ខេត្តក្រចេះ ៖ បើទោះបីជា ឯកឧត្តម ឧកញ៉ា គង់ ក្រឹង បានក្លាយជាឧកញ៉ាចាប់តាំងពីអំឡុងដើមឆ្នាំ២០១៧មក តាមរយៈនៃ ការប្រោសព្រះរាជទានពីសម្តេចព្រះបាទព្រះនរោត្តម សីហមុនី ដែលជាអង្គព្រះមហាក្សត្រនៃយើងនៅ គោរមងារជាឧកញ៉ា យ៉ាងណាក៏ដោយក៏ ឯកឧត្តម ឧកញ៉ា គង់ ក្រឹង មិនដែលមានការរើសអើងតម្កើង ឬកជាមួយនឹងមន្ត្រីរាជការ ឬក៏សមត្ថកិច្ច តូចតាច និងប្រជាពលរដ្ឋក្រីក្រ ជាទូទៅនោះលើទឹកដីនៃស្រុកស្នួល ខេត្តក្រចេះ ក៏ដូចជានៅតាមបណ្តាស្រុកនានានោះឡើយ ដែលផ្ទុយទៅវិញនោះទៀតសោត ឯកឧត្តម ឧកញ៉ា គង់ ក្រឹង រឹតតែធ្វើឱ្យមន្ត្រីរាជការ និងអាជ្ញាធរដែនដីព្រមទាំងបងប្អូន ប្រជាពលរដ្ឋជាទូទៅមានការកោតសរសើរ និងគោរពស្រឡាញ់ដល់គាត់ និងក្រុមគ្រួសាររបស់គាត់ថែមទៀតនោះផង ។
ឯកឧត្តម ឧកញ៉ា គង់ ក្រឹង បើទោះបីជាគាត់ជាប់រវល់មានការមមាញឹកក្នុងការពិភាក្សាគ្នាជាមួយនឹងអាជ្ញាធរដែនដី និងមន្ត្រីរាជការ និងជួបសំណេះសំណាលជាមួយនឹងបងប្អូនប្រជាពលរដ្ឋនៅតាមមូលដ្ឋាននានានៅលើទឹកដីនៃតំបន់នោះយ៉ាង ណាក៏ដោយចុះ នៅសល់ចម្លោះពេលនោះ ឯកឧត្តម ឧកញ៉ា គង់ ក្រឹង និងលោកជំទាវ ក៏បានឆ្លៀតឱកាសទៅមើលចំការ ដំណាំដាំដុះគោក្របីរាប់រយក្បាលនៅក្នុងកសិដ្ឋានរបស់គាត់រៀងរាល់ថ្ងៃនេះថែមទៀត ជូនកាល ឯកឧត្តម ឧកញ៉ា គង់ ក្រឹង និងលោកជំទាវក៏បានបរិភោគអាហារជាមួយនឹងកម្មករប្រុស-ស្រីរាប់រយនាក់ ដែលពួកគេបានកំពុងតែមើលថែមដំណាំដាំដុះ ផ្សេងៗ និងដំណាំកសិ-ឧស្សាហកម្មដូចជា ដំណាំកៅស៊ូ ម្រេច ស្វាយចន្ទី និងស្វាយកែវរមៀត ជាមួយកម្មករមួយចំនួនទៀត ដែលពួកគេបានកំពុងតែមើលថែទាំគោក្របី នៅក្នុងកសិដ្ឋានរបស់គាត់ដោយពុំមានការរើសអើង និងវាយប្ញក ក្រអឺតក្រទម ឆ្មើងឆ្មៃរវាងកម្មករ និងចៅហ្វាយនាយនោះដែរ ។
គួរបញ្ជាក់ថា ឯកឧត្តម ឧកញ៉ា គង់ ក្រឹង បានបរិច្ចាគថវិកាដែលលោក និងក្រុមគ្រួសារទៅធ្វើការស្ថាបនាផ្លូវថ្នល់ សាលារៀន វត្តអារាម និងព្រះវិហារ និងមួយចំនួនទៀត បានធ្វើទានដល់បងប្អូនប្រជាពលរដ្ឋក្រីក្រ និងទុរគតជនមួយចំនួន ទៀតកន្លងមកនោះ គឺគាត់ទទួលបានមកពីផលដំណាំនៃចំការកៅស៊ូរបស់គាត់ ចំការម្រេច ចំការស្វាយចន្ទី ចំការស្វាយកែវ រមៀត និងកសិដ្ឋានចិញ្ចឹមគោក្របីរបស់គាត់ ហើយបើទោះបីជាឯកឧត្តម ឧកញ៉ា មានការជួបប្រទះការលំបាក យ៉ាងណាក៏ ដោយក៏ ឯកឧត្តម ឧកញ៉ា គង់ ក្រឹង និងលោកជំទាវ ព្រមទាំងក្រុមគ្រួសារគាត់នៅតែបន្តជួយធ្វើការកសាង និងស្ថាបនា សមិទ្ធផលផ្សេងៗបន្តទៀត នៅលើទឹកដីនៃតំបន់នោះ ដើម្បីចូលរួមចំណែកជាមួយនឹងរាជដ្ឋាភិបាលកម្ពុជា ក្នុងការអភិវឌ្ឍ ប្រទេសជាតិរបស់យេងិ ដើម្បីឱ្យមានភាពសំបូរសប្បាយរីកចំរើន និងជឿនលឿនទៅថ្ងៃអនាគត ៕
