សិល្បៈជាតិ៖ លោក សុខ រ៉ាស៊ី បានប្រកាសនៅលើបណ្ដាញសង្គមហ្វេសប៊ុករបស់ខ្លួនថា លោកនឹងប្រគល់ទឹកប្រាក់២លានរៀល ដល់អ្នកដែលរើសបានតុក្កតាស៊ីហ្គេម ប្រសិនបើលោកទទួលបានតុក្កតានោះជាកាដូ។
រឿងរ៉ាវចម្រូងចម្រាស់របស់កីឡាករជម្រើសជាតិបាល់ទាត់ថៃ គប់គ្រវែងមេដាយ និងតុក្កតាតំណាងឱ្យកាប្រកួតកីឡាស៊ីហ្គេម នៅតែជាប្រធានបទក្ដៅមួយ ដែលអ្នកគាំទ្រកម្ពុជានៅតែបន្តតាមដាននិងធ្វើបច្ចុប្បន្នភាពជាបន្តបន្ទាប់។
យ៉ាងណាមិញបន្ទាប់ពីមានបងប្រុសម្នាក់ ត្រូវបានលោកពាក់មី ទៅសម្ភាសន៍ផ្សព្វផ្សាយថាលោកគឺជាអ្នករើសបានតុក្កតានោះ ស្រាប់តែពិធីករពូកែវោហារ សុខ រ៉ាស៊ី ចេញមុខស្នើសុំចង់បានតុក្កតានោះជាកាដូវិញ ព្រមទាំងហ៊ានជូនប្រាក់ទ្រនាប់ដៃដល់អ្នករើសបាននូវទឹកប្រាក់ ២លានរៀលដល់អ្នកដែលរើសបានទៀតផង។
លោកបានរៀបរាប់យ៉ាងដូច្នេះថា៖ «បើបងប្រុសបានឃើញ ប្អូនសុំចែក តុក្កតានេះវិញ ជាកាដូរ ជូនប្អូនវិញ ក្នុងតម្លៃ 2លានរៀល (សុំមិនប្រើពាក្យទិញ) តុក្កតានេះពិតជា មាន តម្លៃណាស់ សម្រាប់ជាតិខ្ញុំ ព្រោះជាលើកទីមួយនៃប្រវត្តសាស្រ្តកម្ពុជា អាចមានសមត្ថភាពធ្វើជា ម្ជាស់ផ្ទះ SEAGAMES ខ្ញុំត្រូវបង្ហោះសារនេះ តាំងពីម្សិលមិញ តែខ្ញុំតាំងចិត្តធ្វើជាម្ជាស់ផ្ទះល្អ ចិត្តត្រជាក់ ទទួលភ្ញៀវ គ្រប់ប្រទេស មិនប្រកាន់ពូជសាសន៍ ឥលូវវាបានបញ្ចប់ ដោយរលូនហើយ កម្ពុជាជាម្ជាស់ផ្ទះល្អ ល្បីរន្ទឺពេញសកលលោក!សុខ រ៉ាស៊ី»
