលថាមិនបាច់ឡើងជញ្ជីងនោះ លោកបានច្រានចោលថា ពុំពិត ។
ទោះបីយ៉ាងណាក៏ដោយ មជ្ឈដ្ឋាននានាបានអំពាវនាវឲ្យមានការយកចិត្តទុកដាក់ និងដាក់ការសង្ស័យ ទៅលើភាពមិនប្រក្រតីនៅជញ្ជីងថ្លឹងនេះផងដែរ ពីព្រោះថាបើដូចការបញ្ជាក់អះអាងរបស់លោកប្រធាននោះ ផ្លូវជាតិលេខ ៦ ទំនងជាមិនវិនាសខូចខាតដូចនេះទេ ខណៈពេលដែលរដ្ឋាភិបាលបានខិតខំយកចិត្តទុកដាក់និងចំណាយថវិការរាប់លានរៀល ក្នុងការកសាងអភិវឌ្ឍផ្លូវថ្នល់យ៉ាងលំបាកលំបិនរហូតដល់ដើរខ្ចីបុលគេ បែរជាត្រូវរងការបំផ្លាញដោយក្រុមមួយក្តាប់តូចដូចនេះ ៕
