ខេត្តកំពង់ចាម ៖ សង្វៀនជលមាន់ភ្នាល់់ដាក់លុយមួយកន្លែង ត្រូវបានកំលាំងនគរបាលស្រុកជើងព្រៃ ចុះបង្ក្រាបដោយបានដកហូតវត្ថុតាងមួយចំនួននៅកន្លែងកើតហេតុ ដែលអ្នកលេងបន្សល់ទុក បន្ទាប់ពីរត់យករួចខ្លួនរត់គេចខ្ខ្លួននៅមុនពេលសមត្ថកិច្ចទៅដល់។
លោក ប្រាក់ សុគុណ អធិការនគរបាលស្រុកជើងព្រៃ បានអោយដឹងថាជនខិលខូចមួយចំនួននៅតែលួចលាក់ជល់មាន់ភ្នាល់ដាក់លុយដោយផ្លាស់ប្តូរពីកន្លែងមួយទៅកន្លែងមួយ ។ តែទោះបីយ៉ាងណាក៏ដោយ សមត្ថកិច្ចនៅតែតាមប្រម៉ាញ់និងដុតកំទេចសង្វៀនចោលជារឿយៗ ។
ជាក់ស្តែង នៅថ្ងៃទី២០ខែមករា ឆ្នាំ២០១៩ម៉ោង១១:០០នាទី កំលាំងប៉ុស្តិ៍នគរបាលរដ្ឋបាលសំពងជ័យ ចំនួន ០៣ នាក់សហការជាមួយកំលាំងប៉ុស្តិព្រីងជ្រុំ២នាក់ បានធ្វើការល្បាតចល័តដល់ចំណុចភូមិ សណ្ដែក បានប្រទះឃើញក្រុមអ្នកលេងជល់មាន់មួយក្រុម ពេលដែលសមត្ថកិច្ចចូលទៅបង្ក្រាបត្រូវបានអ្នកលេងល្បែងរត់អស់។
លោកអធិការបានបន្តថាដោយភូមិសាស្ត្រស្នុកស្មាញនិងមានព្រៃក្រាសខ្លាំងពេកសមត្ថមិនអាចដេញទាន់ក៏បានដកហូត វត្ថុតាងបានបន្សល់ទុក គឺ:ម៉ូតូចំនួន ០៨ គ្រឿង កន្ត្រក់ដាក់មាន់ចំនួន០៣ ស្បែកជើងចំនួន ០១ គូរ។
លោកអធិការបន្តថា សមត្ថកិច្ចបានយកវត្ថុតាងបានយកមករក្សាទុកនៅអធិការដ្ឋាននគរបាលស្រុកជើងព្រៃដើម្បីស្រាវជ្រាវបន្ត ៕
