បាត់ដំបង ៖ អាវុធហត្ថស្រុកសំពៅលូនឃាត់ខ្លួនបុរសម្នាក់ និងដកហូតថ្នាំញៀន ៤ ថង់ ព្រមទាំងសម្ភារ:មួយចំនួន កាលពីម៉ោង១៤និង៣០នាទីរសៀល ថ្ងៃទី១៤ខែវិច្ឆិកាឆកនាំ២០១៥ នៅចំណុច វត្តតាស្តា ភូមិតា ឃុំតាស្តា ស្រុកសំពៅលូន ។
លោក ព្រិន្ទបាលឯក ស៊ាន ខុន មេបញ្ជាការរងស្រុកបានអោយដឹងថាបុរសសង្ស័យ ដែលសមត្ថកិច្ចឃាត់ខ្លួនមាន ឈ្មោះ សេង ថុន អាយុ 28 ឆ្នាំ មុខរបរ ធ្វើចំការ ទីលំនៅភូមិចក្រី ឃុំបារាំងធ្លាក់ ស្រុកភ្នំព្រឹក ខេត្ត បាត់ដំបង ។
ក្នុងប្រតិបត្តិនេះ សមត្ថកិច្ចបានដកហូតគ្រឿងញៀនប្រភេទគ្រាប់ពណ៌ស្លាទុំចំនួន ២៧ គ្រាប់ ម៉ាទឹកកក ចំនួន ៤ កញ្ចប់តូច ទូរស័ព្ទដៃមួយគ្រឿង និងម៉ូតូ០១គ្រឿងម៉ាកស្ខូបពី ពណ៌ក្រហម-ខ្មៅ លេខតួ-ម៉ាស៊ីន kt110c0138286 ស៊េរីឆ្នាំ២០១១ អត់ផ្លាកលេខ។
បច្ចុប្បន្នជនសង្ស័យ និង វត្ថុតាង កំពុងរៀបចំកសាងសំណុំរឿងបញ្ចូនមកការិយាល័យជំនាញ ៕
