ខេត្តប៉ៃលិន ៖ ជនសង្ស័យម្នាក់ ដែលសមត្ថកិច្ចឃាត់ខ្លួន ករណីឃាតកម្មសម្លាប់ទាំងគ្រួសារ កាលពីថ្ងៃទី២១ ខែវិច្ឆិកា ឆ្នាំ២០១៤ ត្រួវបានលួចរត់ ពេលសួរចម្លើយ បណ្តាលឲ្យសមត្ថកិច្ច ប្រើធម៌ក្តៅ បាញ់មួយគ្រាប់រងរបួសធ្ងន់។
ហេតុការណ៍លួចរត់ នេះបានកើតឡើងកាលពីវេលាម៉ោង១៣ និង៣០នាទីរសៀល ថ្ងៃទី២២ ខែវិច្ឆិកា ឆ្នាំ២០១៤ ស្ថិតមុខស្នងការដ្ឋាននគរបាលខេត្តប៉ៃលិន ក្នុងភូមិបរឌិននៀវ សង្កាត់ប៉ៃលិន ក្រុង-ខេត្តប៉ៃលិន ។
ជនសង្ស័យដែលសមត្ថកិច្ចឃាត់ខ្លួនឈ្មោះ ឆោម ចំណាន ភេទប្រុស អាយុ៣២ឆ្នាំ ត្រួវជាបងថ្លៃជនរងគ្រោះ ។
ប្រភពព័ត៌ពីមន្ត្រីសាលាខេត្តបានឲ្យដឹងថា៖ កាលពីវេលាម៉ោងកើតហេតុខាងលើ គេលឺសួរសម្លេងគ្រាប់កាំភ្លើងមួយគ្រាប់ នៅមុខស្នងការដ្ឋាននគរបាលខេត្តប៉ៃលិន ពេលនោះឃើញសមត្ថកិច្ចជាច្រើននាក់បានដេញចាប់ជនសង្ស័យខាងលើ ដោយសាជនសង្ស័យមិនឈប់សមត្ថកិច្ចម្នាក់ក្នុងចំណោមច្រើននាក់បាន បាញ់កាំភ្លើងមួយគ្រាប់ទៅលើជនសង្ស័យចំកំភួនជើងខាងស្តាំ បណ្តាលឲ្យបាក់ឆ្អឹងខ្មងជើងផងដែរ ។ ប្រភពបន្តថា៖ កាំភ្លើងដែលសមត្ថកិច្ចបាញ់ប្រភេទ k54 (កាំភ្លើងខ្លី) ដោយបាញពីខាងក្រោយ ។
ក្នុងពេលនេះ ក្រុមអ្នកយកព័ត៌មានបានចុះ យកព័ត៌មានត្រួវបានសមត្ថកិច្ចស្នងការ មិនអនុញ្ញាតឲ្យចូលយកព័ត៌មាននោះទេ រង់ចំពេលក្រោយ ៕
