ខេត្តប៉ៃលិន ៖ មន្ត្រីនគរបាលយុត្តិធម៌ទាំងអស់ ត្រូវតែសហការគ្នា ទប់ស្កាត់រាល់បទ ល្មើសគ្រប់ប្រភេទ ដែលបានកើតឡើងនៅក្នុងទឹកដីខេត្តប៉ៃលិន ដូចជាការកាប់បំផ្លាញព្រៃ ឈើនៅតំបន់អភិរក្សខុសច្បាប់ ការនាំចូលម៉ូតូ និងរថយន្តពីប្រទេសជិតខាងដោយអត់បាន បង់ពន្ធចូលរដ្ឋ បង្ក្រាបល្បែងស៊ីសងគ្រប់ប្រភេទ ព្រមទាំងចូលរួមអនុវត្តច្បាប់ឱ្យបានទូលំ ទូលាយផងដែរ នេះជាការលើកឡើងរបស់ឯកឧត្តម កើត សុធា អភិបាលនៃគណៈអភិបា លខេត្តប៉ៃលិន ក្នុងពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិ ម ន្ត្រីនគរបាលជាតិ នៃស្នងការដ្ឋាននគរបាលខេត្តប៉ៃលិន កាលពីរសៀលថ្ងៃទី១៥ ខែកញ្ញា ឆ្នាំ២០១៥កន្លងទៅនេះ ស្ថិតក្រោមអធិបតីភាព ឯកឧត្តម នាយឧត្តមសេនីយ៍ ខេង សុមេធ មេបញ្ជាការនគរបាលជាតិ ប្រចាំទិសភូមិភាគទី៤ និងទី៥ ដោយមានការចូលរួមពីមន្ត្រីជុំវិ ញសាលាខេត្ត សរុបជាង៤០០នាក់ ។
ឯកឧត្តមបានបន្តទៀតថា សូមចូលរួមអបអរសាទរ ដល់មន្ត្រីសមត្ថកិច្ចនគរបាលទាំងអស់ដែលបានទទួលជ័យលាភី នាថ្ងៃការបំពាក់ឋានន្តរស ក្តិថ្មី បន្ទាប់ពីបានតស៊ូពុះពារគ្រប់ឧបសគ្គ ក្នុងបំពេញភារកិច្ចជូនជាតិ ក៏ដូចជារក្សាសណ្តាប់ ធ្នាប់ សុវត្ថិភាព ជូនប្រជាពលរដ្ឋយ៉ាងយកចិត្តទុកដាក់កន្លងមក ។
ម្យ៉ាងវិញទៀត គ្រប់ស្ថាប័នទាំងអស់សុទ្ធតែត្រូវការកម្លាំងមន្ត្រីសមត្ថកិច្ចដើម្បីជួយ ដូចជាខាងគយ ត្រូវការកម្លាំង សមត្ថកិច្ចនគរបាលដើម្បីសហការ ហើយខាងរដ្ឋបាលព្រៃឈើក៏ត្រូវការកងកម្លាំងសមត្ថកិ ច្ចនគរបាលយើងចូលរួមសហការ ទប់ស្កាត់បទល្មើសព្រៃឈើផងដែរ ។
ចំណែកឯកឧត្តម នាយឧត្តមសេនីយ៍ ខេង សុមេធ មេបញ្ជាការនគរបាលជាតិ ប្រចាំ ទិសភូមិភាគទី៤ និងទី៥ បានមានប្រសាសន៍ថា សូមចូលរួមកោតសរសើរយ៉ាងជ្រាលជ្រៅ ចំពោះមន្ត្រីនគរបាល និងសមត្ថកិច្ចកងរាជអាវុធហត្ថខេត្តប៉ៃលិន ដែលចេះសហការគ្នាបា នល្អ ពោលគឺមិនប្រកាន់ទោសអូសដំណើរគ្នាទៅវិញទៅមកនោះឡើយ ទោះបីជាស្ថាប័ន ខុសគ្នាតែសហការគ្នាបានល្អគួរឱ្យកោតសរសើរ ។ ឯកឧត្តមបន្តទៀតថា គ្រប់មន្ត្រីនគរបា លទាំងអស់ត្រូវតែធ្វើជាគំរូល្អ មានសីលធម៌ល្អ គោរពវិន័យ ស្រឡាញ់ដល់ ប្រជាពលរដ្ឋ មិនត្រូវប្រព្រឹត្តអំពើពុករលួយឡើយ ហើយក្នុងការចុះត្រួតពិនិត្យ និងផាកពិន័យម៉ូតូ ឬរថយ ន្ត ដែលខុសបច្ចេកទេស ត្រូវតែមានវិក័យបត្រត្រឹមត្រូវ មិនត្រូវបណ្តែតបណ្តោយឱ្យបន្តខុ សច្បាប់ ដោយទទួលលុយកាក់សំណូកតិចតួច រួចអនុញ្ញាតឱ្យចេញទៅដំណើរនោះឡើយ នឹងបង្កគ្រោះថ្នាក់ដល់ខ្លួនឯង និងអ្នកដទៃជាក់ជាមិនខាន ។
សូមបញ្ជាក់ថា មន្ត្រីនគរបាល ដែលត្រូវទទួលមេដាយការងារមានចំនួន១០៤នាក់ ហើយឯកឧត្តម បានបំពាក់ឋានន្តរសក្តិ ដល់មន្ត្រីនគរបាលចំនួន១៤១នាក់ ។ មន្ត្រីដែលត្រូ វផ្ទេរភារកិច្ចចំនួន៣៥នាក់ ។ ឯកឧត្តមក៏បានជូនថវិកាដល់មន្ត្រីនគរបាលចូលនិវត្តន៍ចំនួន ២៦នាក់ ក្នុងម្នាក់ៗចំនួន៤០ម៉ឺនរៀល ជូនដល់មន្ត្រីសមត្ថកិច្ចនគរបាលចូលរួមចំនួន២៧៨ នាក់ ក្នុងម្នាក់ៗចំនួន១០ម៉ឺនរៀល ហើយជួយថវិកាក្នុងពិធីជប់លៀងចំនួន៦៥តុ ដោយ ក្នុង១តុ តម្លៃ២៥ម៉ឺនរៀលផងដែរ ៕
អត្ថបទ នីយ៉ា
