ព្រៃវែង ៖ នៅព្រឹកថ្ងៃទី២៩ ធ្នូ ២០១៥ នេះ មានកម្មវិធីសម្ពោធអគារសិក្សាមួយខ្នង នៅអនុវិទ្យាល័យស្វាយរមៀត ស្ថិតនៅភូមិរមៀត ឃុំកណ្ដឹងរាយ ស្រុកកញ្ជ្រៀច ខេត្តព្រៃវែង ក្រោមអធិបតីភាពសម្ដេច ក្រឡាហោម ស ខេង ។
អាគារសិក្សានេះមានប្រាំមួយបន្ទប់ នឹងត្រូវបើកឲ្យប្រើប្រាស់ចាប់ថ្ងៃនេះតទៅ ។
សម្ដេចក្រឡាហោម ស ខេង និងលោកជំទាវ ក៏បានយកអំណោយជាកញ្ចប់ថវិកាផ្ទាល់ខ្លួន ជួនដល់លោកយាយ លោកតា សិស្សានុសិស្ស លោកគ្រូ អ្នកគ្រូ ព្រមទាំងព្រះសង្ឃផងដែរ ។ មិនតែប៉ុណ្ណោះ សម្ដេចក្រឡាហោមក៍បានលើកឡើងពីស្នាដៃ និងសមិទ្ធផលជាច្រើនដែល ឯកឧត្តម នេត សាវឿន បានចុះពង្រឹង និងបានស្ថាបនាកន្លងមក ។
នាឱកាសនោះផងដែរ សម្ដេចក៏បានបញ្ជាក់ពាក់ព័ន្ធនឹងការស្ថាបនាផ្លូវ នៅស្រុកពាមជរ និងស្រុកពោធ៍រៀង ដែលនឹងចាប់ផ្ដើមធ្វើនៅដើម ០១ ខែមករា ២០១៦ រហូតដល់ឆ្នាំ ២០១៧ ទើបហើយជាស្ថាពរ ៕
