ភ្នំពេញ ៖ កាលពីរសៀលថ្ងៃទី ៩ ខែមីនា ឆ្នាំ២០២០ នៅសាលារាជធានីភ្នំពេញ ឯកឧត្តម ឃួង ស្រេង អភិបាលរាជធានីភ្នំពេញ បានទទួលការឧបត្ថម្ភ ម៉ាស់ ចំនួន ១០ ម៉ឺន ពីក្រុមហ៊ុនផលិតម៉ាស់ ក្នុងស្រុក សម្រាប់ចែកជូនដល់សាធារណៈជន ។
ឯកឧត្តម ឃួង ស្រេង អភិបាលរាជធានីភ្នំពេញបានថ្លែងអំណរគុណយ៉ាងជ្រាលចំពោះលោក លឹម ឃាង ប្រធានក្រុមកសិកម្មតឹងយ៉ុង ដែលបាលផ្ដល់ម៉ាស់ចំនួន ១០ ម៉ឺនជូនរដ្ឋបាលរាជធានីភ្នំពេញនាពេលនេះ ។ ឯកឧត្តមរក្សាម៉ាស់នេះទុកសម្រាប់ចែកយកទៅប្រើប្រាស់សម្រាប់ការពារមេរោគឆ្លង នៅតំបន់ណាដែលសង្ស័យថាមានជំងឺឬមេរោគឆ្លង ដូចជាជំងឺផ្តាសាយជាដើម ។ ឯកឧត្តមអភិបាលរាជធានីភ្នំពេញបញ្ជាក់ថា“ម៉ាសទាំងនេះរក្សាទុកសិនគឺពិនិត្យមើលទៅតាមលទ្ធភាពថាតើកន្លែងនោះមានរាលដាលមេរោគឬក៏អត់ ហើយម៉ាសនេះ គឺចែកឱ្យទៅតំបន់មានជំងឺសំរាប់ការពារខ្លួនពីជំងឺ”។
ឯកឧត្តមឃួងស្រេងបានលើកឡើងថាម៉ាស’នេះក៏អាចជួយទៅដល់តំបន់ណាដែលមានការសង្ស័យមានជំងឺឆ្លងcovid19នៅខេត្តសៀមរាបជាដើមហើយនិងមានការពិគ្រោះយោបល់ជាមួយមន្ទីរសុខាភិបាលរាជធានីថា គួរចែកទៅផ្នែកណាខ្លះ។
ជាមួយគ្នាឯកឧត្តមអភិបាលរាជធានីភ្នំពេញថ្លែងថា ៖ រដ្ឋបាលរាជធានីនិងមានវិធានការចំពោះអ្នកណាដែលផ្សាយព័ត៌មានមិនពិតតាមបណ្តាញព័ត៌មានសង្គមដែលធ្វើឱ្យមានចលាចលនៅរាជធានីភ្នំពេញនិងនៅទូទាំងប្រទេស ។ ឯកឧត្តមឃួងស្រេងក៏បានអំពាវនាវដល់ប្រជាពលរដ្ឋចូលរួមប្រុងប្រយ័ត្ននឹងការពារទប់ស្កាត់ការពារជំងឺ និងសូមឱ្យប្រជាពលរដ្ឋជឿជាក់លើរាជរដ្ឋាភិបាលកម្ពុជា។
ក្នុងនោះដែរលោកលឹមឃាងប្រធានក្រុមកសិកម្មតឹងយ៉ុងបានដឹងថា“ក្រុមហ៊ុនរបស់បានប្រគល់ម៉ាសចំនួន១០ម៉ឺនជូនសាលារាជធានីភ្នំពេញសំរាប់ធ្វើចែកជូនប្រជាពលរដ្ឋដោយឥតគិតថ្លៃនូវតំបន់ណាដែលសង្ស័យថាមានជំងឺឆ្លង៕
