មណ្ឌលគីរី ស្រុកពេជ្រដា ៖ តាមប្រភពពីស្រុកពេជ្រាដា បានអោយថាសព្វថ្ងៃនេះលោកអនុសេនីឯក ផុន មករា ហៅមៀក ប្រធានប៉ុស្តិ បាតឹង និងប៉ុស្តិ៍៤/៥ /៦ស្រុកពេជ្រាដា កំពុងតែបើកដៃអោយក្រុមឈ្មួញរកស៊ីបទល្មើសព្រៃឈើ និងជំរិតទាប្រាក់ពីក្រុមឈ្មួញដ៏ទៃទៀតនិងបន្តបើកដៃឲ្យឈ្មួញកាប់បំផ្លាញព្រៃឈើយ៉ាងពេញបន្ទុកតែម្តងក្នុងព្រៃដែនជំរក ណាមលៀ សព្វថ្ងៃនេះ។
សកម្មភាពនេះតាមប្រភពព័ត៌មានបានបន្តឲ្យដឹងថា ៖លោកអនុសេនីយ៍ឯក ផុន មករា ហៅមៀក មានអត្តលេខ ៥៣៤១៣ មានតួនាទីជាប្រធានប៉ុស្តិ៍ បាតឹង ក្នុងស្រុកពេជ្រាដា ខេត្តមណ្ឌលគិរី ចំណុះឲ្យវរៈការពារព្រំដែនលេខ៣០៣ កំពុងរកស៊ីបទល្មើសព្រៃឈើ និងបើកដៃឲ្យឈ្មួញចូលកាប់បំផ្លាញព្រៃឈើនៅក្នុងចំណុច ភ្នំម៉ូរូ លូង ក្នុងព្រៃការពារដែនជំរកណាមលៀ ព្រមទាំងជំរិតទាប្រាក់ពីឈ្មួញរកស៊ីចេញចូលតាមច្រករបស់ខ្លួនមានទាំងឈ្មួញខ្មែរនិងវៀតណាមយ៉ាងគគ្រឹកគគ្រេងទៀតផង។
បើតាមប្រភពព័ត៌មានពីប្រជាសហគមការពារព្រៃឈើវិញបានឲ្យដឹងថា៖ នៅច្រកប៉ុស្តិ បាតឹង នេះមានឈ្មួញដឹកឈើចេញយកទៅលក់ឲ្យឈ្មួញវៀតណាមរាល់ថ្ងៃរាល់យប់តាមម៉ូតូជាច្រើនគ្រឿង និងតាមរថយន្តកែច្នៃដូចជា ឡង់គ្រីស័រ គោយន្តកន្ត្រៃ។ល។ដឹកជញ្ជូនចេញពីក្នុងព្រៃការពារដែនជំរកណាមលៀ យកមកដាក់ទីកន្លែងមានសុវត្ថិភាព ហើយធ្វើការតាំង បរ ដល់ផ្លូវស្រួលបួល ទើបយករថយន្ត មកសាង រួចដឹកយកទៅលក់ឲ្យឈ្មួញវៀតណាមនៅព្រំដែនតែម្តង។
សកម្មភាពទាំងអស់នេះ លោកអនុសេនីយ៍ឯក ផុន មករា ហៅមៀក កំពុងផ្គើនទៅនឹងអនុសាស្ត្ររបស់សម្តេចក្រឡាហោម ស ខេង ឧប្បនាយករដ្ឋមន្ត្រី រដ្ឋមន្ត្រីក្រសួងមហាផ្ទៃយ៉ាងខ្លាំងតែម្តងហើយ ហ៊ានរកស៊ីឈើខ្លួន ឯងផងនិងបើកៃអោយក្រុមឈ្មួញវៀតណាមចេញចូលកាប់បំផ្លាញព្រៃឈើនៅក្នុងតំបន់ដែលខ្លួនគ្រប់គ្រងនិងធ្វើអ្វីៗបានតាមអំពើចិត្តរាល់ថ្ងៃនេះត្រូវបានមតិមហាជនដាក់ការសង្ស័យថា ដោយមានការឃុបឃិតបើកភ្លើងខៀវពីលោកវរសេនីយ៍ទោ ទិន ស៊ីន ហៅឆ្នៅ ជាមេបញ្ជាការវរការពារព្រំដែនប៉ូលីស៣០៣ជាអ្នកឈរកាងពីក្រោយខ្នងជាបង្អែកដ៏រឹងមាំស្រាប់ក្នុងកិច្ចការរបស់លោកផុន មករានេះ។
ចំពោះករណីនិងទង្វេីរាល់ថ្ងៃរបស់លោកផុន មករា ហៅមៀក គេសង្ស័យថា មានការត្រូវរូវពីមន្ត្រីបរិស្ថាន ដែនជំរកព្រៃការពារណាមលៀទេដឹង?បានជាសកម្មភាពរបស់លោក ផុន មករា ធ្វើអ្វី? តាមតែអំពើចិត្តសព្វថ្ងៃនេះ ឬលោកបានជ្រាបករណីនេះដែរតែអស់លោកធ្វើមិនដឹងមិនលឺ?ក៏ព្រោអស់លោកបានលាភសក្ការះក្រាសក្រែងទេដឹង។
ព័ត៌មាននេះសូមជំរាបជូន ដល់ឯកឧត្ដមឧត្ដមសេនីយ៍ទោ ឡោ សុខា ស្នងការនគរបាលខេត្តមណ្ឌលគីរីសូម លោកមានវិធានការបង្ក្រាបផងទាន។ជា ពិសេសឯកឧត្ដម ស្វាយ សំអ៊ាង អភិបាលនៃគណអភិបាលខេត្តសូមលោកមានវិធានចាត់ចែងមន្ត្រីក្រោមឱវ៉ាតអោយធ្វើការបង្ក្រាបអោយទាន់ពេលវេលាផងពុំដូច្នោះទេព្រៃដែនជំរក ណាម លៀ មុខជាក្លាយ វាល រហោស៍ស្ថាន ជាក់ជាមិនខានឡើយ ៕
