ខេត្តឧត្តរមានជ័យ:លោកជុំសំនិត ប្រធានសាខាពន្ធដារខេត្តឧត្តរមានជ័យ នៅថ្ងៃទី07ខែធ្នូ ឆ្នាំ2018 នេះបានធ្វើការបដិសេធន៍រាល់ការចោទប្រកាន់ មកលើរូបលោកតាមសារព័ត៍មានកាលពីថ្ងៃទី06ខែធ្នូ ឆ្នាំ2018 កន្លងទៅថ្មីៗនេះ ក្រោមចំណងជើងថា ÷ ពលរដ្ឋក្ដៅក្រហាយនិងមន្ដ្រីពន្ធដារខេត្តឧត្ដរមានជ័យស៊ីលុយថ្លៃធ្វើផ្លង់កម្មសិទ្ធដីធ្លីសាហាវខ្លាំង។
ជុំវិញការបដិសេធន៍ រាល់ការចោទប្រកាន់ លោកជុំសំនិត ប្រធានសាខាពន្ធដារបានលើកឡើងថា នេះគឺជាការវាយប្រហារបស់ជនអនាមិក មកលើសាខាពន្ធដារខេត្ត និងមកលើរូបលោកដោយផ្ទាល់ ដោយគ្មានមូលដ្ឋាននិងភស្តុតាងច្បាស់លាស់។
លោកជុំសំនិត បញ្ជាក់ថាលោកពំបានជួបជាមួយនិងអ្នកបង់ពន្ធនោះទេ ករណីកើតឡើងដោយម្ចាស់អចលនទ្រព្យ មិនបានកាន់ឯកសារមកជួបមន្ដ្រីការិយាល័យ សេវ៉ាអ្នកជាប់ពន្ធដោយផ្ទាល់នោះទេ។ គឺពួកគាត់បានពឹងពាក់អ្នករត់ការអោយយកមក ដែលជាហេតុនាំអោយមានការខុសគ្នារវាងបង្កាន់ដៃបង់ប្រាក់ពន្ធ និងប្រាក់ដែលគាត់បានប្រគល់ទៅអោយអ្នករត់ការ ទើបមានការយល់ច្រឡំ មកលើមន្ដ្រីពន្ធដាថាជាអ្នកយកប្រាក់អស់ទាំងនោះ។
យោងតាមហេតុផលដែលលោកជុំសំនិតបកស្រាយជាក់ស្ដែង ខាងលើ លោកសុំធ្វើការបដិសេធន៍ចោលទាំងស្រុង រាល់ពាក្យពេជខ្លឹមស្សា ដែលបានចោទប្រកាន់មកលើសាខាពន្ធដារខេត្ត និងរូបលោក សុទ្ធសិឹងតែរឿងមិនពិតនិងជារឿងភណ្ឌច្រឡំទាំងស្រុង៕ប៉ែន នួន
