ភ្នំពេញ ៖ ព្រលប់ថ្ងៃទី១២ ខែមីនា ឆ្នាំ២០២០នេះ បានចេញសេចក្តីបំភ្លឺមួយតាមរយៈមេធាវី លោកឧកញ៉ា លាង ឃុន សូមបដិសេធថា លោកមិនបានជាប់ពាក់ព័ន្ធនឹងស្ត្រីឈ្មោះ ឃុន ស្រីស្រស់ ដែលបានលោតសម្លាប់ខ្លួនពីលើអគារខុនដូរ «វីឃែន WECAN» នោះទេ និងមាន វិដេអូរភស្តុតាំងផងដែរ។
ខាងមេធាវីតំណាងឲ្យឧកញ៉ា លាង ឃុន បានចេញសេចក្តីបំភ្លឺរៀបរាប់ជាមួយខ្លឹមសារយ៉ាងដូច្នេះថា៖ ខ្ញុំមេធាវី ម៉ៃ វណ្ណាឌី សមាជិកគណៈមេធាវី នៃព្រះរាជាណាចក្រកម្ពុជា អត្តលេខ៥៩៩ ជាមេធាវីការពារសិទ្ធិ និងតំណាងឲ្យលោកឧកញ៉ា លាង ឃុន សូមធ្វើនូវសេចក្តីបំភ្លឺព័ត៌មាន ដែលមានខ្លឹមសារដូចខាងក្រោមនេះ ដោយសារតែមានបណ្តាញសង្គម និងសារព័ត៌មានមួយចំនួនបានបន្តធ្វើការចែករំលែក នូវព័ត៌មានដែលមិនមានមូលដ្ឋានច្បាស់លាស់ ហើយជាការផ្សព្វផ្សាយ ដែលបណ្តាលឲ្យប៉ះពាល់យ៉ាងធ្ងន់ធ្ងរដល់កិត្តិយស និង សេចក្តីថ្លៃថ្នូររបស់ក្រុមគ្រួសារ និង ក្រុមហ៊ុនយើងខ្ញុំ ពាក់ព័ន្ធនឹងករណីធ្វើអត្តឃាតរបស់នារីឈ្មោះ ឃុន ស្រីស្រស់ (ឬ Sri Nika ឈ្មោះគណនេយ្យហ្វេសប៊ុក) ដែលបានកើតឡើង កាលពីថ្ងៃទី១១ ខែមីនា ឆ្នាំ២០២០ យើងខ្ញុំសូមធ្វើការបកស្រាយបំភ្លឺដែលមានខ្លឹមសារ និង មូលដ្ឋានដូចតទៅ៖
១៖ ការស្លាប់របស់នារីឈ្មោះ ឃុន ស្រីស្រស់ ដែលបានធ្វើការចោទប្រកាន់មកលើលោកឧកញ៉ា លាង ឃុន នោះ ត្រូវបានបញ្ជាក់ដោយ អាជ្ញាធរមានសមត្ថកិច្ចតាមរយៈការធ្វើកោសលវិច័យថា នារីរូបនោះ គឺជាការធ្វើអត្តឃាតយ៉ាងពិតប្រាកដ។
២៖ ករណីនេះបានកើតមានឡើងកាលពីអំឡុងខែមករា ឆ្នាំ២០២០ ម្តងរួចមកហើយ ហើយពួកយើងក៏បានដាក់ពាក្យបណ្តឹងទៅអាជ្ញាធរមានសមត្ថកិច្ច ពីករណីបរិហាបង្កាច់កេរ្តិ៍ និង គំរាមកំហែងដោយមានលក្ខខណ្ឌទាមទារប្រាក់ ដែលបានប្រព្រឹត្តឡើងជាច្រើនលើកច្រើនសារដោយនារីឈ្មោះ ឃុន ស្រីស្រស់ ។
បញ្ជាការដ្ឋានកងរាជអាវុធហត្ថរាជធានីភ្នំពេញ បានដំណើរការតាមនីតិវិធីច្បាប់ ដើម្បីដោះស្រាយបញ្ហានេះ ដោយមានការចូលរួមពីមេធាវីតំណាងលោកឧកញ៉ា សាម៉ីខ្លួនឈ្មោះ ឃុន ស្រីស្រស់ និង ក្រុមគ្រួសារបងប្អូនរបស់នាងផងដែរ។
