ខេត្តរតនគិរី ៖ ក្រៅពីឈើប្រណិត និងសត្វព្រៃគ្រប់ប្រភេទបច្ចុប្បន្នគេសង្កេតឃើញក្រុមឈ្មួញជនជាតិវៀតណាមដើរទិញសត្វតុកែស្ទើរតែដាច់ពូជអស់ទៅហើយនៅខេត្តរតនគិរី ក្រៅពីជំនួញសត្វព្រៃ ឈ្មួញវៀតណាមបានដើរទិញតុកែយកទៅធ្វើថ្នាំបុណ្យនៅក្នុងប្រទេសរបស់ខ្លួន និងលក់បន្តទៀតទៅប្រទេសចិនដោយមានតម្លៃខ្ពស់។ បច្ចុប្បន្ននេះតាមការអង្កេតឃើញមួយចំនួនជាពិសេសស្រុកអូរយ៉ាដាវ ស្រុកអណ្តូងមាស គេសង្កេតឃើញប្រជាពលរដ្ឋដែលជាជនជាតិភាគតិចបានខំប្រឹងដើរទាក់សត្វតុកែពេញភូមិលក់ឲ្យឈ្មួញវៀតណាមតាមតម្លៃសត្វតុកែធំឫតូច។
ក្នុងសភាពជាក់ស្តែងសារពត៌មានយើងបានថតរូបភាពនៅថ្ងៃទី១០ ខែឧសភា ឆ្នាំ២០១៥ នៅចំណុចភ្នំក្រហមព្រំប្រទល់ប្រទេសវៀតណាម ស្ថិតនៅភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ក្នុងខណៈអ្នកដើរទាក់សត្វតុកែកំពុងដោះដូរលក់ឲ្យឈ្មួញវៀតណាមនោះ ត្រូវបានពួកគាត់ជាអ្នកដើរទាក់បានឲ្យអ្នកសារពត៌មានដឹងថា ពួកគាត់ដើរទាក់សត្វតុកែនេះមានការលំបាកណាស់ ព្រោះជាសត្វកម្ររស់នៅតាមដើមឈើដែលងាប់ៗឫក៏ដើមឈើណាដែលធំហើយមានរុនជាពិសេសនៅតាមលំនៅដ្ឋានរបស់ប្រជាពលរដ្ឋ ក្នុងមួយថ្ងៃពួកគាត់រកបាន១០ទៅ២០ក្បាល មួយថ្ងៃទល់យប់ ឈ្មួញវៀតណាមបានទិញក្នុងមួយក្បាលសត្វតុកែធំតម្លៃ១៥០០០រៀល អាតូច១០០០០រៀល។ ប្រភពខាងលើបន្តទៀតថា សត្វតុកែនេះឈ្មួញវៀតណាមទិញយកធ្វើថ្នាំបុរាណ្យ ក្រៅពីឈ្មួញវៀតណាមដើរទិញសត្វតុកែគឺឈ្មួញខាងលើប្រមូលទិញសត្វព្រៃគ្រប់ប្រភេទផងដែរ។
សព្វថ្ងៃនេះសត្វព្រៃនៅខេត្តរតនគិរីរងការបរបាញ់ពីក្រុមព្រានព្រៃនិងដាក់អន្ទាក់ជារៀងរាល់ថ្ងៃរាល់យប់បើគ្មានការទប់ស្កាត់ពីសមត្ថកិច្ចជំនាញពាក់ព័ន្ធនោះទេ អនាគត់សត្វព្រៃនៅខេត្តរតនគិរីដាច់ពូជអស់ហើយ។ ឈ្មួញវៀតណាទាំងនោះចូលមកទិញសត្វព្រៃក្នុងខេត្តរតនគិរីគឺច្រើនតែចេញចូលតាមច្រករបៀង និងដាក់តាមម៉ូតូកញ្ចាស់ៗ ដូច្នេះសូមអោយអាជ្ញាធរមូលដ្ឋានគ្រប់លំដាប់ថ្នាក់ជួយពិនិត្យមើលករណីខាងលើនេះផង៕
សន ចាន់ឌី
