ភ្នំពេញ ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកជំទាវ អញ្ជើញជាអធិបតី ពិធីបិទកម្មវិធីប្រឡងសំនៀងជនពិការ និងប្រគល់ពាន រង្វាន់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនដល់ បេក្ខជនជ័យលាភី នារាត្រីថ្ងៃទី០៤ ខែកក្កដា ឆ្នាំ២០១៨។
ឯកឧត្តម ខៀវ កញារិទ្ធ បានមានប្រសាសន៍ថា ការលើកម្ពស់សិទ្ធិគ្រប់បែបយ៉ាងរបស់ជនពិការ ដើម្បីស្មើមុខស្មើមាត់ ដូចប្រជាពលរដ្ឋដទៃ គឺនៅតែបន្តស្ថិតក្រោមគោលនយោបាយរបស់រាជរដ្ឋាភិបាលកម្ពុជា ដែលដឹកនាំដោយសម្ដេចតេជោ ហ៊ុន សែន។សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានកាកបាទក្រហមកម្ពុជា បានឧបត្ថម្ភទឹកប្រាក់ចំនួន ៥០៦លានរៀល ដល់កម្មវិធីប្រឡង សំនៀងជនពិការកម្ពុជា ពានរង្វាន់សម្តេចតេជោ ហ៊ុន សែន។
ការឧបត្ថម្ភដ៏ថ្លៃថ្លារបស់សម្តេចទាំងទ្វេនេះបានធ្វើឡើងនៅក្នុងកម្មវិធីប្រឡង សំនៀងជនពិការកម្ពុជា នៅថ្ងៃទី០៤ ខែកក្កដា ឆ្នាំ២០១៨ នាពហុកីឡដ្ឋានជាតិអូឡាំពិក។
សូមជំរាបថា នេះជាការឧបត្ថម្ភលើកទី២ហើយ ដែលកាលពីលើកទី១ថ្ងៃទី១៨ ខែមករា ឆ្នាំ២០១៨ និងលើកទី២នៅថ្ងៃទី០៤ ខែកក្កដា ឆ្នាំ២០១៨នេះ សរុបថវិកាទាំំងអស់ចំនួន៥៦៥,០០០,០០០,០០០រៀល (ប្រាំរយហុកសិបប្រាំលានរៀល)។
ឯកឧត្តម ខៀវ កាញារីទ្ធ តំណាងនាយករដ្ឋមន្ត្រីកម្ពុជា ថ្លែងយ៉ាងដូច្នេះ នារសៀលថ្ងៃព្រហស្បតិ៍ ទី៤ ខែកក្កដា ឆ្នាំ២០១៨ ក្នុងកម្មវិធីប្រឡងសំនៀងជនពិការកម្ពុជាពានរង្វាន់សម្ដេចអគ្គមហាសេនាបតីតេជោ ហ៊ុន សែន នៅពហុកីឡដ្ឋានជាតិអូឡាំពិក។
សូមបញ្ជាក់ថាក្នុងកម្មវិធីប្រឡងសំនៀងជន ពិការកម្ពុជា ពានរង្វាន់សម្ដេចអគ្គមហាសេនាបតីតេជោ ហ៊ុន សែន ឆ្នាំ២០១៨ ប្រព្រឹត្តទៅរយៈប្រមាណ៦ខែ ដោយធ្វើការប្រឡងជម្រុះទាំង២៥រាជធានីខេត្ត ដែលរៀបចំកកម្មវិធីដោយលោកបណ្ឌិត ម៉េង សុភណ្ឌ័ អគ្គនាយកទូរទស្សន៍ អឹម អេស ជេ ធីវី MSJ TV និងក្រុមការងារMSJ TV រហូតដល់កាលបរិច្ឆេទប្រឡងផ្ដាច់ព្រ័ត្រ នឹងធ្វើឡើង នៅរាជធានីភ្នំពេញមានរយៈពេលបីថ្ងៃនាថ្ងៃទី ២/ ៣ /៤ ខែកក្កដា ឆ្នាំ២០១៨។
បេក្ខជនប្រឡងក្នុងកម្មវិធីប្រឡងសំនៀងជនពិការកម្ពុជា ពានរង្វាន់សម្ដេចអគ្គមហាសេនាបតីតេជោ ហ៊ុន សែន ឆ្នាំ២០១៨ នឹងទទួលបានចំណាត់ថ្នាក់និងប្រាក់រង្វាន់ផ្សេងៗពីគ្នាដូចជា ៖
ចំណាត់ថ្នាក់លេខ ១ ទទួលបានពាន និងទឹកប្រាក់៤០លាន រៀល។
ចំណាត់ថ្នាក់លេខ ២ ទទួលបានពាន និងទឹកប្រាក់២០លាន រៀល។
ចំណាត់ថ្នាក់ លេខ ៣ ទទួលបានពាន និងទឹកប្រាក់១៦លាន រៀល។
ចំណាត់ថ្នាក់លេខ ៤ ទទួលបានពាន និងទឹកប្រាក់១២លានរៀល។
ចំណាត់ថ្នាក់លេខ ៥ ទទួល បានពាន និងទឹកប្រាក់ ៨លានរៀល
ចំណែកអ្នកមិនបានជាប់ចំណាត់ថ្នាក់ចំនួន២០នាក់មកពីខេត្តនីមួយៗ
បានទទួលការឧបត្ថមជាប្រាក់ស្មើរៗគ្នាចំនួន៨០០០០០រៀល។
នៅក្នុងឱកាសនោះ ក៏មានការចូលរួមពីអង្កាសមាគមជនពិការចំនួន ១៦០០នាក់ត្រូវបាន បណ្ឌិត ម៉េង សុភណ្ឌ័ អគ្គនាយកទូរទស្សន៍ អឹម អេស ជេ ធីវី MSJ TV នាំយកអំណោយសម្តេច ហ៊ុន សែន និងលោកជំទាវ ជូនថវិការដល់ជនពិការទាំងនោះជាប្រាក់ចំនួន ១០០០០០ រៀលក្នុងមួយនាក់ៗ៕
