តាកែវ៖ កាលពីរសៀលថ្ងៃទី២១ខែកញ្ញា ឆ្នាំ២០១៥នេះ ឯកឧត្តមអ្នកឧកញ៉ា សំ ប៊ន និងលោកហ៊ុន សុខា ប្រធានក្លឹបអ្នកកាសែតឯករាជ្យ និងជាតំណាងដ៏ខ្ពស់ខ្ពស់របស់ឯកឧត្តមនាយឧត្តមសេនីយ៍ ជា តារា និងឯកឧត្តម ឧត្តមសេនីយ៍ឯក ចៅ យុត្តិបុត្រ បានចូលរួមក្នងកម្មវិធីបំពាក់ឯកសណ្ឋានជូនប្រជាការពារនៅក្នុងសង្កាត់បារាយណ៏ ក្រុងដូនកែវ ខេត្តតាកែវក្រោមការចូលរួមពីលោក ឈុន ស្រ៊ ប្រធានក្រុមប្រឹក្សាក្រុងដូនកែវ លោក មូល វិចិត្រ អភិបាលនៃគណអភិបាលក្រុងដូនកែវ លោក ឥន មណ្ឌល អធិការស្តីទីក្រុងដូនកែវ និងលោកចៅសង្កាត់បារាយណ៏ ព្រមទាំងក្រុមការងារជាច្រើនរូបទៀត។
ក្នុងពិធីនេះផងដែរបន្ទាប់ពីលោកចៅសង្កាត់បារយណ៏បានអានរបាយណ៏ការស្តីពីសកម្មភាពទូទៅក្នុងសង្កាត់បារាយណ៍រួចមកលោកមូល វិចិត្រ អភិបាលក្រុងដូនកែវ បានមានមតិស្វាគមន៏ចំពោះគណៈអធិបតី ដែលបានអញ្ជើញចូលរួម ក្នុងការជ្រោមជ្រែងដល់ប្រជាការពារ ក៏ដូចជាប្រជាពលរដ្ឋ ក្នុងសង្កាត់បារាយណ៍នេះ ស្របទៅតាមគោលនយោបាយរបស់រាជរដ្ឋាភិបាល ។ លោកបានបន្តថា នេះមិនជាលើកទីមួយទេដែលលោក ហ៊ុន សុខា តំណាងរបស់ឯកឧត្តម ជា តារា និងឯកឧត្តម ចៅ យុត្តិបុត្រ អញ្ជើញមកជួយដល់ប្រជាការពារសង្កាតក់បារាយណ៍ តែនេះជាលើកទី៣ហើយ ដែលលោកអញ្ជើញមក។ ម្យ៉ាងទៀតការយកចិត្តទុកដាក់ពិសំណាក់ ថ្នាក់ដឹកនាំនេះ គឺមិនចង់បានប្រយោជន៍អ្វីពីប្រជាពលរដ្ឋឡើយ គឺជាការស្ម័គ្រចិត្តដោយចំណាយទាំងពេលវេលា កម្លាំង និងថវិកាផ្ទាល់ខ្លួន ដើម្បីឲ្យប្រជាពលរដ្ឋក្នុងសង្កាត់បារាយណ៍ទាំងមូលមានសុវត្តិភាពផ្នែកសន្តិសុខ និងសណ្តាប់ធ្នាប់។ លោក មូល វិចិត្រ ក៏បានថ្លែងអំណរគុណដល់ ថ្នាក់ដឹកនាំដែលតែងយកចិត្តទុកដាក់ចំពោះប្រជាពលរដ្ឋ។
បន្ទាប់មកលោក ឈុន ស្រ៊ ប្រធានក្រុមប្រឹក្សាក្រុងដូនកែវ ក៏បានមានប្រសាសន៏សំណេះសំណាលជាមួយប្រជាការពារព្រមទាំងមេភូមិ និងប្រជាពលរដ្ឋដែលបានចូលរួមក្នុងកម្មវិធីនោះ។ផងដែរ និងបានណែនាំឲ្យប្រជាការពារខិតខមប្រឹងប្រែងការពារសន្តិសុខ សុវត្ថិភាពជូនប្រជាពលរដ្ឋ និងមិនត្រូវភ្លេចនូវតួនាទីសំខាន់ទាំង៣របស់ខ្លួនឡើយ។
លោកហ៊ុន សុខាតំណាងឲ្យឯកឧត្តមនាយឧត្តមសេនីយ៏ ជា តារា អគ្គមេបញ្ជាការរងកងយោធពលខេមរភូមិន្ទ នឹងជាមេបញ្ជាការសមរភូមិមុខទិសប្រាសាទព្រះវិហារ និងឯកឧត្តម ឧត្តមសេនីយ៏ឯក ចៅ យុត្តិបុត្រ នាយរងសេនាធិការចម្រុះ និងជាមេបញ្ជាការរងសមរភូមិមុខទិសប្រាសាទព្រះវិហារ បានឡើងមានមតិសំណេះសំណាលជាមួយប្រជាការពារ និងលោកមេភូមិ ក្រុមប្រឹក្សាសង្កាត់ មន្ត្រីរាជការក្នុងក្រុង ដែលបានចូលរួមក្នុងកម្មវិធី។
ក្នុងកម្មវិធីនោះដែរ លោក ហ៊ុន សុខា បាន នាំយកអំណោយរបស់ សប្បុរសជន និងថវិកាជូនប្រជាការពារសង្កាត់បារាយណ៍ចំនួន១៥០នាក់ ទទួលបានថវិកាចំនួន១លាន ២សែនរៀល អាយកូមបីគ្រឿង ថវិកាសម្រាប់សាងសង់រោងប្រជាការពារចំនួន៤រោង ដោយក្នុងមួយរោងចំណាយថវិកាចំនួន១លានរៀល សរុប៤លានរៀល មេភូមិ១៧នាក់ ទទួលបានថវិកា១៧ម៉ឺន រៀលនគរបាលប៉ុស្តិ៍១០ម៉ឺនរៀល នគរបាលក្រុងចំនួន៧ម៉ឺនរៀល ក្រុមប្រឹក្សាសង្កាត់១០ម៉ឺនរៀលប្រជាពលរដ្ឋក្រីក្រ ចំនួនបីគ្រួសារ ដោយក្នុងមួយគ្រួសារ ទទួលបានអង្ករ១បាវត្រីខ១ឡូ ទឹកសាអ៊ីវ១យួរ ថវិកា១០ម៉ឺនរៀលក្នុង១គ្រួសារ និងជួយជាថវិកាជួសជុលផ្ទះដោយសារខ្យល់កន្ត្រាក់អស់២០ម៉ឺនរៀលជូនដល់លោកយាយទុរគត់ ។អំណោយទាំងនេះបានពីឯកឧត្តម ចៅ យុត្តិបុត្រ ១លាន៥សែនរៀល ឯកឧត្តម សំ ប៊ន ១លានរៀល លោកជឹម ផល ៤០ម៉ឺនរៀល សប្បុរសជន១លានរៀល ក្រៅពីនោះទឹកប្រាក់ផ្ទាល់របស់លោក ហ៊ុន សុខា ដោយអនុវត្តតាមការចង្អុលបង្ហាញរបស់ ឯកឧត្តម នាយឧត្តមសេនីយ៏ ជា តារា ដែលតែងតែយកចិត្តទុកដាក់ចំពោះសុខទុក្ខដាក់ទាំងសមរភូមិមុខនិងសុខសន្តិភាព ជូនប្រជាពលរដ្ឋកម្ពុជារបស់យើង៕
