ខេត្តសៀមរាប ៖ យ៉ាងហោចណាស់ក្នុងមួយយប់ៗ (ចែថា)ដឹកឈើចេញពីខេត្តព្រះវិហារ ចូលមកខេត្តសៀមរាបមិនក្រោមពីទៅបីរថយន្តនីសាន់កែឆ្នៃរបស់គេឡើយ ។ ការដឹកជញ្ជូនឈើរបស់(ចែថា)ក៏មានការចូលរួមពីសំណាក់សមត្ថកិច្ចជំនាញបើកភ្លើងខៀវអោយ ទើបអាចចូលមកដល់ក្រុងសៀមរាបបាន ទើបចែកចាយតាមដេប៉ូលក់បន្តទៀត ។
ក្បួនដឹកឈើរបស់ចែ ថា ត្រូវបានធ្វើដំណើរឆ្លងកាត់ស្រុកជាច្រើនដូចជា ស្រុកស្វាយលើ ស្រុកសូត្រនិគម ស្រុក ប្រាសាទបាគង ដែលត្រូវឆ្លងកាត់ស្ថាបន័ជំនាញពាក់ពន្ធ័ជាច្រើន តែការដឹកជញ្ជូនឈើខុសច្បាប់សម្រាប់ ចែ ថានេះមិនមានទុក្ខលំបាកដល់រូបគាត់ឡើយ ។ ដោយគាត់បានប្រាប់ អ្នកយកព័ត៌មានយើងឲ្យដឹងថា រូបគាត់បានបង់ប្រាក់អោយទៅជំនាញតាមដងផ្លូវអស់រួចទៅហើយ ។
គួររំលឹកផងដែលថា ប្រមុខរាជរដ្ឋាភិបាលតែងតែប្រកាសជាសាធារណ៖ដល់មន្ត្រីគ្រប់រូប ដែលមានតួរនាទីជាប់ខ្លួនអោយខិតខំប្រឹងប្រែងទប់ស្កាត់បង្ក្រាប់ បទល្មើស ដែលកើតឡើងនៅតំបន់របស់ខ្លួន តែផ្ទុយទៅវិញ មន្ត្រីទាំងនោះបែរជាបណ្តែតបណ្តោយ និងឃុបឃិតជាមួយនិងឈ្មួញទៅវិញ ដើម្បីបើកដៃនិងផ្តល់ព័ត៌មានជូនឈ្មួញ ដូចជាការដឹកជញ្ជូនឈើរបស់ ឈ្មោះចែ ថានេះផងដែរ ។ ពេលដែលមានថ្នាក់ដឹកនាំចូលមកក្នុងខេត្តសៀមរាប ជំនាញទាំងនោះទំនងជាផ្តល់ព័ត៌មាន ដល់ ចែ ថា កុំអោយចូលមកដល់ក្នុងក្រុងសៀមរាប ពោលគឺគេមានកន្លែងរបស់គេសម្រាប់សាងដាក់រ៉ឺម៉កនៅចំនុចវាលកូនហ្គោល ភូមិលលំ ស្រុក ប្រាសាទបាគង ដើម្បីបំភ័ន្តភ្នែកថ្នាក់ដឹកនាំ។ ។
ទាក់ទិននិងការដឹកជញ្ជូនឈើខុសច្បាប់របស់ (ចែ ថា)នេះផងដែរ នៅល្ងាចថ្ងៃទី២៩ ខែ០មករា ២០១៦ អ្នកយកព័ត៌មានបានទំនាក់ទំនងតាមទូរស័ព្ទទៅលោក ទា គឹមសុទ្ធ នាយខណ្ខរដ្ឋបាលព្រៃឈើប្រចាំខេត្តសៀមរាបផងដែរ ដើម្បីធ្វើការសាក់សួរឈ្មួញខាងលើ លោក ទា គឹមសុទ្ធ បានឆ្លើយថា លោកមិនបានដឹងនោះទេ ចាំលោកសួរកូនចៅរបស់លោក បើមានមែន លោកនឹងអោយកូនចៅរបស់លោកធ្វើការតាមផ្លូវច្បាប់ ។ បើទោះបីជាយ៉ាងណាក៏ដោយ ការឆ្លើយតបរបស់លោក ទា គឹមសុទ្ធ ប្រជាពលរដ្ឋដែលបានឃើញក្រុមឈ្មួញធ្វើសកម្មភាពរាល់ថ្ងៃបានរិះគន់ថា ឈ្មួញដឹកជញ្ជូនឈើជារៀងរាល់ថ្ងៃ ហេតុអ្វីបានជាលោកមិនដឹង ឬមួយថាភ្លេចពីតួរនាទីរបស់ខ្លួន ឬក៏កូនចៅរបស់លោកមិនធ្វើរបាយការណ៏ជូនលោក ទុកគ្រាន់សំងំលេបតែម្នាក់ឯង ឬមួយថាលោកដឹងហើយ ចេះតែឆ្លើយអោយរួចតែពីមាត់ ព្រោះខ្លាចបែកឆ្នាំងបាយរបស់លោក ។
ករណីឈ្មួញឈ្មោះ( ចែ ថា)ខាងលើនេះដែលសូមអាជ្ញាធរមានសមត្ថកិច្ចមេត្តាចាត់វិធានការ និងវែកមុខអ្នកបើកភ្លើងខៀវអោយកើតមានរកណីខាងលើផង ៕
ដោយ ៖ លុច ណាម
