ខេត្តឧត្តរមានជ័យ៖ ផ្ទះប្រជាពលរដ្ឋ១៨៦ខ្នងរងគ្រោះដោយខ្យល់ព្យុះ កាលពីថ្ងៃទី ២១ ខែមេសាឆ្នាំ២០១៥ ក្នុង៣សង្កាត់ ១សង្កាត់. កូនក្រៀល ២សង្កាត់.បុស្បូវ. ៣.សង្កាត់សំរោងក្រុងសំរោងខេត្តឧត្តរមានជ័យត្រូវបានឧត្តមសេនីយ៍ត្រី ប៊ុន ចាន់ថា មេបញ្ជារការរងកងពលធំ អន្តរាគមន៍លេខ ២ទទួលបន្ទុកទិសទី៣ បានដឹកនាំកម្លាំងចុះជួយសាងសង់និងជួសជុលអោយបានជ្រកកោណឡើងវិញ កាលពីថ្ងៃទី ២៣. ២៤ ខែមេសាឆ្នាំ ២០១៥។
ឧត្តមសេនីយ៍ត្រី ប៊ុន ចាន់ថា មេបញ្ជារការរងកងពលធំ អន្តរាគមន៍លេខ២អោយដឹងថាកងកម្លាំងយោធាមកជួយដល់ប្រជាពលរដ្ឋ មានចំនួន ១១០នាក់ ក្នុងកងពលធំអន្តរាគមន៍លេខ២ កម្លាំងយោធាកងពលតូចថ្មើរជើងលេខ៤២ វរៈ ៤២៤ និងវរៈ៤២១ ដឹកនាំដោយលោក វរះសេនីយ៍ ត្រី សិន សានផងដែរ ហើយកម្លាំង២នាក់បានរងរបួសផងដែរ។មិនតែប៉ុណ្ណោះមានកងកំលាំងនគ បាលកាពារព្រំដែនគោក រួមមាន២វរៈ.មាន វរៈ ៧០២ និងវរៈ ៩០៥ ដឹកនាំ ដោយលោកវរៈសេនីយ៍ ឯក ហង្ស. បូរ ស្នងការរងនគរបាលជាតិខេត្តឧត្តរមានជ័យផងដែរ ។ ការសាងសង់លំនៅដ្ឋានប្រជាពលរដ្ឋ ដែលរងគ្រោះដោយខ្យល់ព្យុះកន្ត្រាក់ ប៉ះពាល់ចំនួន ១៨៦ ខ្នង ក្នុងនោះ៥៤ ខ្នង រងការខូចខាតធ្ងន់ធ្ងរ និង១៣២ខ្នងខូចខាតធូរស្រាលត្រូវសាងសង់ឡើងវិញអោយប្រជាពលរដ្ឋចូល ស្នាក់នៅវិញបានស្រួលហើយ។
លោក អ៊ុន សុភក្ក័. អភិបាលក្រុងសំរោង. និងលោកចៅសង្កាត់កូនក្រៀល ខេត្តឧត្តរមានជ័យ មានកាសោកស្តាយនិងសង្វេកយ៉ាងខ្លាំង ពេលឃើញទិដ្ឋភាពប្រជាពលរដ្ឋជួបការរងគ្រោះដោយព្យុះធម្មជាតិ ៕
ព្រំសំ ខេត្តឧត្តរមានជ័យ
