ខេត្តបន្ទាយមានជ័យ ៖ កាលពីវេលាម៉ោង៥ល្ងាច ថ្ងៃទី១១ កញ្ញា ២០១៥ កម្លាំងសមត្ថកិច្ចចម្រុះបានបង្ក្រាបកន្លែងស្តុកឈើគ្រញូង មួយកន្លែង ដោយរឹបអូសឈើក្រញូងបានចំនួន៩៧ដុំ ប្រមាណជាង២ម៉ែត្រគូប ស្ថិតនៅចំណុចដីឡូត៍មួយកន្លែង ក្នុងភូមិកំពង់ស្វាយសង្កាត់
កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
កម្លាំងជំនាញរដ្ឋបាលព្រៃឈើ ខេត្តបន្ទាយមានជ័យក៏បានសហកាជាមួយនឹងនគរបាលប្រឆាំងបទល្មើសសេដ្ឋកិច្ចខេត្ត-ក្រសួង
ដឹកនាំដោយលោក ចេង សុផាន ក្រឡាបញ្ជីរបស់ព្រះរាជអាជ្ញាសាលាដំបូងខេត្តផងដែរ។
លោក ជា ផល្លី នាយខណ្ឌរដ្ឋបាលព្រៃបន្ទាយមានជ័យបានប្រាប់ថា ក្រោយពេលខណ្ឌ រដ្ឋបាលព្រៃឈើបន្ទាយមានជ័យបើកការស្រាវជ្រាវមុខសញ្ញា ហើយបានសហការជាមួយកម្លាំង នគបាលសេដ្ឋកិច្ចខេត្ត និងក្រសួង បានចុះបង្ក្រាបរកឃើញប្រភេទឈើគ្រញូង ហើយ បានធ្វើការរឹបអូសបានចំនួន៩៧ដុំ ប្រមាណជាង២ម៉ែត្រគូប ។
លោកបានបញ្ជាក់ថា នៅពេលចុះបង្ក្រាបនោះគឺរឹបអូសបានតែឈើគ្រញូងដែលជាប្រភេទ ត្រូវប៉ាន់ដុំ និងបន្ទះធំៗ រឹបអូសបានចំនួន៩៧ដុំប្រមាណជាង២ ម៉ែត្រគូបនេះមានតម្លៃមិនតិចជាង១០ម៉ឺនដុល្លារឡើយ ។ ចំណែកជនល្មើសបានគេចខ្លួន ហើយមន្ត្រីជំនាញបានរកឃើញមុខសញ្ញាហើយកំពុងមានវិធានការតាមចាប់ដើម្បីយកមកអនុវត្តតាមច្បាប់ ៕
