កំពត ៖ នៅឯស្នាក់ការគណបក្សប្រជាជនកម្ពុជាខេត្តកំពត កាលពីព្រឹកថ្ងៃសុក្រ៩កើតខែផល្គុនព.ស ឆ្នាំរកា នព្វស័ក ព.ស២៥៦១ត្រូវនឹងថ្ងៃទី២៣ខែកុម្ភៈ ឆ្នាំ២០១៨ ដែលជាថ្ងៃចុងក្រោយ កំណត់ដោយ(គ.ជ.ប)នៃការ ឃោសនាបោះឆ្នោត ជ្រើសតាំងសមាជិកព្រឹទ្ធសភាអាណត្តិទី៥នោះ លោក នៃ ប៉េណាសមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជា ប្រធានក្រុមសមាជិកព្រឹទ្ធសភា ប្រចាំភូមិភាគ៥និងជាប្រធានក្រុមការងារថ្នាក់ កណ្តាលចុះជួយខេត្តកំពត បានធ្វើពិធីជួបសំណេះសំណាល ជាមួយសមាជិក សមាជិកា ក្រុមប្រឹក្សាឃុំ សង្កាត់ក្នុងតំណែងដែលមកពីក្រុង-ស្រុកចំនួនបី នៃខេត្តកំពត គឺក្រុងកំពត-ស្រុកទឹកឈូ និងស្រុកកំពង់ត្រាចចំនួន២០៨នាក់និងមកពីក្រុង-ស្រុកចំនួនពីរនៃខេត្តកែបគឺក្រុងកែបនិងស្រុកដំណាក់ចង្អើរចំនួន៣១នាក់សរុបរួមចំនួន២៣៩នាក់។
ពិធីសំណេះសំណាលក៏មានវត្តមានចូលរួមពីសំណាក់ លោក-លោកស្រី សមាជិកសភា-ព្រឹទ្ធសភាសមាជិកក្រុមការងារថ្នាក់កណ្តាល-ថ្នាក់ខេត្ត ចុះជួយមូលដ្ឋានខេត្តទាំងពីរផងដែរ។ បន្ទាប់ពីលោក ជាវ តាយ សមាជិកគណៈកម្មាធិការកណ្ដាលនិងជាប្រធានគណបក្ស ប្រជាជនកម្ពុជាខេត្តកំពត បានធ្វើរបាយការណ៍ឲ្យដឹងអំពីចំនួនប្រឹក្សា ឃុំ សង្កាត់ក្នុងតំណែងអាណត្តិទី៤នៅក្នុងខេត្តកំពតដែលជាអង្គបោះឆ្នោតជ្រើសតាំងសមាជិកព្រឹទ្ធសភាអាណត្តិទី៥នេះ និងពីសភាពការណ៍សន្តិសុខទូទៅព្រមទាំងពីសមិទ្ធផលរីកចម្រើននានានៅក្នុងខេត្តកំពត នោះពិតជាមោទនភាពមួយឆ្លុះបញ្ចាំងឲ្យឃើញពីភាពរឹងមាំ ទាំងកត្តានុពលសេដ្ឋកិច្ចនិងទេសចរណ៍ផងដែរ។
មានប្រសាសន៍សំណេះសំណាលលោក នៃ ប៉េណា បានលើកឡើងបញ្ជាក់ពីគោលនយោបាយសំខាន់ៗរបស់គណបក្សប្រជាជនកម្ពុជាក៏ដូចជារាជរដ្ឋាភិបាល ក្រោមការដឹកនាំដោយគតិបណ្ឌិត របស់សម្តេចតេជោ ហ៊ុន សែន រួមនិងឥស្សរជនសំខាន់ៗមួយ ចំនួនទៀតនៃគណបក្សប្រជាជនកម្ពុជា ដែលបានតស៊ូរំដោះប្រជាជននិងប្រទេសជាតិឲ្យបានរួចចាកផុត ពីការកាប់សម្លាប់រង្គាល ក្រោមរបបប៉ុល ពត និងបានចាប់ផ្ដើមកសាងប្រទេសជាតិតាំងពីបាតដៃទទេនិងឈានដល់ដំណាក់កាលផ្សះផ្សារបង្រួបបង្រួមជាតិ រំលត់ភ្លើងសង្គ្រាមរវាងខ្មែរនិងខ្មែរគ្នាឯងនិងនាំមកនូវសិទ្ធិសេរីភាពជូនប្រជាជនយើងព្រមទាំងសុខសន្តិភាពពេញលេញលើផ្ទៃប្រទេស ព្រមទាំងបានធ្វើការអភិវឌ្ឍន៍រីកចម្រើនលើគ្រប់វិស័យធ្វើឲ្យមានកំណើនសេដ្ឋកិច្ចជាតិកើនឡើងជាបន្តបន្ទាប់ ដែលធ្វើឲ្យជីវភាពប្រជាជនកាន់តែប្រសើរនិងរស់នៅប្រកបដោយសុខដុមរមនា ដោយមានការទទួលស្គាល់និងកោតសរសើរពីសំណាក់អន្តរជាតិទៀតផង ដែលសមិទ្ធផលនិងសកម្មភាពខាងលើនេះ ផ្ទុយស្រឡះទៅនិងនយោបាយនិងសកម្មភាពគណបក្សផ្សេងមួយចំនួន ដែលតែងតែញុះញង់ចង់បង្កើតឲ្យមានភ្លើងសង្គ្រាមតាមបំផ្លាញការអភិវឌ្ប្ប្រទេសជាតិភូតកុហក បោកប្រាស់និងការរស់នៅរបស់ប្រជាជនយើង។
លោក នៃ ប៉េណា ក៏បានផ្ដាំផ្ញើ ដល់សមាជិកក្រុមប្រឹក្សាឃុំ-សង្កាត់ក្នុងតំណែងទាំងអស់ សូមបន្តមានជំនឿជឿជាក់មកលើការដឹកនាំរបស់គណបក្ស ប្រជាជនកម្ពុជាថែមទៀតនិងត្រូវត្រៀមលក្ខណៈសម្បត្តិគ្រប់គ្រាន់ រួមនិងឯកសារចាំបាច់ ហើយត្រូវថែទាំសុខភាពឲ្យបានល្អសម្រាប់បម្រើឲ្យការបោះឆ្នោតជ្រើសតាំងសមាជិកព្រឹទ្ធសភាអាណត្តិទី៥ ដែលនឹងត្រូវបោះដោយអសកល នៅថ្ងៃអាទិត្យទី២៥ខែកុម្ភៈ២០១៨ខាងមុខនេះឲ្យទទួលបានលទ្ធផលជោគជ័យ ពោលគឺសម្រាប់មណ្ឌលភូមិភាគទី៥ ដែលមានខេត្តកំពត តាកែវ និងខេត្តកែបមានចំនួន៧អាសនៈគឺត្រូវតែឲ្យទទួលបានលទ្ធផលល្អឯក និងផលវិជ្ជមានមួយរយភាគរយ៕ សេង ណារិទ្ធ
