ព្រះសីហនុ ៖ តាមមន្ត្រីខ្លះលួចធ្លោយ និងអាចយកជាការបានឲ្យដឹងថា លោក ទុំ ណូ ប្រធានសាខាគយ និងរដ្ឋាករខេត្តព្រះសីហនុ ដែលជាបុគ្គលកាន់តំណែងធ្លាប់មានរឿងអាស្រូវពុករលួយ បក្ខពួកនិយម សម័យកាលពីកាន់ដំណែងប្រធានសាខាគយ និងរដ្ឋាករខេត្តប៉ៃលិន មួយរយៈនេះគាត់កំពុងមានអំនួត បង្ហាញពីភាពស្និទបំផុតជាមួយ លោក គុណ ញឹម និងភរិយាលោក គុណ ញឹម ហ៊ានបន្តយន្តការពុករលួយ ធ្វើការតាមវប្បធម៍ទម្លាប់ឃុបឃិតជាមួយឈ្មួញ ក្រុមហ៊ុនដឹកជញ្ជូនកេងប្រវ័ញ្ញបំបាត់ពន្ធនាំចូលរបស់រដ្ឋ ដើម្បីខ្លួននិងបក្ខពួក ទទួលកញ្ចប់ធ្វើជាអ្នកមាន ក្នងតំណែងមេគយ និងសំដីអត់គ្របហ៊ានទាំងបោះសំដីលក្ខណះខោកមកលើកូនចៅបែបគម្រាមទៀត ពីសកម្មភាពបានដើរ អួតអាងប្រាប់មន្ត្រីគយ និងមន្ត្រីនៃស្ថាប័នផ្សេងៗ ឱ្យដឹង ពីខ្លួនបានចំណាយកញ្ចប់ជះទឹកលុយទៅឲ្យថ្នាក់លើ គឺសំដៅទៅលើ លោកបណ្ឌិតគុណ ញឹម អគ្គនាយក អគ្គនាយកដ្ឋានគយនិងរដ្ឋាករកម្ពុជា និងភរិយាលោកបណ្ឌិត គុណ ញឹម រាប់សែនដុល្លារដើម្បីបានតូឡើងកាន់តំណែងជាប្រធានសាខាគយខេត្តព្រះសីហនុនេះ មានឱកាសពុករលួយអំណាច ឥទ្ធិពលខ្លាំងជាតំណែងពោពេញដោយភាពអាស្រូវជាមេគយខេត្តប៉ៃលិនទ្វេរដងដ៏គំហុក។
លោក ទុំ ណូ គាត់ថែមទាំងអំនួតចំអកអោយកូនចៅទៀតនូវពាក្យសំដីធំជាងមាឌផងដែរថា៖ « បើគ្មានការជះលុយឲ្យមេទេ គាត់មិនអាច អង្គុយ នៅកន្លែងខ្លាញ់បានស្រួលបែបនេះឡើយ» ហើយគាត់ជាមនុស្សមេគុណ ញឹម និងភរិយាលោក គុណ ញឹម ទុកចិត្តផ្តល់ឱកាសអោយរកចំណូលតាមរយៈបង្កើតការិយាធិបតេយ្យ ឃុបឃិតជាមួយឈ្មួញ ក្រុមហ៊ុនដឹកជញ្ជូន ករណីបង់ពន្ធមិនគ្រប់ មិនបង់ពន្ធ យកលុយប្រចាំខែ យកលុយពីក្បាលឡាន និងអនុញ្ញាតអោយនាំចូលនូវរថយន្តទំនើបៗ កាត់មួយកំបិត ពីរកំបិត មកបង់ពន្ធជាគ្រឿងបន្លាស់នេះជាដើម។អង្គភាព.រស្មីនគរ.
