ខេត្តរតនគិរី ៖ រថយន្តម៉ាកPronTo(ប្រុងតូ)ពាក់ស្លាកលេខប្រទេសវៀតណាមមួយគ្រឿង សង្ស័យដឹកសត្វព្រៃចេញពីក្រុងបានលុង ឆ្ពោះទៅប្រទេស់វៀតណាម ត្រូវបានកំលាំងកងរាជអាវុធហត្ថ និងរដ្ឋបាលព្រៃឈើខេត្តធ្វើការបង្ល្រាបបានភ្លាមៗ ត្រង់ភូមិសោមត្រក់ ឃុំសោមធំ ស្រុកអូរយ៉ាដាវ នៅវេលាម៉ោង០១.៣០នាទី ល្ងាចថ្ងៃទី០៥ ខែវិច្ឆកា ឆ្នាំ២០១៥ ក្រោយពីឆែកឆេរនៅព្រឹកថ្ងៃបន្ទាប់ ស្រាប់ឃើញមានឈើប្រណីតទៅវិញ ។
យោងតាមប្រភពបានឱ្យដឹងថា រថយន្តសង្ស័យដឹកសត្វព្រៃដែលសមត្ថកិច្ចបង្ក្រាបបាននោះម៉ាកប្រុងតូ(PronTo) ពាក់ស្លាកលេខប្រទេស់វៀតណាម៨១A ០៤៧៩៨. ពណ៌ស្កលឿងហើយតូវបានគេបង្ហើបថាជារបស់ឈ្មោះញីជាជនជាតិវៀតណាមរស់នៅប្រទេស់វៀតណាម។ប៉ុន្តែនៅពេលបង្ក្រាបបានក្រោយពីឆែកឆេនៅព្រឹកថ្ងៃបន្ទាប់ស្រាប់តែឃើញមានឈើប្រណិតទៅវិញ។
រថយន្តនោះគេឃើមានមនុស្ស២.៣នាក់រួមដំណើរតែត្រូវបានជំលាសឱ្យរត់គេចទៅប្រទេស់វៀតណាមអសភ្លាមៗបន្ទាប់ពីសមត្ថកិច្ចធ្វើកាបង្ក្រាបហើយមិនត្រូវបានចាប់ខ្លួនទេ។
គេឃើញតែរថយន្តដែលត្រូវបានបង្ក្រាបសមត្ថកិច្ចធ្វើការរឹបអូសយកមករក្សារទុកនៅបរិវេណទីធ្លាខណ្ឌ័រដ្ឋបាលព្រៃឈើខេត្តនៅរសៀលថ្ងៃទី០៥ខែវិច្ឆិការនេះតែមិនឃើញសមត្ថកិច្ចធ្វើការឆែកឆេរថយន្តនោះថាតើបានដឹកបទល្មើសសត្វព្រៃចំនួនប៉ុន្មាននោះទេឬដឹកអ្វីពឹតប្រាកដនៅឡើយ។ ស្រាប់តែទុករថយន្តនោះចោលហើយបាត់សមត្ថកិច្ចអស់រលីងពីខណ្ឌ័ឃើញតែក្រុមអ្នកកាសែតចោមរោមពីមុខខណ្ឌ័រដ្ឋបាលព្រៃឈើនោះទៅវិញ។
ហើយយោងតាមប្រភពបានបន្តបង្ហើបថាជនជាតិយួនឈ្មោះ ញី នោះជាឈ្មួញដុះស្លែប្រចាំខេត្តរតនគិរីនេះដែលប្រកបរបរតែល្មើសដឹកជញ្ជូនឈើប្រណិតនិងសត្វព្រៃតាមរថយន្តគ្រប់ប្រភេទដូចជារថយន្តក្រុងទេសចរណ៍ រថយន្តសាំយ៉ុងនិងរថយន្តផ្ទាល់ខ្លួន។មិនតែប៉ុណ្ណោះថែមទាំងពឹងពាក់អ្នករត់ការផ្លាស់ប្តូរគ្រប់រូភាពជួនកាលជាឈ្មួញខ្មែរជួនជាសមត្ថកិច្ចតែម្តងក៏មានដោយមានការឃុបឃិតពីសមត្ថកិច្ចគ្រប់លំដាប់ថ្នាក់។
ស្របពេលឈើប្រណិតកំពុងមានហាងឆេងខ្ពស់ក៏សង្កេតឃើញរថយន្តក្រុងទេសចរណ៍និងរថយន្តដែលពាក់ស្លាកលេខប្រទេសវៀតណាមតែងចេញចូលដោយសេរីតាមច្រកអន្តរជាតិអូរយាដាវតែងបង្កប់ដឹកជញ្ជូនឈើប្រណិតនិងសត្វព្រៃគ្រប់ប្រភេទមិនដែលមានការបង្ក្រាបឡើយលើកលែងតែមានសមត្ថកិច្ចចលត័ឬមកថ្មីទើបមានការបង្ក្រាប។
ជាក់ស្តែងដូចជារថយន្តខាងលើនេះជាដើមទោះជាបង្ក្រាបបានក្តីក៏នៅមានការខ្សឹបខ្សៀវបំរុងដោះលែងវិញដែរតែត្រូវបែកធ្លាយរឿងខ្ចខ្ចាយទៅហើយក៏នៅតែមានការលាក់លៀមដដែលនេះជាទំលាប់ប្រពៃណីរបស់សមត្ថកិច្ចខេត្តរតនគិរីនេះទៅហើយ។
ចំពោះកាបង្ក្រាបសត្វព្រៃនេះជាហូរហែរដូចជានៅក្នុងផ្សារមានអាជីវករមិនក្រោមពី២០នាក់ឡើយ ដែលប្រកបរបរលក់សាច់សត្វព្រៃនេះ ហើយក៏ធ្លាប់ទទួលរងការង្ក្រាបពីសំណាក់សមត្ថកិច្ចរដ្ឋបាលព្រៃឈើថ្នាក់កណ្តាលឬអង្កការសម្ពន្ធ័មិត្តសត្វព្រៃ(អង្កការវ៉ាយអេត)នាពេលកន្លងមក ប៉ុន្តែនៅតែមិនរៀងចាល នៅតែបន្តលក់សាច់សត្វព្រៃគ្រប់ប្រភេទដោយមិនខ្លាចញញើតសមត្ថកិច្ច (មិនខុសពីវែកចកក្នុងទន្លេ) នេះមិនទាន់និយាយអំពីភោជនីយដ្ឋានជាច្រើនទៀតផង នៅក្នុងខេត្តបានន័យថា សរបញ្ជាក់ថា ឈ្មួញមិនខ្លាចសមត្ថកិច្ចខេត្ត ។
ឯករណីទាក់ទិននិងករណីជំនួញឈើប្រណិតនេះដែរ ប្រភពបានបង្ហើមថា កន្លងជាយូរមកហើយឈ្មួញវៀតណាមតែងតែចូលទៅប្រម៉ូលទិញឈើប្រណិតនេះ ក្នុងស្រកវើនសៃ ដល់ក្នុងព្រៃ ហើយក្នុងម្នាក់ៗ លោកអធិកាស្រុកវើនសៃ តំរូវឱ្យបង់លុយចំនួន១០០$(មួយរយដុល្លា)ទើបអនុញ្ញាត្តិឱ្យចូលទៅក្នុងព្រៃដើទិញឈើប្រណិតគ្រប់ប្រភេទបាន។
ទាក់ទិននិងករណីខាងលើមិនអាចសុំការបំភ្លឺពីលោកអធិការនោះបាននៅឡើយទេ ៕
(ជីវ៉ា)
