ស្ទឹងត្រែង ៖ រថយន្តសសាំយ៉ុងមួយគ្រឿង បានបើកដឹកយាយជីតាជីជាង១០នាក់ ដោយអ្នកបើកបរមិនស្គាល់ស្ថានភាពផ្លូវពេលបើកដល់ចំណុចផ្លូវកោង់ក៏ ក្រឡាប់បណ្ដាលឲ្យយាយជីតាជីរងរបួសធ្ងន់៦នាក់។
ហេតុការណ៍នេះបានកើតឡើងនៅវេលាម៉ោង៩និង៣០នាទីព្រឹកនៅចំណុច ផ្លូវចូលអូរស្វាយចម្ងាយ៤គីឡូម៉ែត្រ ចេញចូលពីផ្លូវជាតិលេខ៧ សង្កាត់សាមគ្គី ក្រុងស្ទឹងត្រែង។
សេចក្ដីរាយការណ៍បានឲ្យដឹងថា នៅមុនពេលកើតហេតុគេឃើញបុរសម្នាក់បានបើករថយន្តសាំយ៉ុងមួយគ្រឿង ដឹកតាជីយាយជីជាង១០នាក់ ធ្វើដំណើរទៅចំណុចភូមិអូរស្វាយ ហើយដោយសារតៃកុងមិនស្គាល់ស្ថានភាពផ្លូវច្បាស់នោះ ដល់កន្លែងផ្លូវកោង(ផ្លូវលំ) ក៏ចាប់ហ្វ្រាំងរេចង្កូតក្រឡាប់បណ្ដាលឲ្យតាជី យាយជីចំនួន៦នាក់ រងរបួសធ្ងន់ ក្នុងនោះតាជី២នាក់ និងយាយជី៤នាក់។ ក្រោយកើតហេតុគេមិនឃើញវត្តមានតៃកុងនោះទេ ។ទំនងជារត់គេចខ្លួនបានហើយ រីឯជនរងគ្រោះទាំង៦នាក់ត្រូវបានបញ្ជូនទៅសង្គ្រោះនៅ មន្ទីរពេទ្យបង្អែកខេត្ត។
ករណីនេះសមត្ថកិច្ចបានចុះមកធ្វើការវាស់វែង និងចាត់ការតាមច្បាប់ចរាចរណ៍ផ្លូវគោក ៕
