ខេត្តបន្ទាយមានជ័យ ៖ កងរាជអាវុធហត្ថខេត្តបន្ទាយមានជ័យ បានរៀបចំបើកការប្រគួតបាល់ទាត់ដណ្តើមពានរង្វាន់យុវជនខេត្តបន្ទាយមានជ័យ ប្រចាំឆ្នាំ២០១៦ កាព្រឹកថ្ងៃទី១៣ខែធ្នូឆ្នាំ២០១៥ នៅសាកលវិទ្យល័យមានជ័យស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។ ហើយពិធីនេះមានការចូលរួម លោក គោស៊ុំ សារឿត អភិបាលខេត្តបន្ទាយមានជ័យ លោកវរៈសេនីយ៍ឯក វង្សធី មេបញ្ជាការងកងកងរាជអាវុធហត្ថខេត្តបន្ទាយមានជ័យ តំណាងលោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យ មន្ត្រីកិត្តិយសនិងអ្នកចូលទស្សនាជាច្រើនរយនាក់ទៀត ។
លោក វង្ស ធី បាន បានប្រសាសន៍ក្នុងការបើកប្រគួតពេលទាត់នោះថា ជារៀងរាល់ឆ្នាំ កងរាជអាវុធហត្ថខេត្តបន្ទាយមានជ័យតែងតែរៀបចំបើក និងបិទការប្រគួតបាល់ទាត់ដណ្តើមពានរង្វាន់យុវជនខេត្តបន្ទាយមានជ័យមិនដែលខាន ដើម្បីចូលរួមចំណែកលើកស្ទួយវិស័យកីឡាបាល់ទាត់ក្នុងខេត្តបន្ទាយមានជ័យ ឲ្យល្បីរន្ទឺក្នុងព្រះរាជជាណាចក្រកម្ពុជាយើងនេះ ។
លោក វង្ស ធី បានមានប្រសាសន៍បម្តទៀតថា កីឡាបាល់ទាត់ដើម្បីធ្វើការបណ្តុះបណ្តាលធនធានមនុស្ស តាមរយៈការបំផុសដល់ស្រទាប់យុវវ័យគ្រប់មូលដ្ថាន គ្រប់មជ្ឈដ្ឋានសិក្សាឲ្យងាកមកចាប់អារម្មណ៍យកពេលទំនេរ ពីការសិក្សាចូលហកវឹកហាត់បច្ចេកទេសកីឡាបាល់ទាត់នេះ ។
ក្នុងនេះដែរ លោក គោស៊ុំ សារឿត បានធ្វើការផ្តាំផ្ញើដល់ក្មួយៗនិងយុវជនទាំងអស់ សូមជៀសឲ្យឆ្ងាយពីគ្រឿងញៀន ហើយត្រូវងាកមកចាប់អារម្មណ៍ចូលរួមជាមួយវិស័យកីឡា ជាពិសេសកីឡាបាល់ទាត់ឲ្យបានគ្រប់ៗគ្នា ព្រោះកីឡានាំមកនូវមិត្តភាព សាមគ្គីភាព សុខភាព កេរ្តិ៍ឈ្មោះ កិត្តិយសខ្លួនក្រុមគ្រួសារ និងប្រទេសជាតិមាតុភូមិជាដើម ។
គួរបញ្ជាក់ផងដែរថា ការប្រគួតបាល់ទាត់ដណ្តើមពានរង្វាន់យុវជនខេត្តបន្ទាយមានជ័យប្រចាំឆ្នាំ២០១៦នេះ មានរយះពេលពេញ១ ខែចាប់ពីថ្ងៃទី១៣ ខែធ្នូ ដល់១៣ ខែកុម្ភៈឆ្នាំ២០១៦ ដែលមានក្រុមកីឡាបាល់ទាត់ចូលប្រកួតមានចំនួន៩ក្រុម ។ មានក្រុមបាល់ទាត់ភ្នំស្វាយ ប្រគួតជាមួយក្រុមបាល់ទាត់លីហេងឆាយ ក្រុមបាល់ទាត់បន្ទាយមានជ័យ ប្រកួតជាមួយខ្លាកំណាចនិមិត្ត ក្រុមកីឡាបាល់ទាត់ Asia ៤ Bet ប្រគួតជាមួយក្រុម Sisophon FCក្រុមភូមិគា បប្រគួតជាមួយក្រុមភ្នំស្វាយ FC ក្រុមសាកលមានជ័យប្រគួតជាមួយAsa៤Bet ក្រុមខ្លាកំណាចនិមិត្តប្រគួតជាមួយSisophn FC ក្រុមសកលUME ប្រគួតពាមួយក្រុមភូមិគាបក្រុមភ្នំស្វាយFCប្រគួតជាមួយsport Worldក្រុមភូមិគាបប្រគួតជាមួយក្រុមSport World ៕
