មណ្ឌលគិរី៖ ស្រីម្នាក់ក្នុងចំណោមបក្សពួក ០៣ នាក់ ត្រូវបានកម្លាំងអាវុធហត្ថខេត្តមណ្ឌលគិរីបង្ក្រាប បានករណី ពាក់ព័ន្ធនឹងករណីចោរកាច់កម៉ូតូយ៉ាងសកម្មនៅមណ្ឌលគិរី ដោយប្រមូលបាន ប្រមូលបានម៉ូតូពីគ្រឿង កាលពីវេលាម៉ោងប្រមាណ ១០ ព្រឹក ថ្ងៃទី ០១ ខែវិច្ឆិកា ឆ្នាំ ២០១៥ ត្រង់ចំណុចភូមិពូទ្រូ ក្នុងសង្កាត់មនោរម្យ ក្រុងសែនមនោរម្យ ខេត្តមណ្ឌលគិរី។
លោក សាក់ សារ៉ាង មេបញ្ជាការកងរាជអាវុធហត្ថខេត្តមណ្ឌលគិរីបានឲ្យដឹងថា លោកបានបញ្ជាកម្លាំងអាវុធហត្ថខេត្តបើកប្រត្តិបត្តការណ៍ចុះស្រាវជ្រាវ បន្ទាប់ពីទទួលពាក្យបណ្ដឹងពីម្ចាស់ម៉ូតូចំនួនពីរគ្រឿង ដែលត្រូវក្រុមចោ ខាងលើធ្វើសកម្មភាព កាច់ក នឹងកាត់ច្រវ៉ាក់ កាលពីយប់ថ្ងៃទី30ខែតុលាឆ្នាំ2015 ដែលកើតនៅភូមិចំការតែ នឹងភូមិមានលាភ ក្រុងសែមនោរម្យខេត្តមណ្ឌលគិរី ទើបកម្លាំងអាវុធហត្ថបានធ្វើការត្រួតពិនិត្យនៅតាមគោលដៅសំខាន់ៗក្នុងខេត្ត នឹងមានការចូលរួមពីកម្លាំងប៉ូលិសចរាចរណ៍នៃស្នងការដ្ឋានខេត្តមណ្ឌលគិរី សមត្ថកិច្ចឃាត់បានបក្សពួកចោចំនួនម្នាក់ ព្រមទាំងម៉ូតូពីរគ្រឿង ចំណែកជនសង្ស័យពីរនាក់ទៀតរត់គេចខ្លួនចូលព្រៃបាត់ស្រមោល ។
សមត្ថកិច្ចបានឲ្យដឹងថា ជនសង្ស័យដែលសមត្ថកិច្ចឃាត់ខ្លួនបានឈ្មោះ យៀង សេងថៃ ភេទស្រីអាយុ29ឆ្នាំ មានទីលំនៅភូមិ មេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី ចំណែកជនសង្ស័ពីរទៀតតាមចំលើយសារភាពនៅទីបញ្ជាករដ្ឋានអាវុធហត្ថខេត្តមណ្ឌលគិរី ម្នាក់ត្រូវបានស្គាល់អត្តសញ្ញាណ្ណហើយឈ្មោះ នី ភេទប្រុសអាយុ20ឆ្នាំ នៅខេត្តព្រៃវែង។
គួររំលឹកដែថា កាលយប់ថ្ងៃទី30ខែតុលា ឆ្នាំ2015 ក្នុងក្រុងសែនមនោរម្យ កើតមានករណីកាច់ក ម៉ូតូ ចំនួន2ករណី ដែលកើតនៅទីតាំងខុសគ្នា ដែលករណទី1កើតនៅភូមិចំការតែ ស្ពានមានជ័យ ក្រុងសែនមនោរម្យ ត្រូវបានក្រុមចោធ្វើសកម្មភាពកាត់ច្រវ៉ាក់យក ម៉ូតូ សងសេរី2015ដែលមានម្ចាស់ឈ្មោះ ឌឹម ប៊ុនធឿនភេទប្រុសអាយុ39ឆ្នាំ នឹងករណីទី2កើតនៅភូមិមានលាភ សង្កាត់សុខដុម ក្រុងសែនមនោរម្យ ដែលជនរងគ្រោះម្ចាស់ម៉ូតូឈ្មោះ សឿ គីមសាន ភេទស្រីអាយុ39ឆ្នាំ។
បច្ចុប្បន្ន ម៉ូតូត្រូវបានកម្លាំងអាវុធហត្ថខេត្តមណ្ឌលគិរីយកមករក្សាទុកធ្វើការស្រាវជ្រាវ មុនប្រគល់អោយម្ចាស់ម៉ូតូវិញ៕
