ឯកឧត្ដម ឃួង ស្រេង អភិបាលរាជធានីភ្នំពេញ បានដឹកនាំមន្រ្តីរដ្ឋបាលរាជធានីភ្នំពេញ និងមន្ទីរអង្គភាពជំនាញពាក់ព័ន្ធ ចុះពិនិត្យទីតាំងបាក់ច្រាំងទន្លេសាប!!!
ភ្នំពេញ៖នាព្រឹកថ្ងៃអង្គារ ១៣រោច ខែអាសាឍ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២៦ ខែកក្កដា ឆ្នាំ២០២២ ឯកឧត្ដម ឃួង ស្រេង អភិបាល នៃ គណៈអភិបាលរាជធានីភ្នំពេញ បានដឹកនាំមន្រ្តីរដ្ឋបាលរាជធានីភ្នំពេញ និងមន្ទីរអង្គភាពជំនាញពាក់ព័ន្ធ ចុះពិនិត្យទីតាំងបាក់ច្រាំងទន្លេសាបដែលប៉ះពាល់លំនៅឋាន និងផ្លូវបេតុង ស្ថិតនៅភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
ក្នុងការចុះពិនិត្យជាក់ស្ដែងឯកឧត្ដមអភិបាលសម្រេចដាក់គ្រឿងចក្រចូលថ្ងៃស្អែក និងដាក់ថ្មទប់ធ្វើជាច្រាំងសម្រាប់បងប្អូនប្រជាពលរដ្ឋធ្វើដំណើរបានជាបណ្ដោះអាសន្ន៕
