ពិធី ប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិ ជូនមន្ត្រីនគរបាលជាតិនៃស្នងការដ្ឋាននគរបាលខេត្ដបន្ទាយមានជ័យ ចំនួន២០០នាក់!
ខេត្ថបន្ទាយមានជ័យ៖ នៅព្រឹកថ្ងៃទី០៤ ខែសីហា ឆ្នាំ២០២២ នេះ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យបបានអមដំណើរ ឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរង និងជាប្រធាននាយកដ្ឋានបុគ្គលិក បានអញ្ជើញជាអធិបតីក្នុងប្រារព្ធពិធី ប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិ ជូនមន្ត្រីនគរបាលជាតិនៃស្នងការដ្ឋាននគរបាលខេត្ដបន្ទាយមានជ័យចំនួន២០០នាក់។
ពិធីនេះត្រូវបានប្រារព្ធធ្វើឡើងនៅ សាលប្រជុំសាលាខេត្តបន្ទាយមានជ័យ ក្នុងក៏មានការអញ្ជើញចូលរួមពី ឯកឧត្តម អ៊ុំ រាត្រី អភិបាលខេត្ត ឯកឧត្តម លោកជំទាវ លោក លោកស្រី តំណាងមន្ទីរ ស្ថាប័នពាក់ពន្ធ័ ជាវិញខេត្ត កម្លាំងប្រដាប់អាវុធ និងប្រតិភូអមតំណើរជាច្រើនរូបផងដែរ។
កម្លាំងនគរបាលជាតិនៃស្នងការដ្ឋាននគរបាលខេត្តបន្ទាយមានជ័យដែលត្រូវបានប្រកាសតួនាទីនិងផ្ទេភារកិច្ចមានចំនួន៨២រូប និងបំពាក់ឋានន្តរស័ក្តិចំនួន១៤៦រូប មានវរៈសេនីយ៍ទោចំនួន៦១រូប និងវរៈសេនីយ៍ត្រីចំនួន៧៣រូប អនុសេនីយ៍ឯកចំនួន២រូប។
ក្រោយបញ្ចប់ ពិធីប្រកាសតែងតាំងមុខតំណែង និងបំពាក់ឋានន្តរសក្តិ គណៈអធិបតីបានអញ្ជើញទៅស្នងការដ្ឋាននគរបាលខេត្តបន្ទាយមានជ័យ ដើម្បីកាត់ខ្សែរបូរណ៍សម្ភោធដាក់ឲ្យប្រើប្រាស់ អាគារបណ្ណាល័យ ១ខ្នង និងសមិទ្ធផលនានាជាច្រើនដែលទើបកសាងរួច ក្នុងអំឡុងពេលលោកឧត្តមសេនីយ៍ទោ សិទ្ធិ ឡោះ កាន់តំណែងជាស្នងការ៕
