បន្ទាយមានជ័យ ៖ នៅវេលាម៉ោង២រសៀលថ្ងៃទី១៧ ខែមករា ឆ្នាំ២០១៩នេះ លោកវរសេនីយ៍ទោ ខឹម ចិត្រា បានផ្លាស់ពីនាយនគរបាលនៃអគ្គស្នងការនគរបាលជាតិ ជានាយប៉ុស្តិ៍នគរបាលអន្តោរប្រវេសន៍ច្រកទ្វារព្រំដែនអន្តរជាតិប៉ោយប៉ែត ច្រកទ្វាទី១នៃអគ្គនាយកដ្ឋានអន្តោប្រវេសន៍ជំនួសលោកឧត្តមសេនីទោ សុឹម សំអាត ដោយរក្សាទុក្ខមុខតំណែងជាអនុប្រធាននាយកដ្ឋានច្រកទី១នៃអគ្គដ្ឋានអន្តោប្រវេសន៍។ កម្មពិធីនេះនិងធ្វើឡើងនៅក្នុងបរិវេណស្នាក់ការនគរបាលអន្តោប្រវេសន៍ច្រកទ្វារអន្តរជាតិប៉ោយប់ែត ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត។
កម្មពិធីផ្ទេរភារកិច្ច និងប្រកាសទទួលតំណែងនេះក្រោមអធិបតេយ្យរបស់លោកនាយឧត្តម ឧត្តមសេនីយ៍ ឃុន សំបូរ អគ្គនាយករងនៃអគ្គដ្ឋានអន្តោប្រវេសន៍ក្រសួងមហាផ្ទៃ។ ក្នុងកម្មពិធីនេះផងដែរគេសង្កេតឃើញថា មានការចូលរួមពីសំណាក់ឯកឧត្តម ង៉ោ ម៉េងជ្រួន អភិបាលរងខេត្តបន្ទាយមានជ័យ និង កំលាំងនគរបាលគ្រប់លំដាប់ថ្នាក់ក្នុងមូលដ្ឋានព្រមទាំងមានការចូលរួមពីកងកំលាងរបស់ភាគីថៃនៃច្រកខ្លងឡឹក ស្រុកអារញ្ញផងដែរ ។
ក្នុងកម្មវិធីនេះផងដែរលោកវរសេនីយ៍ទោ ខឹម ចិត្រា បានប្តេជ្ញាថា សូមគោរពយ៉ាងខ្ជាប់ខ្ជួនចំពោះរដ្ឋធម្មនុញ្ញ ច្បាប់ លិខិតបទបញ្ជារបស់ថ្នាក់ដឹកនាំ ក្រសួងមហាផ្ទៃរក្សាទំនាក់ទំនងល្អរវាងស្ថាប័នពាក់ព័ន្ធនិងអាជ្ញាធរក្នុងមូលដ្ឋាន និងរក្សាទំនាក់ទំនងល្អរវាងភាគីថៃជាមិត្ត បង្កើនចំណេះដឹងថ្មីៗទៀតដើម្បីអោយស្របកាងារវិវត្តន៍របស់ក្រសួង រក្សាសមត្ថិផលដែលកសាងសំរេចកន្លងមក ព្រមទាំងបង្កើនចំណេះដឹងថ្មីដើម្បីអភិវឌ្ឍន៍អង្គភាព និងប្រទេសជាតិ បង្កើនចំណេះដឹង និងធ្វើការអប់រំ នៃការឆ្លងដែនអោយពលរដ្ឋ អាជីវករ ដែលមានលំនៅដ្ឋានជាប់បន្ទាត់ព្រំដែនអោយបានដឹងពីច្បាប់របស់ប្រទេសទាំងពីរ៕
