ភ្នំពេញ ៖ កាលពីព្រឹកថ្ងៃទី២៣ ខែកុម្ភះ ឆ្នាំ២០១៨នេះ កម្លាំងសមត្ថកិច្ចអាជ្ញាធរខណ្ឌចំការមន បានប្រើប្រាស់កម្លាំងប្រជាការពារខណ្ឌជាច្រើននាក់ចុះទៅរៀបចំធ្វើសណ្ដាប់ធ្នាប់នឹងកាត់សំយ៉ាបតាមមុខផ្ទះនិមួយៗនឹងផ្ទាំងស្លាកផ្សព្វផ្សាយពាណិជ្ជកម្មនៅលើចិញ្ចើមផ្លូវ២៧១ក្នុងសង្កាត់៣របស់ខណ្ឌចំការមនចាប់ពីច្រមុះជ្រូកក្បាល់ថ្នល់រហូតដល់ម្ដុំគុលស្ពានអាកាសស្ទឹងមានជ័យក្នុងនោះរួមមានសង្កាត់ផ្សារដើមថ្កូវ សង្កាត់ទួលទំពូងទី២នឹងសង្កាត់ទំនប់ទឹកដើម្បីអោយមានរបៀបរៀបរយល្អតាមការណែនាំរបស់ក្រុង។
នៅលើចិញ្ចើមផ្លូវលេខ២៧១ ក្នុងសង្កាត់ទាំង៣ខាងលើនេះ គេសង្កេតឃើញបងប្អូនតាមមុខផ្ទះនិមួយៗ គាត់យកចិញ្ចើមផ្លូវមកធ្វើអាជីវកម្ម ក្នុងការប្រកបមុខរបរពួកគាត់ ដោយដាក់តាំងលក់ដូរអីវ៉ាន់គ្រប់ប្រភេទ នឹងលើកបង្គោលដាក់ស្លាកផ្សព្វផ្សាយពាណិជ្ជកម្មឡើងព្រោងព្រាតពេញៗ នៅលើចិញ្ចើមផ្លូវ រួចលយមកលើផ្លូវ ដែលបង្កកកស្ទះចរាចរណ៍ស្ទើររៀងរាល់ថ្ងៃ ពិសេសនៅពេលព្រឹកនឹងពេលល្ងាច ដែលធ្វើអោយបាត់បង់សណ្ដាប់ធ្នាប់សាធារណៈនឹងសោភ័ណ្ឌភាពទីក្រុងគុជ នៃរាជធានីភ្នំពេញ ។ ដូចនេះ ដើម្បីរក្សាបាននូវសណ្ដាប់ធ្នាប់នឹងរបៀបរៀបរយល្អ ក្នុងន័យរួមចំណែកលើកស្ទួយ សោភ័ណ្ឌភាព អនាម័យ បរិស្ថានល្អក្នុងរាជធានីភ្នំពេញ ក៏ដូចចូលរួមអនុវត្តន៍វិធានការច្បាប់ចរាចរណ៍ផ្លូវគោក ដើម្បីដោះស្រាយបញ្ចៀសការកកស្ទះចរាចរណ៍ នឹងរៀបចំសណ្ដាប់ធ្នាប់សាធារណៈ នៅតាមបណ្ដោយផ្លូវលេខ២៧១ ដែលសាលារាជធានីភ្នំពេញបានកំណត់ជ្រើសរើសផ្លូវសំខាន់ ធ្វើជាផ្លូវអាទិភាពគំរូនោះ រដ្ឋបាលខណ្ឌចំការមនបានចេញសេចក្ដីជូនដំណឹង អោយបញ្ឈប់ការយកចិញ្ចើមផ្លូវសាធារណៈស្ថិតនៅតាមបណ្ដោយផ្លូវលេខ២៧១ ក្នុងមូលដ្ឋានខណ្ឌចំការមន មកធ្វើអាជីវកម្មតទៅទៀត ។ ប៉ុន្តែសកម្មភាពការងារនេះ គេឃើញតែខាងអាជ្ញាធរខណ្ឌចំការមនចុះធ្វើជាប្រចាំក្នុងការរៀបចំសណ្ដាប់ធ្នាប់នឹងកាត់សំយ៉ាបតាមមុខផ្ទះនិមួយ ដែលពួកគាត់សាងសងលយរំលោភទន្ទ្រានមកលើចិញ្ចើមផ្លូវ នឹងលើកបង្គោលដាក់ផ្សព្វផ្សាយមុខទំនិញឬផ្សាយពាណិជ្ជកម្មព្រោងព្រាតនៅលើចិញ្ចើមផ្លូវ២៧១នេះ។ រីឯចិញ្ចើមផ្លូវលេខ២៧១ នៅប៉ែកខាងសង្កាត់បឹងទំពុន នឹងសង្កាត់ស្ទឹងមានជ័យ ខណ្ឌមានជ័យ ដែលកាត់ពុះចែកគ្នាផ្លូវ២៧១នេះ ម្ខាងម្នាក់ងាយស្រួលក្នុងការគ្រប់គ្រងនោះ គេមិនដែលឃើញខាងខណ្ឌមានជ័យចុះមកធ្វើម្ដងណាឡើយ ដោយនៅត្រជាក់ល្ហឹម ទាំងមេទាំងកូនចៅ មិនដឹងមូលហេតុអី? ហើយការងារនេះ ឃើញចុះធ្វើយ៉ាងផុលផុសតែខាងខណ្ឌចំការមន ។ ដូចនេះ សូមអាជ្ញាធរក្រុងភ្នំពេញគួរចុះមកពិនិត្យមើលភាពអសកម្មការងាររបស់ខណ្ឌមានជ័យ នាសព្វថ្ងៃនេះផងពោលគឺផ្លូវលេខ២៧១តែមួយម្ខាងធ្វើរីម្ខាងទៀតមិនធ្វើសោះ ?៕
លោក ហុក វិបុល
