ខេត្តមណ្ឌលគិរី ៖ សកម្មភាពដឹកជញ្ជូនឈើ តាមមូតូកែឆ្នៃនៅគ្រប់ច្រកល្ហក ក្នុងខេត្តមណ្ឌលគិរី ដើម្បីទៅលក់អោយឈ្មួញជួញបន្ត ទៅលក់នៅ ប្រទេសវៀតណាមមានសកម្មភាព កំរើកឡើងវិញហើយ ក្រោយពីឈប់ភ្លៀង ជាយូរថ្ងៃមក ។ ជាឱកាសល្អសំរាប់ ក្រុមអ្នកមូតូដឹកឈើចេញងាយស្រួល ពីក្នុងព្រៃ ព្រោះឡានចូលមិនដល់ ។
ជារៀងរាល់ថ្ងៃ ភ្ងៀវអន្តរជាតិដែលស្រឡាញ់ធម្មជាតិ របៀបដំណើរកំសាន្តបៀបផ្សងព្រេង ក្នុងព្រៃដើម្បីបានមើលឃើញ សត្វព្រៃ នឹងព្រៃឈើធំ ដែលជាជំរកដល់ពពួកសព្វសត្វទាំង តូចទាំងធំ គាត់ឃើញសកម្មភាពដឹកជញ្ជូន ដោយមធ្យោបាយ នេះពិតជាប្រថុយនឹងគ្រោះថ្នាក់ដល់ជីវិតណាស់។
រឿងដែលធ្វើអោយភ្ងៀវបរទេសម្នាក់ក្នុង ចំនោម ៥ នាក់ បានចោទសួរដល់អ្នកនាំផ្លូវ ឬ មគ្គុទ្ទេសក៍ថា ហេតុអីបានជាមិនមានស្ថាប័នណាទប់ស្កាត់បទល្មើសបណ្តោយអោយកាប់ឈើសេរីដូច្នេះ ហើយបើគ្មានការទប់ស្កាត់ដូច្នេះ តើព្រៃឈើសំរាប់ប្រធានបទ អេកូ ទេសចរណ ( Eco-Tour) សង្ឃឹមលើអ្វីបើគ្មានព្រៃឈើ ធម្មជាតិ ។
សំរាប់ចំលើយជូនដល់ភ្ងៀវ មានតែចំឡើយយ៉ាងខ្លី គឺមកពីបើកដៃ ពីអ្នកឈ្មួញធំៗក្នុងខេត្ត ជាអ្នកបញ្ជាទិញ ៕
ដោយ ៖ ចិន្ដា កម្ពុជាអភិវឌ្ឍន៍
