កណ្តាល ៖ នៅសាលប្រជុំទីចាត់ការគណបក្សប្រជាជនស្រុកពញាឮ ខេត្តកណ្តាល នារសៀលថ្ងៃអង្គា១៤រោច ខែមាឃ ឆ្នាំច សំរឹទ្ធិស័ក ព.ស២៥៦២ត្រូវនឹងថ្ងៃទី០៥ ខែមីនា ឆ្នាំ២០១៩ បានប្រារព្វ ពិធីអបអរសាទរខួប លើកទី១០៨ ទិវានារីអន្តរជាតិ ៨មីនា ឆ្នាំ២០១៩ក្រោមអធិបតីភាព
លោកជំទាវ ទី បូរ៉ាស៊ី ប្រធានគណៈកម្មាធិកាទី៥នៃព្រឹទ្ធសភានិងជាអនុប្រធានទី២ក្រុមការងាថ្នាក់កណ្តាលចុះជួយស្រុកពញាឮ និងលោក លោកស្រី គណៈប្រតិភូ អមដំណើរ និងសមាជិកជានារីមកពីភូមិឃំុចូលរួមសរុប ១៥០នាក់។ អញ្ជើញចូលរួមក្នុងពិធីអបអរសាទរខួបលើកទី១០៨ ទិវានារីអន្តរជាតិ ៨មីនា ឆ្នាំ២០១៩ ក្រោមប្រធានបទ “លើកកម្ពស់សមភាពយេនឌ័រនិងការគាំទ្រការពារសង្គមដើម្បីអភិវឌ្ឍន៍ធនធានមនុស្ស”។
នៅក្នុងឱកាសនេះលោកស្រី ហង្ស ចន្ថា អភិបាលរងស្រុកពញាឮ បានឡើងអានព្រះរាជសារ សម្តេចព្រះមហាក្សត្រី នរោត្តមមុនីនាថសីហនុ ព្រះវរាជមាតាជាតិខ្មែរ ក្នុងសេរីភាព សេចក្តីថ្លៃថ្លូរ និង សុភមង្គល និងមតិស្វាគមន៍ជូនលោកជំទាវ ទី បូរ៉ាស៊ី ប្រធានគណៈកម្មាធិកាទី៥នៃព្រឹទ្ធសភានិងជាអនុប្រធានទី២ក្រុមការងាថ្នាក់កណ្តាលចុះជួយស្រុកពញាឮនិងលោក លោកស្រី គណៈប្រតិភូ អមដំណើរដែរបានចំណាយពេលវេលាដ៏មានតម្លៃចូលរួចនៅពេលនេះផងដែរ។
បន្ទាប់មកលោកជំទាវ ទី បូរ៉ាស៊ីប្រធានគណៈកម្មាធិកាទី៥នៃព្រឹទ្ធសភានិងជាអនុប្រធានទី២ក្រុមការងាថ្នាក់កណ្តាលចុះជួយស្រុកពញាឮបានមានមតិសំណេះសំណាលទៅកាន់អង្គពិធី លោកជំទាវ បានមានប្រសាសន៍ថា ការប្រារព្វទិវាអន្តរជាតិនារី ៨មីនា ជារៀងរាល់ឆ្នាំ គឺមានគោលបំណងរំលឹកដល់សេចក្តីក្លាហាន និងការខិតខំតស៊ូរបស់បុព្វ បុរសជាស្ត្រីទូទាំងសកលលោក ដើម្បីសិទ្ធិសេរីភាព និងតួនាទីស្មើ ភាពគ្នារវាងបុរស និងស្ត្រីនៅក្នុងសង្គម។
សំខាន់ជាងនេះទៀត ទិវានេះឆ្លុះបញ្ចាំង និងអបអរសាទរចំពោះសមិទ្ធផល ទាំងឡាយដែលសម្រេចបានក្នុងការលើកកម្ពស់ការចូលរួមរបស់ស្ត្រីនៅគ្រប់ទិដ្ឋភាពទាំងអស់នៃសង្គម រួមមាន សេដ្ឋកិច្ច សង្គមកិច្ច វប្បធម៌ និងនយោបាយ ព្រមទាំងដើម្បីរៀបចំផែនការសម្រាប់ អនុវត្តបន្តនៅឆ្នាំ បន្តបន្ទាប់ទៀត ឆ្ពោះទៅលើកកម្ពស់សមភាពយេនឌ័រ និងផ្តល់ភាពអង់ អាចដល់ស្ត្រីលោកជំទាវក៏ បានសំណូមពរដល់មន្ទីរអង្គភាពទាំងអស់ត្រូវយកចិត្តទុក ដាក់ចំពោះស្ត្រី តែងតាំងស្ត្រីក្នុងតួនាទីជាថ្នាក់ដឹកនាំក្នុងសង្គមផងយោងតាមប្រសាសន៍សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជជាណាចក្រកម្ពុជា មានប្រសាសន៍នេះពិតជាមានភ័ព្វសំណាងណាស់ ដោយរាជរដ្ឋាភិបាលមានគោលនយោ បាយច្បាស់លាស់ចំពោះស្ត្រីបើគ្មានការចូលរួមរបស់ស្ត្រី ខេត្តស្រុកមិនអាចទទួលបានជោគជ័យនោះទេលោកជំទាវក៏បានសំណូមពរសូមឱ្យវប្បធម៌នៃការសាមគ្គីភាព ក្នុងចំណោមមន្ត្រីរាជការរបស់យើងសូមខិតខំបន្តកិច្ចការងារបន្តទៀត ដើម្បីឲ្យកាន់តែល្អពីមួយថ្ងៃទៅមួយថ្ងៃពីមួយឆ្នាំទៅមួយឆ្នាំ។
ចុងបញ្ចប់នៃពិធី លោកជំទាវ ទី បូរ៉ាស៊ី បានអំយកអំណោយរបស់លោជំទាវ ក្រម៉ា១ ប្រាក់មួយនាក់ ១០០០០ មុឺនរៀលនិងឯកឧត្ត លឹម គានហោ ៥០០០០ រៀល សរសរុបមួយនាក់ៗបានក្រម៉ា១ប្រាក់៦០០០០ រៀលជូនដល់បងប្អូនជានារីដែលបានចូលរួមផងដែរ ៕
ដោយ ហុក វិបុល
