ខេត្តរតនគិរី ៖ កម្លាំងការិយាល័យគ្រឿងញៀននៃស្នងការដ្ធាននគរបាលខេត្តរតនគិរីកាលពីថ្ងៃចន្ទ 9កើតខែពិសាខ សំរិទ្ធស័កពុទ្ធសករាជ2562ត្រូវនិងថ្ងៃទី២៣ខែមេសាឆ្នាំ២០១៨ ។ វេលាម៉ោង១៣និង៣០នាទីរសៀល ស្ថិតនៅចំណុចចំការស្វាយចន្ទីក្រោយវត្តភ្នំស្វាយក្នុងភូមិភ្នំស្វាយសង្កាត់បឹងកន្សែងក្រុងបានលុងខេត្តរតនគិរី ។
លោកវរសេនីយ៍ទោ លាង អ៊ីម ប្រធានការិយាល័យគ្រឿងញៀនបានអោយដឹងថា ៖ ការចុះបង្ក្រាបករណីជួញដូរនិងប្រើប្រាស់ដោយខុសច្បាប់នូវសារធាតុញៀន ដោយបានប្រើវិធានការណ៍ញុះញ៉ង់ លក់ដូរអោយ ដោយខុសច្បាប់ទើបធ្វើការឃាត់ខ្លួនជនសង្ស័យ បានចំនួន៨នាក់ភ្លាមៗ ។ លោកថា ជនសង្ស័យទាំង ៨ នាក់ក្នុងនោះ មានស្រីម្នាក់រួមមានឈ្មោះដូចខាងគ្រោម÷
១-ឈ្មោះ ញ៉ែម សុផល ភេទប្រុសអាយុ៤១ឆ្នាំជនជាតិខ្មែរមុខរបរកម្មករស្រុកកំណើតភូមិត្រពាំងជ្រៃឃុំក្រឡាស្រុកកំពុងសៀមខេត្តកំពុងចាម រស់នៅ បច្ចប្បន្នភូមិភ្នំស្វាយសង្កាត់បឹងកន្សែងក្រុងបានលុងខេត្តរតនគិរី(បទល្មើសជួញដូរ) ។
២-ឈ្មោះ វុន លីហ្សា ភេទស្រីអាយុ២៧ឆ្នាំ ជនជាតិខ្មែរ មុខរបរអ៊ុតសក់ស្រុកកំណើត ភូមិអូរឬស្សី១ សង្កាត់អូរឬស្សី១ ខណ្ឌ ៧ មករា រាជធានីភ្នំពេញ ។ បច្ចុប្បន្ន ភូមិអូរកន្ទិលសង្កាត់បឹងកន្សែងក្រុងបានលុងខេត្តរតនគិរី(បទល្មើសប្រើប្រាស់) ។
៣-ឈ្មោះ ហ៊ឹម ប៊ុនធឿនភេទប្រុសអាយុ២៧ឆ្នាំជនជាតិខ្មែរមុខរបរមិនពិតប្រាកដ មានស្រុកកំណើតភូមិជយ័ជំនះ សង្កាត់ឡាបានសៀក ក្រុងបានលុង ខេត្តរតនគិរី បច្ចុប្បន្ន ភូមិជយ័ជំនះ សង្កាត់ឡាបានសៀក ក្រុងបានលុង ខេត្តរតនគិរី (បទល្មើសប្រើប្រាស់) ។
៤-ឈ្មោះ ជន វណ្ណាភេទប្រុសអាយុ២៧ឆ្នាំ ជនជាតិខ្មែរ មុខរបរបើកបរមានស្រុកកំណើតភូមិ ស្រីដូងឃុំថ្មអណ្តើកស្រុកចិត្តបុរី ខេត្តក្រចេះ បច្ចុប្បន្ន ភូមិអូរកន្ទិល សង្កាត់បឹងកន្សែង ក្រុងបានលុង ខេត្តរតនគិរី (បទល្មើសប្រើប្រាស់) ។