៣៖ ក្រោយពីបានដោះស្រាយជាមួយ នារីឈ្មោះ ឃុន ស្រីស្រស់ និង បានស្រាវជ្រាវរកឃើញការពិត សមត្ថកិច្ចក៏បានរៀបចំនូវភស្តុតាងជាវីដេអូឃ្លីប ដែលនារីរូបនោះបានសារភាពកំហុស និងធ្វើការសុំការអភ័យទោស នៅចំពោះមុខសមត្ថកិច្ច និងចំពោះលោកឧកញ៉ា។ ដោយមានការអាណិតអាសូរ និង មិនចង់អោយមានបញ្ហាវែងឆ្ងាយ លោកឧកញ៉ា បានសម្រេចចិត្តមិនដេញដោលរឿងនេះតទៅមុខទៀតទេ ហើយគិតថាបញ្ហានេះត្រូវបានដោះស្រាយ ចប់សព្វគ្រប់រួចទៅហើយ។
៤៖ រហូតមកដល់ថ្ងៃទី១១ ខែមីនា ឆ្នាំ២០២០ ក្រោយពេលដែលនារីឈ្មោះ ឃុន ស្រីស្រស់ បានបង្ហោះសារ និង ធ្វើអត្តឃាតបានសម្រេចរួចមក ស្រាប់តែមានលេចឡើងនូវការចោទប្រកាន់នេះសារជាថ្មី តាមរយៈបណ្តាញសង្គម និងសារព័ត៌មានមួយចំនួន ដោយមានភ្ជាប់នូវវីដេអូឃ្លីបរបស់នារីរូបនោះ និង រូបភាពមួយចំនួន ដែលជាឯកសារនៅក្នុងសំណុំរឿងចាស់ ហើយត្រូវបាននារី ឃុន ស្រីស្រស់ ខ្លួនឯងបដិសេធថា ជាការមួលបង្កាច់ គំរាមកំហែងដើម្បីទាមទារប្រាក់ពីលោកឧកញ៉ា (មានភស្តុតាងជាវីដេអូដើម្បីបញ្ជាក់)។
៥៖ តាមរយៈសេចក្តីបំភ្លឺនេះ រួមជាមួយនឹងភស្តុតាងយ៉ាងជាក់ច្បាស់ដែលយើងបានបង្ហាញ រួមជាមួយនឹងការបញ្ជាក់អំពីអាជ្ញាធរមានសមត្ថកិច្ចផងនោះ យើងខ្ញុំសង្ឃឹមថា សាធារណៈជននឹងបានជ្រាបអំពីការពិត ដែលបានកើតមានឡើងជុំវិញបញ្ហានេះ។
៦៖ យើងខ្ញុំគោរពនូវរាល់សិទ្ធក្នុងការបញ្ចេញមតិ ក៏ដូចជាការផ្សព្វផ្សាយព័ត៌មានទាំងឡាយណាជុំវិញករណីនេះប្រកបដោយវិជ្ជាជីវៈ និងទំនួលខុសត្រូវខ្ពស់ ជៀសវាងរាល់ការបន្តផ្សព្វផ្សាយ ព័ត៌មានទាំងឡាយដែលគ្មានមូលដ្ឋានច្បាស់លាស់ ហើយបណ្តាលអោយប៉ះពាល់កិត្តិយស និង សេចក្តីថ្លៃថ្នូររបស់អ្នកដទៃ ដែលនេះគឺជាបទល្មើសព្រហ្មទណ្ឌដែលអាចត្រូវបានផ្តន្ទាទោសតាមច្បាប់។
៧៖ ជាចុងក្រោយនេះ យើងខ្ញុំសូមចូលរួមសម្តែងការសោកស្តាយចំពោះការបាត់បង់នេះ ក៏ដូចជាចូលរួមចែករំលែកនូវមរណទុក្ខជាមួយក្រុមគ្រួសារទាំងមូលនៃសព ដោយសេចក្តីសោកស្តាយជាទីបំផុត។
សូមទស្សនាវិដេអួរខាងក្រោមនេះដូចតទៅ ៖