អំពើពុករលួយ និងរាល់រឿងអាស្រូវរាប់កញ្ឆេរ របស់ លោកទុំ ណូ ល្បីថា៖ គាត់ថ្លើមធំហ៊ាននិយាយថាយកលុយទៅជះ លោកបណ្ឌិត អគ្គនាយកគយនិងរដ្ឋាករ រាប់សែនដុល្លារ បានល្បីសាចភាយដូចបែកពាងប្រហុក ជះក្លិន តៗគ្នា ដូចទឹកបាក់ទំនប់អ៊ីចឹង។ ករណីនេះបានធ្លាយចេញពីខេត្តប៉ៃលិន រហូតដល់ខេត្តព្រះសីហនុផងដែរ។
មន្ត្រីបានលួចបង្ហើបឲ្យដឹងថា៖ ចាប់តាំងពីលោកទុំ ណូ បានចូលកាន់តំណែងប្រធានសាខាគយនិងរដ្ឋាករខេត្តព្រះសីហនុភ្លាមគឺគាត់មិនដែលខ្វល់អំពីច្បាប់ទម្លាប់អ្វីទេ និយាយរួមគឺបានរឹតបន្ដឹង និង ដាក់គំនាបមន្ត្រីអោយរាយការណ៍ ក្ដោបក្តាបប្រភពសេដ្ឋកិច្ចគ្រប់ច្រកល្ហកទាំងអស់ ដើម្បីស្រង់ដើមពីប្រភពចំណូលខ្មៅ ដែលកន្លងមកក្រុមមន្ត្រីគយខឹលខូចមួយចំនួនបានលាក់ទុកចែកគ្នាច្រកចូលហោប៉ៅផ្ទាល់ខ្លួនលាក់លៀមមេៗនោះ។
រាល់ទំនិញគេចពន្ធជាច្រើន របស់ឈ្មួញធំៗ នៅតែបន្តហូរចូល យ៉ាងគគ្រឹកគគ្រេង តាំងពី លោកមេគយរូបនេះមកកាន់ ដំណែង ហាក់បីដូចជាក្រុមឈ្មួញទាំងនោះបានដឹងពីអត្តចរឹកមេគយរូបនេះ ចូលចិត្ត ស្រេកឃ្លានខាងទាញយកលាភលុយក្រោមតុ ម្លោះហើយស្គាល់មុខសញ្ញាឈ្មួញធំៗសម្រុកនាំទំនិញគេចពន្ធ និងបង់ពន្ធមិនគ្រប់ចូលតាមខេត្តមួយនេះ កៀបផង ជួយផង បង់ពន្ធខ្លះ ចែកប្រយោជន៍គ្នាខ្លះ ប្រឹងផ្តល់អោយថ្នាក់លើខ្លះ ។ល។
រាល់ភាពមិនប្រក្រតីនៃការនាំចូលគ្រប់ទំនិញចម្រុះដែលត្រូវបង់ពន្ធខ្ពស់ ជ្រកក្រោមការបង់ពន្ធទាបជាប្រភេទទំនិញចម្រុះ ឬគ្រឿងបន្លាស់ទំនិញថោកៗ ត្រូវលោកមេគយទុំ ណូ បានសេដ្ឋលក្ខណះបុគ្គលក្នុងតំណែងយ៉ាងត្រជាក់ល្ហឹមតែម្តង។
ក្រោយការដឹកនាំ លោកទុំ ណូ បានបែងចែក បក្សពួកនិយម ក្រុមចាស់ ក្រុមថ្មី និងជំនិតៗរបស់ខ្លួនដាក់នៅគ្រប់កន្លែង ខ្លាញ់ ទាំងអស់ក្នុងខេត្តមួយនេះដើម្បីប្រមូលលុយពីឈ្មួញនាំទំនិញគេចពន្ធនិងបង់ពន្ធមិនគ្រប់នោះ ចំណែកមន្ត្រី ណាមិនចេះ លូនក្រាប ធ្វើតាមបញ្ជា លោកទុំ ណូ ទេ គឺគាត់ប្រើចិត្តសាស្ត្រអោយអោយដេកលិតអំបិលក្នុងពាង«ស្ងោរសាច់អោយផុយ តែមិនអោយក្តៅទឹក» មានន័យថា៖ ល្អនិងមុខ សំដីផ្អែម តែពោពេញទៅដោយពិសពុល ដោយសារលោកបណ្ឌិត គុណ ញឹម និងភរិយាលោកបណ្ឌិត គុណ ញឹម ទុកចិត្ត ដែលគេសង្ស័យថា៖ ចំណូលលុយខ្មៅអាចបែងរំលែកទៅលោកបណ្ឌិត គុណ ញឹម និងភរិយាលោកបណ្ឌិត គុណ ញឹម ទើបគាត់(ទុំ ណូ) មានពេលពុករលួយក្នុងសង្គមស្អាតសំ ប្រទេសគ្រប់គ្រងដោយច្បាប់ កំណែទម្រង់រដ្ឋបាលនេះបាន។ ប៉ុន្តែទឹកប្រាក់មានបានដោយទង្វើបែបនេះ ប្រាកដណាស់ថា សង្គមស្អប់ខ្ពើម យូនិងឆាប់ភាពអសោចន៍ នឹងជះឥទ្ធិពលបន្សល់នូវតំណែងពុករលួយនេះដ៏អាម៉ាស់។
មន្ត្រីហ៊ាននិយាយចំៗថា៖ គឺអំពើពុករលួយ កើតឡើងជាលក្ខណៈប្រព័ន្ធក្រោមការដឹកនាំពីលោកមេគយ ទុំ ណូ មិនបានកែប្រែ ឫលុបបំបាត់នោះទេ បែរជាកំពុងតែរួមដៃគ្នាបន្តចាត់តាំងមន្ត្រីថ្នាក់ក្រោមចាស់ៗនោះ ឲ្យអនុវត្តបន្តដាក់ការប្រមូលលុយគ្មានវិក័យប័ត្រ ពីក្រុមឈ្មួញនាំទំនិញខុសច្បាប់ និង បង់ពន្ធមិនគ្រប់ ដែលឆ្លងកាត់ផែទំនប់រលក ផែស្ទឹងហាវ ផែកែវផុស ផែលោកឧកញ៉ា សូ ជុងហួ និងរួមទាំងផែឯកជនតូចៗ ក្តោមក្តាប់យ៉ាងណែនក្នុងដៃ ហើយចំណូលគ្មានវិក័យប័ត្រប្រមាណ៧០%ត្រូវធ្លាក់ចូលហោប៉ៅលោកទុំ ណូ និងបក្ខពួក។
ករណីទំនិញពន្ធសំខាន់ៗ ថ្លៃៗមួយចំនួនធំ ត្រូវបានគយក្រោមការគ្រប់គ្រងរបស់លោក ទុំ ណូ បង្វែរមកបង់ត្រឹមតែ ៣០ទៅ៤០ ភាគរយប៉ុណ្ណោះ។ការសម្រេចពន្ធ ទៅលើមុខទំនិញផ្សេងៗគឺមានសិទ្ធិស្វ័យសម្រេចលើតែបបូរមាត់មេគយថ្មី ដែលបានធ្វើឱ្យថវិការ ធ្លាក់ចូលទៅក្នុងហោប៉ៅលោក ទុំ ណូ និងបក្ខពួកជាអ្នករៀបចំថ្មីទាំងអស់។
ទង្វើបែបនេះបាននាំឲ្យរដ្ឋត្រូវខាតបង់ ចំណូលពន្ធ រាប់សិបលានដុល្លារ ក្នុងមួយខែៗ ។
សូមបញ្ជាក់ថាកាលពីព្រឹកថ្ងៃទី៩ ខែមករា ឆ្នាំ២០១៧ នៅសាលាខេត្តព្រះសីហនុ លោក នួន ច័ន្ទរិទ្ធ អគ្គនាយករង នៃអគ្គនាយដ្ឋាន គយនិងរដ្ឋាករ តំណាងឲ្យ លោក គុណ ញឹម បានធ្វើជាអធិបតី ប្រកាសដោះដូរ និង តែងតាំងលោក ទុំ ណូ ជាប្រធានសាខាគយខេត្តព្រះសីហនុ ជំនួស លោក យ៉ឹក យូ ប្រធានសាខាគយ ខេត្តព្រះសីហនុ អោយប្តូរទៅជាប្រធាន សាខាគយកំពង់ផែអន្តរជាតិ ក្រុងព្រះសីហនុ ជំនួសលោក គិន លី វិញដែលត្រូវដាក់ឲ្យចូលនិវត្តន៍នោះ។
លោក ទុំ ណូ អតីតប្រធាន សាខាគយខេត្តប៉ៃលិន ដែលធ្លាប់
សាងកំហុសយ៉ាងច្រើនសន្ធឹកសន្ធាប់ ក្នុងការធ្វើឲ្យបាត់ចំណូលពន្ធ មិនត្រូវបានដាក់ពិន័យ បែរជាត្រូវបានតែងតាំង ជាប្រធានសាខាគយ ខេត្តព្រះសីហនុ ជំនួសលោក យ៉ឹក យូ នេះទៅវិញ។
