កណ្តាល ៖ ឯកឧត្តម ទី សុគន្ធ រដ្ឋលេខាធិការក្រសួងកសិកម្មរុក្ខាប្រមាញ់និងនេសាទនិងជាអនុប្រធានទី១ក្រុមការងារថ្នាក់ជាតិជួយស្រុកស្អាងខេត្តកណ្តាលនឹងមន្ត្រី សមាជិកគណៈកម្មាធិការស្រុកស្អាងគណបក្សប្រជាជនកម្ពុជា និងជាអនុប្រធានគណៈកម្មាធិការគណបក្សប្រជាជនឃុំក្រាំងស្រុកស្អាង បានអញ្ជើញជាអធិបតី ក្នុងពិធីបិទវគ្គអប់រំនយោបាយ របស់គណបក្សឃុំក្រាំងយ៉ូវ ជូនដល់សមាជិកគណបក្សប្រជាជនកម្ពុជា តាមបណ្តាសាខាគណបក្សអង្គភាពជុំវិញខេត្ត ចំនួន 100នាក់។
នាព្រឹកថ្ងៃទី២៨ ខែមេសាឆ្នាំ២០១៨ បន្ទាប់ពីបានដំណើរការសិក្សាអស់រយៈពេល ១ ថ្ងៃ នៅស្នាក់ការសាខាគណបក្សប្រជាជឃុំក្រាំងយ៉ូវ។
នៅរសៀលថ្ងៃទី២៥ខែមេសារឆ្នាំ២០១៨ នេះ ឯកឧត្តម ទី សុគន្ធ បានថ្លែងថា សភាពការណ៍ពិតនិងសមិទ្ធផលធំៗ ដែលរាជរដ្ឋាភិបាល ដឹកនាំដោយ គណបក្សប្រជាជនកម្ពុជាសម្រេចបាន ពិសេសគឺកត្តាសន្តិភាព ឯកភាពទឹកដី និងការអភិវឌ្ឍន៍លើគ្រប់វិស័យ ក្រោមការដឹកនាំដ៏ត្រឹមត្រូវ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលជានិច្ចជាកាល សម្តេចតែងតែតំកល់ប្រយោជន៍រាស្ត្រជាធំ (ហើយសំខាន់ជាងនេះទៅទៀតសម្តេចបានស្រលាញ់ចូលប្រជាពលរដ្ឋនៅក្នុងស្រុកស្អាងនិងមានការអភិវឌ្ឍន៍ឃុំក្រាំងយ៉ូង យើងមុនគេបង្អោះ បានបន្សល់ទុកនូវស្នាមញញឹមរបស់គណបក្សប្រជាជកម្ពុជា) ។
លោកបានឲ្យដឹងថា វគ្គបំប៉ននេះ គឺជាទុនដ៏វិសេសវិសាល ដែលអាចឲ្យយុវជនយើងយល់ដឹងពីវិធីសាស្ត្រថ្មី ទាក់ទងជាមួយការឃោសនា វិធីសាស្ត្រការពារគណបក្ស រក្សាសមាជិកបក្ស ការកសាងបណ្តាញ និងកម្មវិធីមនុស្សធម៌នានា ជាពិសេសចូលរួមជាមួយបងប្អូនប្រជាពលរដ្ឋ ក្នុងនាមជាជនសកម្ម ធ្វើយ៉ាងណាបំផុសបំផុលផ្តោតការយកចិត្តទុកដាក់ លើការចុះឈ្មោះបោះឆ្នោតនាពេលខាងមុខព្រោះនេះជាការចុះឈ្មោះបោះឆ្នោតសារដើម។
គួរបញ្ជាក់ថា វគ្គបំប៉នដែលសិក្សារយៈពេល៣ថ្ងៃ តាមរយៈការសម្របសម្រួលពីគ្រូឧទ្ទេសនាមដែលមានបទពិសោធន៍ជាច្រើននាក់ ហើយត្រូវបានបញ្ចប់នាពេលនេះ គឺផ្តោតទៅលើមេរៀនសំខាន់ចំនួន៥គឺ៖ ១-គណបក្សប្រជាជនកម្ពុជា និងប្រវត្តិ សកម្មភាព ស្នាដៃ និងបទពិសោធន៍ នៃការដឹកនាំ របស់គណបក្ស ២-គោលការគ្រឹះ នៃកម្មវិធីនយោបាយរបស់គណបក្ស ៣-ការងារយល់ដឹងមួយចំនួន អំពីលក្ខណន្តិកៈ គណបក្សប្រជាជនកម្ពុជា ៤-សភាពការណ៍កម្ពុជា និងបណ្តាភារកិច្ចចំពោះមុខ និង៥-ការកសាងអត្តចរិក សីលធម៌ល្អ ប្រពៃរបស់មន្ត្រីគណបក្ស៕
លោក ហុក វិបុល