លោកឧកញ៉ា លាង ឃុន ចេញសេចក្តីបំភ្លឺថា លោកមិនបានជាប់ពាក់ព័ន្ធជាមួយស្ត្រីឈ្មោះ ឃុន ស្រីស្រស់ ដែលលោតសម្លាប់ខ្លួនពីលើអគារខុនដូរកន្លងមកថ្មីនេះ
ភ្នំពេញ ៖ ព្រលប់ថ្ងៃទី១២ ខែមីនា ឆ្នាំ២០២០នេះ បានចេញសេចក្តីបំភ្លឺមួយតាមរយៈមេធាវី លោកឧកញ៉ា លាង ឃុន សូមបដិសេធថា លោកមិនបានជាប់ពាក់ព័ន្ធនឹងស្ត្រីឈ្មោះ ឃុន ស្រីស្រស់ ដែលបានលោតសម្លាប់ខ្លួនពីលើអគារខុនដូរ «វីឃែន WECAN» នោះទេ និងមាន វិដេអូរភស្តុតាំងផងដែរ។
ខាងមេធាវីតំណាងឲ្យឧកញ៉ា លាង ឃុន បានចេញសេចក្តីបំភ្លឺរៀបរាប់ជាមួយខ្លឹមសារយ៉ាងដូច្នេះថា៖ ខ្ញុំមេធាវី ម៉ៃ វណ្ណាឌី សមាជិកគណៈមេធាវី នៃព្រះរាជាណាចក្រកម្ពុជា អត្តលេខ៥៩៩ ជាមេធាវីការពារសិទ្ធិ និងតំណាងឲ្យលោកឧកញ៉ា លាង ឃុន សូមធ្វើនូវសេចក្តីបំភ្លឺព័ត៌មាន ដែលមានខ្លឹមសារដូចខាងក្រោមនេះ ដោយសារតែមានបណ្តាញសង្គម និងសារព័ត៌មានមួយចំនួនបានបន្តធ្វើការចែករំលែក នូវព័ត៌មានដែលមិនមានមូលដ្ឋានច្បាស់លាស់ ហើយជាការផ្សព្វផ្សាយ ដែលបណ្តាលឲ្យប៉ះពាល់យ៉ាងធ្ងន់ធ្ងរដល់កិត្តិយស និង សេចក្តីថ្លៃថ្នូររបស់ក្រុមគ្រួសារ និង ក្រុមហ៊ុនយើងខ្ញុំ ពាក់ព័ន្ធនឹងករណីធ្វើអត្តឃាតរបស់នារីឈ្មោះ ឃុន ស្រីស្រស់ (ឬ Sri Nika ឈ្មោះគណនេយ្យហ្វេសប៊ុក) ដែលបានកើតឡើង កាលពីថ្ងៃទី១១ ខែមីនា ឆ្នាំ២០២០ យើងខ្ញុំសូមធ្វើការបកស្រាយបំភ្លឺដែលមានខ្លឹមសារ និង មូលដ្ឋានដូចតទៅ៖
១៖ ការស្លាប់របស់នារីឈ្មោះ ឃុន ស្រីស្រស់ ដែលបានធ្វើការចោទប្រកាន់មកលើលោកឧកញ៉ា លាង ឃុន នោះ ត្រូវបានបញ្ជាក់ដោយ អាជ្ញាធរមានសមត្ថកិច្ចតាមរយៈការធ្វើកោសលវិច័យថា នារីរូបនោះ គឺជាការធ្វើអត្តឃាតយ៉ាងពិតប្រាកដ។
២៖ ករណីនេះបានកើតមានឡើងកាលពីអំឡុងខែមករា ឆ្នាំ២០២០ ម្តងរួចមកហើយ ហើយពួកយើងក៏បានដាក់ពាក្យបណ្តឹងទៅអាជ្ញាធរមានសមត្ថកិច្ច ពីករណីបរិហាបង្កាច់កេរ្តិ៍ និង គំរាមកំហែងដោយមានលក្ខខណ្ឌទាមទារប្រាក់ ដែលបានប្រព្រឹត្តឡើងជាច្រើនលើកច្រើនសារដោយនារីឈ្មោះ ឃុន ស្រីស្រស់ ។
បញ្ជាការដ្ឋានកងរាជអាវុធហត្ថរាជធានីភ្នំពេញ បានដំណើរការតាមនីតិវិធីច្បាប់ ដើម្បីដោះស្រាយបញ្ហានេះ ដោយមានការចូលរួមពីមេធាវីតំណាងលោកឧកញ៉ា សាម៉ីខ្លួនឈ្មោះ ឃុន ស្រីស្រស់ និង ក្រុមគ្រួសារបងប្អូនរបស់នាងផងដែរ។
