(ភ្នំពេញ)៖ ប្រមុខរាជរដ្ឋាភិបាល ទើបតែចេញអនុក្រិត្យថ្មីក្នុងការពិន័យអំពើល្មើសចរាចរណ៍ផ្លូវគោក ដើម្បីកាត់បន្ថយគ្រោះថ្នាក់ចរាចរណ៍ដែលកំពុងសម្លាប់ពលរដ្ឋខ្មែរ ក្នុងមួយថ្ងៃៗជាមធ្យមច្រើនជាង៥នាក់នោះ។
អនុក្រិត្យថ្មីនេះ ត្រូវប្រមុខរាជរដ្ឋាភិបាលចុះហត្ថលេខានៅថ្ងៃទី១៧ មីនា ឆ្នាំ២០២០ ធ្វើឡើងតាមសំណើរក្រសួងមហាផ្ទៃ ត្រូវគេមើលឃើញថាមានការដាក់ពិន័យធ្ងន់ជាងមុនដើម្បីកាត់បន្ថយគ្រោះថ្នាក់ចរាចរណ៍។
ត្រង់ចំនុចនិយាយអំពីអំពើល្មើស និងចំនួនទឹកប្រាក់ត្រូវពិន័យអន្តរការណ៍ បានចែងថាត្រូវពិន័យប្រាក់ចំនួនប្រាំមួយម៉ឺនរៀលចំពោះអ្នកបើកបរម៉ូតូ អ្នករួមដំណើរ ព្រមទាំងកុមារអាយុ៣ឆ្នាំឡើងទៅបើមិនពាក់មួកសុវត្ថិភាពឲ្យបានត្រឹមត្រូវទេនោះ។ ចំពោះអ្នកបើករថយន្តដែលប្រើទូរស័ព្ទពេលបើកបរវិញ ត្រូវពិន័យប្រាក់៨ម៉ឺនរៀល។ចំពោះអ្នកបើកបរបង្ហោះ រចុះឡើង ឆាបឬគៀរគេ ពិន័យ១០ម៉ឺនរៀ។
ដើម្បីការពារអាយុជីវិតនិងលើកកម្ពស់សុជីវធម៌ពេលធ្វើដំណើរ សូមអានអនុក្រិត្យថ្មី របស់រាជរដ្ឋាភិបាល នៅខាងក្រោមនេះ៕
