ខេត្តរតនគីរី ៖ ក្តាងឿរចំនួន ៤ សន្លឹកមានប្រវែង៦ម៉ែត្រ មុខកាត់៣,២ម៉ែត្រចំនួន២សន្លឹក មុខ៩០cm ចំនួន១សន្លឹក នឹងមុខកាត់៩៥cm ចំនួន១សន្លឹកកំរ៉ាស់២០cm។
ឈ្មួញដឹកជញ្ជូនតាមគោយន្តកែច្នៃ១គ្រឿងចេញពីភូមិកាំបាក់ ឃុំ តឺន ស្រុកកូនមុំ បំម្រុងនាំចេញទៅក្រុងបានលុង តែចៃដន្យត្រូវបានសមត្តកិច្ចចាប់បង្ក្រាបបានភ្លាមៗ។
កិច្ចប្រតិបត្តិការបង្ក្រាបបានប្រព្រឹត្តទៅកាលពីវេលាម៉ោង៩នឹង៥នាទីយប់ថ្ងៃទី១៤ខែធ្នូឆ្នាំ២០១៥ ខណះដែលគោយន្តផ្ទុកឈើគគីបើកឆ្លងកាត់ភូមិ-ឃុំខាងលើត្រូវបានសមត្តកិច្ចនគបាលសេដ្ឋកិច្ចខេត្តស្ទាក់ចាប់បាន រីឯម្ចាស់គោយន្តបានរត់គេចខ្លួនបាត់ស្រមោល។
តាមប្រភពពីសមត្តកិច្ចចុះបង្ក្រាបបានឲ្យដឹងថា ក្រោយពីទទួលព័ត៌មានភ្នាក់ងារសំងាត់កម្លាំងសមត្ថកិច្ចបានចុះទៅជាបន្ទាន់ ធ្វើការឃាត់គោយន្តនិងវត្ថុតាងយកមករក្សាទុកនៅស្នងការទាំងយប់ លុះព្រឹកឡើងថ្ងៃទី១៥ ខែឆ្នាំដដែល សមត្ថកិច្ចបានរៀបចំបែបបទដើម្បីបញ្ជូនទៅជំនាញចាត់ការបន្តតាមនិតិវិធីច្បាប់ព្រៃឈើ ៕
ឦសាន្ត