៣៖ ក្រោយពីបានដោះស្រាយជាមួយ នារីឈ្មោះ ឃុន ស្រីស្រស់ និង បានស្រាវជ្រាវរកឃើញការពិត សមត្ថកិច្ចក៏បានរៀបចំនូវភស្តុតាងជាវីដេអូឃ្លីប ដែលនារីរូបនោះបានសារភាពកំហុស និងធ្វើការសុំការអភ័យទោស នៅចំពោះមុខសមត្ថកិច្ច និងចំពោះលោកឧកញ៉ា។ ដោយមានការអាណិតអាសូរ និង មិនចង់អោយមានបញ្ហាវែងឆ្ងាយ លោកឧកញ៉ា បានសម្រេចចិត្តមិនដេញដោលរឿងនេះតទៅមុខទៀតទេ ហើយគិតថាបញ្ហានេះត្រូវបានដោះស្រាយ ចប់សព្វគ្រប់រួចទៅហើយ។
៤៖ រហូតមកដល់ថ្ងៃទី១១ ខែមីនា ឆ្នាំ២០២០ ក្រោយពេលដែលនារីឈ្មោះ ឃុន ស្រីស្រស់ បានបង្ហោះសារ និង ធ្វើអត្តឃាតបានសម្រេចរួចមក ស្រាប់តែមានលេចឡើងនូវការចោទប្រកាន់នេះសារជាថ្មី តាមរយៈបណ្តាញសង្គម និងសារព័ត៌មានមួយចំនួន ដោយមានភ្ជាប់នូវវីដេអូឃ្លីបរបស់នារីរូបនោះ និង រូបភាពមួយចំនួន ដែលជាឯកសារនៅក្នុងសំណុំរឿងចាស់ ហើយត្រូវបាននារី ឃុន ស្រីស្រស់ ខ្លួនឯងបដិសេធថា ជាការមួលបង្កាច់ គំរាមកំហែងដើម្បីទាមទារប្រាក់ពីលោកឧកញ៉ា (មានភស្តុតាងជាវីដេអូដើម្បីបញ្ជាក់)។
៥៖ តាមរយៈសេចក្តីបំភ្លឺនេះ រួមជាមួយនឹងភស្តុតាងយ៉ាងជាក់ច្បាស់ដែលយើងបានបង្ហាញ រួមជាមួយនឹងការបញ្ជាក់អំពីអាជ្ញាធរមានសមត្ថកិច្ចផងនោះ យើងខ្ញុំសង្ឃឹមថា សាធារណៈជននឹងបានជ្រាបអំពីការពិត ដែលបានកើតមានឡើងជុំវិញបញ្ហានេះ។
៦៖ យើងខ្ញុំគោរពនូវរាល់សិទ្ធក្នុងការបញ្ចេញមតិ ក៏ដូចជាការផ្សព្វផ្សាយព័ត៌មានទាំងឡាយណាជុំវិញករណីនេះប្រកបដោយវិជ្ជាជីវៈ និងទំនួលខុសត្រូវខ្ពស់ ជៀសវាងរាល់ការបន្តផ្សព្វផ្សាយ ព័ត៌មានទាំងឡាយដែលគ្មានមូលដ្ឋានច្បាស់លាស់ ហើយបណ្តាលអោយប៉ះពាល់កិត្តិយស និង សេចក្តីថ្លៃថ្នូររបស់អ្នកដទៃ ដែលនេះគឺជាបទល្មើសព្រហ្មទណ្ឌដែលអាចត្រូវបានផ្តន្ទាទោសតាមច្បាប់។
៧៖ ជាចុងក្រោយនេះ យើងខ្ញុំសូមចូលរួមសម្តែងការសោកស្តាយចំពោះការបាត់បង់នេះ ក៏ដូចជាចូលរួមចែករំលែកនូវមរណទុក្ខជាមួយក្រុមគ្រួសារទាំងមូលនៃសព ដោយសេចក្តីសោកស្តាយជាទីបំផុត។
