បាត់ដំបង ៖ លោក តូច សុភក្តី ព្រះរាជអជ្ញារង និងតំណាងអយ្យការ ដឹកនាំកម្លាំងប្រដាប់អាវុធអនុវត្តសាលដីការរុះរើផ្ទះលោក ព្រហ្ម ចំរើន ពេលម្ចាស់មិននៅផ្ទះ កាត់សោរយកឥវ៉ាន់ដាក់ពេញផ្លូវ ដើម្បីប្រគល់សិទ្ធអោយទៅឈ្មោះពៅសុតដើមបណ្តឹង កាលព្រឹកថ្ងៃទី១៦ ខែកញ្ញា ឆ្នាំ២០១៥ នៅទីតាំងផ្ទះលេខ៥៤ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។
លោក តូច សុភក្តី ព្រះរាជអជ្ញារង និងតំណាងអយ្យការបានអោយដឹងថា កាលថ្ងៃទី២៦ ខែសីហា ឆ្នាំ២០១៥ រូបលោកបានចេញដីការលេខ៥៥ ដល់លោក ព្រហ្ម ចំរើន រុះរើដោយស្ម័គ្រចិត្តក្នុងរយៈពេល ១៥ ថ្ងៃ គិតពីថ្ងៃជូនដំណឹងទៅ ឥឡូវដល់ថ្ងៃកំណត់អនុវត្តន៍ហើយ ។
អ្នកស្រីលោក ព្រហ្ម វឌ្ឍនា ត្រូវជាកូនបង្កើតលោក ព្រហ្ម ចំរើន បានអោយដឹងថា ការចុះមកបើកទ្វារមិនបានប្រាប់ម្ចាស់ផ្ទះទេ លោក ព្រហ្ម ចំរើន (ជាឪពុក) មិននៅផ្ទះតៅ ប្រចាំការនៅបន្ទាយកងពលថ្មើជើងលេខ៥៣ នៅភូមិកម្រ៉ង់ឃុំតាក្រី ស្រុកកំរៀង ខេត្តបាត់ដំបង ឆ្លៀតឱកាសពួកគេមកកាត់សោរទ្វា គាស់រុះរើអីវ៉ាន់ដូចចោរប្លន់យកចេញអស់មិនអោយស្នាក់នៅទេ ។
រឿងផ្ទះនេះមានរយៈពេលជាង៣០ឆ្នាំមកហើយតាំងពីអ្នកស្រីមិនទាន់កើតម្ល៉េះបច្ចុប្បន្ននាងមានប្តីនិងកូន១នាក់មិនទាន់ចប់ ដោយឈ្មោះ ពៅ សុទ្ធ បានប្តឹងថា ជាផ្ទះរបស់គាត់ ប៉ុន្តែឈ្មោះ ពៅ សុទ្ធ នេះមិនដែលមករស់នៅលើផ្ទះនេះទេ ហើយញាតិជិតខាង ក៏គ្មានអ្នកស្គាល់មុខមាត់ឈ្មោះ ពៅ សុទ្ធិ ដើមបណ្តឹងនេះដែរ ។ ផ្ទះ១ល្វែងនេះ គេប្តឹងជា២ករណី ចំពោះ១កំណាត់មុខ លើកមុនមកអនុវត្តន៍ ត្រូវប្រជាពលរដ្ឋគាំទ្ររារាំងបានស្ងប់មួយរយៈ រីឯសាលដីការចេញថ្ងៃទី២៦ ខែសីហា ឆ្នាំ២០១៥នេះ គឺអនុវត្តន៍ផ្នែកខាងក្រោយ ប៉ុន្តែឆ្លៀតឱកាសមនុស្សមិននៅ ពួកគេគាស់ទ្វាមុខរហូតដល់ទ្វារក្រោយ ការអនុវត្តន៍គ្មានភាពយុត្តិធម៌ ហើយក្រដាស់លិខិតដិការ ១ សន្លឹកឆ្នាំ ២០១៥ រីឯ១សន្លឹកទៀតឆ្នាំ ២០១៣ មិនពិនិត្យច្បាស់លាស់ចេះតែអនុវត្តន៍ ។
ពាក់ព័ន្ធករណីនេះ ប្រជាពលរដ្ឋថា គ្មានភាពយុត្តិធម៌សំរាប់អ្នករស់នៅទេ បើអ្នកមានលុយមានអំណាច ដើរតែប្តឹងគេ យកធ្វើជារបស់ខ្លួនឯងបាន នោះច្បាស់ជាស្រុកក្រឡាប់ចាក់ជាក់ជាមិនខាន ដោយមិនមានអ្នកគោរពច្បាប់ត្រឹមត្រូវនោះ ៕
