ខេត្តកំពង់ឆ្នាំង ៖ បច្ចុប្បន្ននេះ បទល្មើសនេសាទប្រើឧបករណ៍ខុសច្បាប់ក្នុងតំបន់បឹង ទន្លេសាបឡើងកក្រើកផ្ទៃទឹកខណៈប្រជានេសាទអំពាវនាវឲ្យចាត់វិធានការបង្ក្រាប។
ប្រជានេសាទរកស៊ីលក្ខណៈគ្រួសារក្នុងឃុំជលសារ ស្រុក ជលគីរី ខេត្តកំពង់ឆ្នាំងរាយការណ៍មកថានៅក្នុងមូលដ្ឋាន ពួកគាត់ឧបករណ៍នេសាទខុសច្បាប់ ដូចជាដាក់ដាយបិទព្រែករបាំងស្បៃមុងនិងរបាំងណររ៉ាវ ក្រឡាញឹករាប់រយខ្សែដែលមាន ប្រវែងបណ្ដោយពី៣០០ ម៉ែត្រទៅជាង ១០០០ម៉ែត្រ ត្រូវបានក្រុមបក្សពួករបស់លោកមេផ្នែករដ្ឋបាលជលផលកំពុងប្រសាទលោកឃីមឡុង ប្រើប្រាស់សម្រាប់ចាប់ត្រី យ៉ាងអនាធិបតេយ្យ។
ប្រភពពីអ្នករកស៊ីដាក់របាំងលបតូចតាចបានប្រាប់សារពត៌មានយើងថា ខណ្ឌ.ផ្នែក.សង្កាត់រដ្ឋបាលជលផលក្នុងក្នុងឃុំជលសារ ស្រុក ជលគីរី ខេត្តកំពង់ឆ្នាំងមិនចាត់វិធានការបង្ក្រាបបទល្មើសនេសាទដែលកំពុងកើតឡើងយ៉ាងពេញបន្ទុកនោះទេ ហើយលោកឃីមឡុងមេផ្នែករដ្ឋបាលជលផលបីស្រុកសប្បាយប្រមូលលុយពីក្រុមជនល្មើសប្រើឧបករណ៍ខុសច្បាប់ម៉ាសប្បាយ ។
បញ្ហានេះ ជារឿងដែលក្រសួងនិងស្ថាប័នពាក់ព័ន្ធមិនគួរបណ្ដែតបណ្ដោយតទៅទៀតនោះទេ ជាពិសេសលោក ឈួរ ច័ន្ទឌឿន អភិបាលខេត្តកំពង់ឆ្នាំងក្នុងនាមជាគណៈបញ្ជាឯកភាពខេត្តគួរចាត់វិធានកាបង្ក្រាបបទល្មើសនេសាទនៅចំណុចព្រែក (ឆ្នុកអណ្ដែង) (ព្រែកភ្លង) (ព្រែកជ្រៅ) (ព្រែកថ្មី) (ព្រែកតាមុលក្រោម) (ព្រែកតាប៉ាល់) នៅមានច្រើនទៀតរីឯរបាំងស្បៃម៉ុងវិញដូចផ្សិតនៅចំណុច(កំពុងបាស្រូវ) ( បឹងលៀប)និង(បឹងពាញ)ក្នុងស្រុកជលគីរីខេត្តកំពង់ឆ្នាំង ប្រកបដោយប្រសិទ្ធភាព ។
ប្រជានេសាទជាលក្ខណៈគ្រួសារនៅស្រុកជលគីរីនិងស្រុកកំពង់ត្រឡាចរលាប្អៀរខេត្តកំពង់ឆ្នាំងបានរិះគន់ជាបន្តបន្ទាប់ទៅលើមន្ត្រីអាជ្ញាធរខេត្តកំពង់ឆ្នាំង ដែលបណ្ដែតបណ្ដោយឲ្យបទល្មើសនេសាទប្រើឧបករណ៍ខុសច្បាប់កើតឡើងយ៉ាងរាលដាល ហើយមិនចាត់វិធានការបង្ក្រាបប្រកបដោយប្រសិទ្ធភាព។
ជាក់ស្ដែងតាំងពីអំឡុងដើមខែវិច្ឆិកា ឆ្នាំ២០១៧ រហូតមកដល់ពេលនេះបទល្មើសនេសាទប្រើឧបករណ៍ខុសច្បាប់នៅក្នុងតំបន់បឹងទន្លេសាបនៃស្រុកជលគិរី និងស្រុកកំពង់ត្រឡាចរលាប្អៀរ ខេត្តកំពង់ឆ្នាំង កើតឡើងយ៉ាងពេញបន្ទុកហើយមិនឃើញលោក អភិបាលខេត្តកំពង់ ឆ្នាំងចាត់វិធានការបង្ក្រាប ។ ហេតុនេះហើយទើបលោកលីឡា នាយខណ្ឌរដ្ឋបាលជលផលខេត្តកំពង់ឆ្នាំងនិងមន្ត្រីក្រោមឱវាទឃុបឃិតគ្នាបើកដៃឲ្យមានបទល្មើសកើតឡើងកាន់តែខ្លាំងជាងមុនដើម្បីជាថ្នូរនឹងផលប្រយោជន៍ ។
ពលរដ្ឋរស់នៅស្រុកជលគីរី ខេត្តកំពង់ឆ្នាំងបានឲ្យដឹងថា កន្លងទៅនេះបទល្មើសនេសាទប្រើឧបករណ៍ខុសច្បាប់ក្នុងតំបន់បឹងទន្លេសាបនៃឃុំជលសារ ស្រុកជលគីរី ខេត្តកំពង់ឆ្នាំង កើតឡើងយ៉ាងពេញបន្ទកគ្មានមន្ត្រីជំនាញ ឬសមត្ថកិច្ចពាក់ព័ន្ធណាចាត់វិធានការទប់ស្កាត់នោះទេ។
លោក ឃីមឡុង នាយផ្នែករដ្ឋបាលជលផលកំពង់ប្រសាទត្រូវបានប្រជាពលរដ្ឋរិះគន់ថា ជាអ្នកឃុបឃិតបើកដៃឲ្យបក្ខពួករបស់ខ្លួនប្រើឧបករណ៍ខុសច្បាប់យ៉ាងពេញបន្ទុកដើម្បីជាថ្នូរនឹងផលប្រយោជន៍។
ប្រភពខ្លះបានរាយការណ៍ថាក្នុងរបាំងសាច់អួនក្រឡាញឹក ឬរបាំងស្បៃមុងដាក់ដាយបិទព្រែក១កន្លែងត្រូវបង់ឲ្យមន្ត្រីរដ្ឋបាលជលផល រាប់ពាន់ដុល្លារដើម្បីចៀសផុតពីការបង្ក្រាប ហើយលោក ឃីមឡុងនិងបក្ខពួកអាចប្រមូលលុយបានយ៉ាងច្រើនធ្វើមានធ្វើបានមិនគិតពីផលវិនាសហិនហោចរបស់ជាតិនោះឡើយ៕
