ថ្មីៗនេះ ក្រុមអាជ្ញាធរបានបកអាក្រាតមេប៉ូលិសទទួលផែនទប់ស្កាត់បទល្មើស សេដ្ឋកិច្ចថ្នាក់ក្រសួង ក្រោមបញ្ជារបស់លោក យិន ប្រសិទ្ធិ ថាគេឃើញតែក្រុមប៉ូលិសថ្នាក់ក្រសួងមហាផ្ទៃ ហុក ចិត្រា ដាក់កុងត្រូល តាមដេញប្រមាញ់ក្រុមអ្នករកស៊ីចេញពីតំបន់ព្រំដែនក្នុងខេត្ត បន្ទាយមានជ័យ ស្ទើរគ្រប់ច្រកល្ហក ទាំងឈ្មួញតូច-ធំ គ្មានមេឈ្មួញបទល្មើសព្រៃឈើណាមួយរត់រួចពីរថយន្តហៃប្រ៊ីឌរបស់ ហុក ចិត្រា និងកូនចៅ ហុក ចិត្រា ឡើយ បែរជា ហុក ចិត្រា ឆ្លើយថា នៅតែខ្វះលុយបង់ជូនមេៗទៀត ។ ហើយ ហុក ចិត្រា ថា បង់លុយឱ្យមេថ្នាក់លើឱ្យ ៥០០០ដុល្លារ ១ខែៗ នោះមិនដឹងបង់ឱ្យមេ យិន ប្រសិទ្ធិ ឬក៏មេណាមួយទៀតទេ ! ដែលធំជាងនាយឧត្តមនេសីយ៍ អគ្គស្នងការនគរបាលជាតិ នេត សាវឿន នោះ ។
ហុក ចិត្រា មេប៉ូលិសទទួលផែនបាត់ដំបង បន្ទាយមានជ័យ បានត្អូញត្អែរប្រាប់ឈ្មួញរកស៊ីបទល្មើស ព្រៃឈើថា អញគ្មានលុយបង់ឱ្យមេៗគ្រប់ចំនួនទេ ព្រោះថា មេៗតម្រូវឱ្យបង់លុយក្នុង ១ខែ ៥០០០ដុល្លារ ។
រឿងនេះគួរតែអង្គភាពប្រឆាំងអំពើពុករលួយពិនិត្យមើលបេសកកម្មមួយតម្លៃ ៥០០០០ដុល្លារនោះផង ៕
