គម្រោងអភិវឌ្ឍន៍ប្រឡាយទឹក សម្រាប់ប្រជាពលរដ្ឋធ្វើស្រែនោះ គឺស្ថិតនៅដដែលពុំមានការផ្អាក ឬពង្វាង ការជីកប្រឡាយទឹកនេះ ដោយមានការភ័ន្តច្រឡំពីមជ្ឈដ្ឋានមួយចំនួនបានធ្វើការចោទប្រកាន់អាជ្ញាធរមូលដ្ឋានថា បានឃុបឃិតបង្កើតឱ្យមានភាពអសកម្ម ។
យោងតាមសេចក្តីរាយការណ៍ពីស្រុករលាប្អៀរ ខេត្តកំពង់ឆ្នាំង កាលពីពេលថ្មីៗនេះ បានឱ្យដឹងថា ការអភិវឌ្ឍន៍ប្រឡាយមេមួយខ្សែដែលយកទឹកពីទំនប់អាងទឹក ២០ ឧសភា គឺពុំមានការកែប្រែគម្រោងមួយនេះ ទេ ហើយអ្នកភូមិក្នុងឃុំស្វាយជ្រុំ និងទទួលបានទឹកធ្វើស្រែប្រាំ ព្រោះគម្រោងអភិវឌ្ឍន៍ប្រឡាយមេនេះ ពុំត្រូវបាន បញ្ឈប់សកម្មភាពនោះទេ ។
សេចក្តីរាយការណ៍ដដែលបានឱ្យដឹងទៀតថា មានការចោទប្រកាន់ថា លោកឧកញ៉ា សុខ ប៊ុន ជាអ្នករារាំង នូវការស្ថាបនាប្រឡាយមេនេះ ដើម្បីទិញដីពីអ្នកភូមិក្នុងតម្លៃថោក ។ តែតាមការពិតនោះប្រឡាយនេះ ត្រូវបាន លោកឧកញ៉ា សុខ ប៊ុន នេះគាំទ្រដល់គម្រោងនេះមួយរយភាគរយ ព្រោះលោកឧកញ៉ា មានផ្ទៃដីស្រែប្រាំងរហូតទៅ ដល់ ៤០ហិកតា ។
សេចក្តីរាយការណ៍ដដែលបានបន្តឱ្យដឹងទៀតថា ប្រសិនបើលោកឧកញ៉ា សុខ ប៊ុន ឃុបឃិតជាមួយអាជ្ញាធរ ភូមិឃុំធ្វើឱ្យរាំងស្ទះដល់ការអភិវឌ្ឍន៍ប្រឡាយមេប្រវែង ២គីឡូម៉ែត្រមែននោះ ពិតជាដីស្រែប្រាំង ៤០ហិកតា របស់លោកឧកញ៉ាប្រាកដជាពុំមានទឹកស្រោចស្រពស្រូវប្រាំងដូចបងប្អូនប្រជាពលរដ្ឋទាំង ៤ភូមិ ស្ថិតក្នុងឃុំស្វាយជ្រុំ ក្នុងស្រុករលាប្អៀរមិនខាន ។
សេចក្តីរាយការណ៍បានបន្ថែមទៀតថា ប្រសិនបើលោកឧកញ៉ា សុខ ប៊ុន មានចេតនារារាំងមែននោះ រូប លោក គឺជាអ្នកដែលខាតបង់យ៉ាងធ្ងន់ធ្លរបំផុត ព្រោះលោកមានដីស្រែច្រើនជាងប្រជាពលរដ្ឋនោក្នុងឃុំស្វាយជ្រុំ ។ ជាទូទៅគ្មានអ្នកណាមួយសុខចិត្តបំផ្លាញផលប្រយោជន៍ខ្លួនឯងហើយទៅរារាំងអ្នកដទៃនោះទេ ហើយការរារាំងការ អភិវឌ្ឍន៍ប្រឡាយមេនេះ មិនមែនខាតតែផលប្រយោជន៍បុគ្គលនោះទេ គឺខាតបង់នូវផលប្រយោជន៍រួមរបស់ប្រជា ពលរដ្ឋផងដែរ ។ ដូច្នេះទង្វើនេះលោកឧកញ៉ា សុខ ប៊ុន ពុំអាចធ្វើទៅបានដូចពាក្យចោទប្រកាន់ពីមជ្ឈដ្ឋានមួយចំនួន ដែលបានកំពុងតែបំពានទៅលើសិទ្ធិទូទៅរបស់ប្រជាពលរដ្ឋ ជាពិសេសប៉ះពាល់ទៅដល់កិត្តិយសរូបលោកជាឧកញ៉ា ដែលទទួលបានការតែងតាំងដោយព្រះរាជក្រឹត្យផងដែរ ៕
