សេចក្ដីរាយការណ៍បានឲ្យដឹងថាមានសមត្ថកិច្ចម្នាក់ ជាប់សង្ស័យ បានយកតួនាទីទៅរត់ការឲ្យឈ្មួញដឹកជញ្ជូនឈើចេញពីព្រៃឡង់ យ៉ាងពេញបន្ទុក ។ ការដឹកជញ្ជូនឈើ ចេញភូមិសាស្ត្រព្រៃឡង់កំពុងកើតមានយ៉ាងគគ្រឹកគគ្រេង ដោយសារតែ អាជ្ញាធរខេត្តក្រចេះមានការបណ្តែតបណ្តោយឲ្យ ឈ្មួញដឹកជញ្ជូនតាមអំពើចិត្ត។
ក្នុងនោះប្រភពបានរាយការណ៍ថាមានឈ្មោះ ចាន់ ដើរតួនាទី ប្រមូលឈ្មួញទាំងអស់ជាអ្នករត់ការសមត្ថកិច្ចនៅតាមដងផ្លូវផងដែរ។ជាក់ស្តែងនៅយប់ថ្ងៃទី១៨ខែកុម្ភៈ ឆ្នាំ២០២០ នេះ សកម្មភាពរបស់ឈ្មួញគ្រោងនឹងដឹកចេញយ៉ាងច្រើននេះបើតាមសេចក្តីរាយការណ៍ដែលទទួលបាន ។
បើតាមសេចក្ដីរាយការណ៍សកម្មភាពនៃការដឹកជញ្ជូនឈើក្នុងមួយយប់ ចាប់ពី ៣០ ទៅ៥០ឡាន សាំយ៉ុង ចេញពីស្រុកព្រែកប្រសព្វ ដោយដឹកជញ្ជូនឈើចេញពីតំបន់ព្រៃឡង់ ដោយទំនងមានការបើកភ្លើងខៀវពីសំណាក់មន្ត្រីបរិស្ថាន ការពារព្រៃឡង់ ជាមួយសមត្ថកិច្ចពាក់ព័ន្ឋ ដោយឈ្មួញប្រើប្រាស់រថយន្តសាំយ៉ុងកែឆ្នៃដឹកឆ្លងកាត់ស្រុកព្រែកប្រសព្វនិងនៅពេលខ្លះដឹកមកឆ្លងដរភ្នំពណ៌កាឡីនិងខ្លះទៀតជញ្ជូនឆ្លងមករការខ្មុរ ព្រះអណ្តូង ស្រុកស្ទឹងត្រង់ ខេត្តកំពង់ចាមមកដាក់តាមដេប៉ូនានា។
មជ្ឍដ្ឋាននានាបានធ្វើការរិះគន់ លោកលោក វ៉ា ថនចៅហ្វាយខេត្តក្រចេះ ដែលត្រូវបានឡើងកាន់តំណែងថ្មី ក្នុងរយ:ពេល២ឆ្នាំមកនេះមិនបានឃើញឆន្ទះក្នុងការបង្ក្រាបបទល្មើសព្រៃឈើនោះឡើយ។
ពាក់ព័ន្ធទៅនឹងការដឹកជញ្ជូនឈើនៅខេត្តក្រចេះអង្គភាពបណ្ដាញសារព័ត៌មានសៀមរាបប៉ុស្តិ៍នៅមិនទាន់ទទួលបានការបកស្រាយពីអាជ្ញាធរខេត្តក្រចេះនៅឡើយទេនៅយប់ថ្ងៃទី២០ខែកុម្ភៈនេះ៕
(ដោយ គេហទំព័រ កម្ពុជាអភិវឌ្ឍន៍)
www.kap-news.com
077797952/0887797952
WhatsApp=012580455
