អតីតកាស៊ីណូគ្មានស្លាកយីហោមួយកន្លែងនៅមានជនជាតិវៀតណាមចេញចូលឥតដាច់ពលរដ្ឋដាក់ការសង្ស័យមានអីបង្កប់ក្នុងហ្នឹងទេដឹង?​

ខេត្តស្វាយរៀង៖អតីតកាស៊ីណូមួយកន្លែងគ្មានស្លាកយីហោដែលត្រូវបានគេស្គាល់ស្ទើរតែមួយនគរស្ថិតនៅភូមិធ្លក(ទួលកន្ត្រើយ)សង្កាត់ច្រកម្ទេស ក្រុងបាវិតខេត្តស្វាយរៀង ដែលនាពេលកន្លងមកទីនេះជាកន្លែងសង្វៀនជល់មាន់(ឥលូវបានផ្អាកដំណើរការហើយនោះ)ជារៀងរាល់ថ្ងៃ បើទោះបីជាសកម្មភាពមើលពីខាងក្រៅទៅមានសភាពស្ងាត់ជ្រងំក៏ពិតមែនតែនៅពេលបច្ចុប្បន្ននេះគេនៅតែសង្កេតឃើញមានជនជាតិវៀតណាមចេញចូលបណ្តាក់គ្នាជាធម្មតាដោយមានអ្នកអង្គុយយាមរបងផ្លូវចូលទៅខាងក្នុងដោយមានរបងបិទបាំងពីខាងក្រៅជិតឈឹងត្រូវបានមហាជនបានលើកឡើងជាចម្ងល់ថា..តើនៅក្នុងទីតាំងខាងលើនោះវាមានអ្វីបានជាទាក់ទាញភ្ញៀវខាងវៀតណាមដែលបានចូលមកលេងមិនដែលអាក់ខានដូច្នេះ?ឬមួយមានអ្វីដែលជាអាថ៌កំបាំងរបស់មនុស្សភពផ្កាយ(Alian)នៅខាងក្នុងទើបបានជាមានការទាក់ទាញយ៉ាងដូច្នេះទៅវិញ?គួរខាងមន្ត្រីឬស្ថាប័នដែលមានការពាក់ព័ន្ធសូមអញ្ជើញចុះទៅធ្វើការត្រួតពិនិត្យផងថាតើវាជាអ្វីឲ្យប្រាកដទៅ ?
លោក ហួត សាម៉ៃ ចៅង្កាត់ច្រកម្ទេសក្រុងបាវិតបានប្រាប់តាមទូរសព្ទឲ្យដឹងនៅរសៀលថ្ងៃទី២៥ខែតុលាឆ្នាំ២០២៥នេះថា: ទីតាំងអតីតកាសុីខាងលើនេះពីមុនគេមានច្បាប់តែក្រោយមកបានបិទទៅវិញហើយ។ ឥលូវដល់ឮថាមានមនុស្សចេញចូលអញ្ចឹងលោកក៏មិនបានដឹងដែរចាំមើលលោកសួរគេសិន។
បើតាមប្រភពពីប្រជាពលរដ្ឋដែលនៅក្បែរទីតាំងខាងនេះបាននិយាយតៗគ្នា(សុំលាក់ប្រភព)ថា: គេមិនឃើញមានការជល់មាន់មែនតែប្រហែលជានៅមានល្បែងអនឡាញបង្កប់ខាងក្នុងហើយ…SIC..។
ដោយឡែកខាងមន្ត្រីសមត្ថកិច្ចដែលនៅប្រចាំការច្រកព្រំដែនធ្លក(ច្រករបៀង)បានបង្ហើបឲ្យដឹងផងដែរថា: សព្វថ្ងៃបើខាងប្រជាពលរដ្ឋទាំងសងខាងចង់ឆ្លងទៅមក(អ្នកដែលមានទីលំនៅជិតៗព្រំដែន ខ្មែរ..វៀតណាម)គឺអាចចេញឬចូលតាមច្រកការពារព្រំដែនមនោរម្យក្នុងស្រុកស្វាយទាបនិងច្រកការពារព្រំដែនធ្លកគឺផ្លូវធំខាងមុខសាលាក្រុងបាវិតចុះមកជើងពីព្រោះច្រកតូចៗខាងវៀតណាមគេបានបិទអស់ហើយមិនអនុញាតិឲ្យឆ្លងកាត់នោះទេ។
បុន្តែទោះបីជាយ៉ាងណាក៏ដោយដើម្បីកុំឲ្យមានត្រីងៀតឆ្លៀតពង(មានល្បែងអនឡាញបង្កប់ខាងក្នុង)មន្ត្រីឬស្ថាប័នពាក់ព័ន្ធកុំនៅស្ងៀមគួរឆ្លៀតឱកាសដ៏សមគួរណាមួយពីការប្រជុំផ្សេងៗអញ្ជើញទៅពិនិត្យឲ្យដល់ទីតាំងមួយកន្លែងនេះផងថាតើកន្លែងខាងលើនោះមានច្បាប់ឬអាជ្ញាបណ្ណ័អនុញាតិឲ្យប្រកបអាជីវកម្មឬអត់?ដើម្បីឲ្យអស់ចម្ងល់របស់មហាជន…៕