ថ្ងៃទី ០២ ខែឧសភា ឆ្នាំ២០១៩ វេលាម៉ោង ០៩:៤០នាទីនៅចំណុចភូមិបល្ល័ង្ក សង្កាត់អូរម៉ាល់ ក្រុងបាត់ដំបង ខេត្តបាត់ដំបង ក្រុមអន្តរាគមន៍បង្ការ បង្ក្រាប បានសហការជាមួយកម្លាំងអធិការដ្ឋាននគរបាលស្រុកសង្កែ ចុះបង្ក្រាបករណី អំពើលួចមានស្ថានទម្ងន់ទោស ( កាប់យកម៉ូតូ ) ឃាត់ខ្លួនបានជនសង្ស័យចំនួន ០២នាក់
1-ឈ្មោះ ភណ្ឌ័ សុភា ភេទប្រុស អាយុ ១៦ឆ្នាំ មានទីលំនៅភូមិអណ្តូងព្រីង សង្កាត់អូរម៉ាល់ ក្រុងបាត់ដំបង ខេត្ត បាត់ដំបង ។
2-ឈ្មោះ ផាន់ សង្វាពេជ្រ ភេទប្រុស អាយុ ១៧ឆ្នាំ មានទីលំនៅភូមិផ្កាស្លា សង្កាត់ចំការសំរោង ក្រុងបាត់ដំបង ខេត្តបាត់ដំបង ។
ជនសង្ស័យទាំង០២នាក់រួមទាំងបក្សពួកម្នាក់ទៀត (រត់គេចខ្លួនបាត់) បានធ្វើសកម្មភាព កាប់ទៅលើជនរងគ្រោះឈ្មោះ ហុន កានឿន ភេទប្រុស អាយុ២១ឆ្នាំមានទីលំនៅ ភូមិអូរគគី ឃុំអូរដា ស្រុកកំរៀង ខេត្តបាត់ដំបង ដើម្បីយកម៉ូតូ មួយគ្រឿងម៉ាកស៊ូស៊ូគីនិច សេរីឆ្នាំ ២០១៨ ពណ៌ស លេខតួ ៣៣១៣៧៥ លេខម៉ាសុីន ៥២៣៣១៣០៣ ពាក់ស្លាកលេខភ្នំពេញ 1JS ០៧៤៨ កាលពីថ្ងៃទី ០១ ខែ ឧសភា ឆ្នាំ២០១៩ វេលាម៉ោង១៣:០៥នាទី នៅចំណុចក្រុម០៨ ភូមិតាកុក ឃុំនរា ស្រុកសង្កែ ខេត្តបាត់ដំបង។
ក្រោយពីជនសង្ស័យខាងលើបានធ្វើសកម្មភាពរួចខ្លួនក៏បានយកម៉ូតូនោះទៅប្តូរស្លាកលេខដើម្បីទុកធ្វើជាមធ្យោបាយ ។
បច្ចុប្បន្នកម្លាំងអធិការដ្ឋាននគរបាលស្រុកសង្កែកំពុងតែធ្វើការសាកសួរ និងកសាងសំណុំរឿងដើម្បីបញ្ជូនទៅការិយាល័យជំនាញដើម្បីចាត់ការបន្ត ៕