តាមមន្ត្រីបានលើកឡើងថា ក្រោយពីមានការ ផ្លាស់ប្តូ រួចក៏មានការបែកធ្លាយរឿង អាស្រូវថា ថ្នាក់លើមិនមាន គម្រោង តែងតាំង បុគ្គល ទុំ ណូ ទេ គឺមានអ្នកផ្សេងទៀត មកជំនួស កន្លែងនោះ ប៉ុន្តែ ប្រភពខ្លះលើកឡើងថា លោក ទុំ ណូបាន ចំណាយលុយរាប់សែនដុល្លារ បានជាគេចផុតពីការដកតំណែងដាក់វិន័យរដ្ឋបាល ហើយថែមទាំងបានតំណែងជាប្រធានសាខាគយខេត្តព្រះសីហនុទាំងមិនបាច់ប្រឹងទៀត ។
ប្រភពបង្ហើបថា លោកមេគយ ទុំ ណូ ចាយលុយតូយកប៉ុស្តិ៍ខ្លាញ់នេះប្រដេញគ្នារហូតដល់ជាងកន្លះលានដូល្លារ ពីអនុប្រធានសាខាគយម្នាក់ក្នុងខេត្តនេះ ។ វាពិតមិនធម្មតាមែន អ៊ីចឹងហើយបានជាគាត់ប្រឹងស្រង់ដើមនោះ។ តើកំណែទម្រង់គយប៉ុន្មានឆ្នាំទៅមុខទើបបានរីកចំរើននោះទេ បើមានតែ មុខមេគយដុះស្លែដដែលតែខាងប្រព្រឹត្តអំពើពុករលួយនោះ។
លោក ទុំ ណូ ប្រធានសាខាគយ និងរដ្ឋាករ ខេត្តព្រះសីហនុ និងលោក ណុប សំអាន ប្រធានស្នាក់ការគយ និងរដ្ឋាករទំនប់រលក បានមូលមតិគ្នាជាឯកច្ឆ័ន ប្រព្រឹត្តអំពើពុករលួយ យកលុយពីឈ្មួញនាំទំនិញគេចពន្ធចូល ទំនិញបង់ពន្ធមិនគ្រប់ ពីក្បាលដឹកទំនិញ គ្រាន់តែកំពុងផែទំនប់រលកមួយកន្លែងក៏ក្នុង១ខែៗរាប់សិបមុឺន រាប់សែនដុល្លារ ហើយមានក្រុមហ៊ុនដឹកជញ្ជូនដឹកទំនិញជាច្រើននឹងទម្លាយរឿងនេះ ព្រោះមេគយទាំង២នេះលេបលុយហួសព្រំដែនពេក គ្រាន់តែក្បាលឡានដឹកទំនិញចេញពីកំពង់ផែទំនប់រលក១គ្រឿងយក៣០០ដុល្លារ ទៅ៥០០ដុល្លារ ចុះបើមួយថ្ងៃៗរាប់រយគ្រឿងនោះ សួថា៖ លោក ទុំ ណូ ប្រធានសាខាគយ និងរដ្ឋាករ ខេត្តព្រះសីហនុ និងលោក ណុប សំអាន ប្រធានស្នាក់ការគយ និងរដ្ឋាករទំនប់រលក បានចំណូលពុករលួយនេះប៉ុន្មានមុឺនសែនដុល្លារទៅ…???? នេះមិនគិតដល់ប្រភពសេដ្ឋកិច្ចលុយក្រោមតុពីកំពង់ផែដទៃផ្សេងទៀត និងបទល្មើសទំនិញគេចពន្ធ ប្រេងគេចពន្ធលើលំហរសមុទ្រហូរចូលនោះផង។ល។
ពាក់ព័ន្ធការរិៈគន់ខាងលើ អង្គភាពយើងខ្ញុំមិនអាចទាក់ទងសុំការបំភ្លឺបានទេពី លោក ទុំ ណូ ប្រធានសាខាគយ និងរដ្ឋាករ ខេត្តព្រះសីហនុ និងលោក ណុប សំអាន ប្រធានស្នាក់ការគយ និងរដ្ឋាករទំនប់រលក នៅថ្ងៃទី២៤ ខែកុម្ភៈ ឆ្នាំ២០១៩ ដោយគ្មានលេខទូរស័ព្ទ ៕