៥-ឈ្មោះ ជា វ៉ាន់ឌី ភេទប្រុសអាយុ៣២ឆ្នាំ ជនជាតិខ្មែរឥស្លាម មុខរបរបើកបរមានស្រុកកំណើតភូមិគីឡូម៉ែត្រលេខ៦ សង្កាត់ច្រាំងចំរេះ ខណ្ឌឬស្សីកែវ រាជធានីភ្នំពេញ បច្ចុប្បន្នភូមិជយ័ជំនះ សង្កាត់ឡាបានសៀក ក្រុងបានលុងខេត្តរតនគិរី(បទល្មើសប្រើប្រាស់) ។
៦-ឈ្មោះ វ៉ាន់ ម៉ាត់ ភេទប្រុសអាយុ២៣ឆ្នាំជនជាតិខ្មែរឥស្លាមមុខរបរលាងឡាន ស្រុកកំណើតភូមិ១ឃុំពុងស្វាយស្រុកសេរីសោភណ្ឌ័ខេត្តបន្ទាយមានជ័យ បច្ចប្បន្ន ភូមិជ័យជំនះ សង្កាត់ឡាបានសៀក ក្រងបានលុងខេត្តរតនគិរី (បទល្មើសប្រើប្រាស់)។
៧-ឈ្មោះ អន ឡី ភេទប្រុសអាយុ៣៣ឆ្នាំជនជាតិឡាវមុខរបរមិនពិតប្រាកដ មានស្រុកកំណើតភូមិបានហ្វាំងឃុំបានប៉ុងស្រុកវើនសៃខេត្តរតនគិរី បច្ចុប្បន្ន ភូមិតាវែងឃុំតាវែងលើ ស្រុកតាវែង ខេត្តរតនគិរី (បទល្មើសប្រើប្រាស់) ។
និងទី៨-ឈ្មោះ ជា ណារម្យ ភេទប្រុសអាយុ៣៦ឆ្នាំ ជនជាតិខ្មែរ មុខរបរបើកបរមានស្រុកកំណើតភូមិជ័យជំនះ សង្កាត់ឡាបានសៀក ក្រុងបានលុងខេត្តរតនគិរី បច្ចុប្បន្នភូមិជយ័ជំនះសង្កាត់ឡាបានសៀកក្រុងបានលុងខេត្តរតគិរី(បទល្មើសប្រើប្រាស់)។ជនសង្ស័យទាំង៨នាក់ខាងលើបានធ្វើតេស្តទឹកនោមរកសារធាតុញៀនលទ្ទផល វេជ្ជមាន(+)ទាំង៨នាក់។
វត្ថុតាងចាប់យករួមមាន ៖ ១-ម្សៅក្រាមពណ៌សថ្លាចំនួន3ថង់(ថង់ធំ១និងថង់តូច២)
2-ទូរសព្ទដៃ៤គ្រឿង ៣-ម៉ូតូចំនួន១គ្រឿង(waVe)ពណ៌ក្រហម ៤-ដាវសាំម៉ារៃចំនួន៣ កាំបិតស្នៀត២ពូថៅ១និងកាំបិតខ្វែវ១ ៥-សម្ភារៈសែបមួយចំនួន (ដបទឹកសុទ្ទតភ្ជាប់ទុយយោចំនួន២ដែកកេះចំនួន៥) ។
លោកវរៈសេនីយ៌ទោបានបន្តទៀតថា: ជនសង្ស័យ ទាំង ៨ នាក់កម្លាំងជំនាញបានបំពេញសំណុំបែបបទ និងបញ្ជូនទៅអយ្យការសាលាតំបូងខេត្ត នៅព្រឹកថ្ងៃទី ២៥ ខែមេសា គ្រឹះសករាជ ២០១៨ វេលាម៉ោង9,30នាទី នេះ ដើម្បីបន្តនិតិវិធីទៅតាមផ្លូវច្បាប់ ។
ដោយ អ៊ុង ស្រេង
