ភ្នំពេញ ៖ នៅព្រឹកថ្ងៃសុក្រ១០កើតខែមិគសិរឆ្នាំកុរឯកស័កពុទ្ធស័ករាជ២៥៦៣ត្រូវនឹង ថ្ងៃទី០៦ ខែធ្នូ ឆ្នាំ២០១៩ វេលាម៉ោង០៨និង៣០នាទី រដ្ឋបាលខណ្ឌដូនពេញបានបើកកិច្ចប្រជុំគណៈបញ្ជាការឯកភាពរដ្ឋបាលខណ្ឌដូនពេញដើម្បីពិនិត្យបន្ថែមនិងពង្រឹងការងារអនុវត្តគោលនយោបាយភូមិ–សង្កាត់មានសុវត្ថិភាព ក្រោមអធិបតីភាពលោក សុខ ពេញវុធ អភិបាលនៃគណៈអភិបាលខណ្ឌដូនពេញដោយមានការអញ្ជើញចូលរួមពីលោកលោកស្រីអភិបាលរងលោកនាយក–រងរដ្ឋបាលខណ្ឌលោកអធិការស្តីទី នគរបាលខណ្ឌ លោកមេបញ្ជាការរងកងរាជអាវុធហត្ថខណ្ឌ លោកតំណាងយោធាប្រចាំខណ្ឌលោកលោកស្រីប្រធានការិយាល័យចំណុះជំនាញជុំវិញខណ្ឌលោកលោកស្រីចៅសង្កាត់ទាំង១១លោកនាយនគរបាលប៉ុស្តិ៍រដ្ឋបាលទាំង១១លោកលោកស្រីប្រធានទីរួមផ្សារទាំង៣មន្ត្រីពាក់ព័ន្ធនិងលោកតំណាងក្រុមហ៊ុនស៊ីនទ្រីប្រចាំខណ្ឌផងដែរ។
កិច្ចប្រជុំបានលើកឡើងអំពីបញ្ហាប្រឈមសំណួរសំណើរសំណូមពរផ្សេងៗពីសំណាក់ប្រជាពលរដ្ឋក្នុងមូលដ្ឋានតាមរយៈចៅសង្កាត់និងមន្ត្រីជំនាញពាក់ព័ន្ធលើបញ្ហាសន្តិសុខសុវត្ថិភាពសណ្តាប់ធ្នាប់សាធារណៈអនាម័យបញ្ហាល្បែងស៊ីសងបញ្ហាគ្រឿងញៀនដែលបាននឹងកំពុងបង្កាទប់ស្កាត់និងវិធានការបង្ក្រាបយ៉ាងយកចិត្តទុកដាក់បំផុតនិងបានពង្រឹងបន្ថែមលើការអនុវត្តខ្លឹមសារសារាចរណែនាំលេខ១១សរចុះថ្ងៃទី០៩ខែធ្នូឆ្នាំ២០១៦ស្តីពីការលុបការបង់ថ្លៃចំពោះប្រជាពលរដ្ឋលក់ដូរតាមកញ្ច្រែងកញ្ជើល្អីរបស់រាជរដ្ឋាភិបាលកម្ពុជា។
ក្នុងនោះ លោកអភិបាលបានបន្តដាក់ចេញជាផែនការនិងវិធានការអនុវត្តឲ្យកាន់តែស៊ីជម្រៅនិងប្រកបដោយប្រសិទ្ធភាពខ្ពស់បន្ថែមទៀត ៕
