នគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបាត់ដំបងឃាត់ជនសង្ស័យទាំង០៣ នាក់ចាត់ការបន្តតាមនីតិវិធីច្បាប់
បាត់ដំបង÷ដោយអនុវត្តតាមការណែនាំបញ្ជាផ្ទាល់ពី ឯកឧត្ដម ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាន នគរបាលខេត្តបាត់ដំបង ក៏ដូចជា លោក វរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ លោកវរសេនីយ៍ទោ ភួង ចន្ទ័តារា ស្នងការរង ជំនួយការដឹកនាំការិយាល័យនគរបាលព្រហ្មទណ្ឌកម្រិតស្រាល និងមានការសម្របសម្រួលទៅលេីនីតិវិធីពីឯកឧត្ដម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង នៅថ្ងៃទី ២១ ខែ កក្កដា ឆ្នាំ ២០២២ វេលាម៉ោង ២២:០៩ នាទី នៅចំណុចបេនចាន ភូមិបាលិលេយ្យ២ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ លោកវរសេនីយ៍ឯក ឈឿង គឹមសុង នាយការរិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប សហការជាមួយ កម្លាំងស្នងការដ្ឋាននគរបាលខេត្តបន្ទាយមានជ័យ ដែលដឹកនាំដោយ លោក ឧត្ដមសេនីយ៍ត្រី នូ ជីវ័ន្ត ស្នងការរង ទទួលផែនការងារនគរបាលព្រហ្មទណ្ឌ និង កម្លាំងអធិការដ្ឋាននគរបាលក្រុងប៉ោយប៉ែត ដែលដឹកនាំដោយ លោក វរសេនីយ៍ឯក សៅ សារឿន ជាអធិការ បានចុះប្រតិបត្តិការបង្ក្រាបករណី លួចមានស្ថានទម្ងន់ទោស ( ប្រេីប្រាស់កាំបិតខ្វែវកាប់ប្លន់យកម៉ូតូ ) ០១ ករណី និងបានធ្វេីការនាំខ្លួនជនសង្ស័យចំនួន ០១ នាក់ ឈ្មោះ ហម ហៀ ហៅ ភូ ភេទប្រុស អាយុ ១៧ ឆ្នាំ មានទីលំនៅក្នុងក្រុងប៉ោយប៉ែត ខេត្តបន្ទាយមានជ័យ ។
ក្រោយពីបានធ្វេីការសាកសួររួច កម្លាំងយេីងបានបន្តធ្វេីការស្រាវជ្រាវរហូតដល់ថ្ងៃទី ២៣ ខែ កក្កដា ឆ្នាំ ២០២២ វេលាម៉ោង ២២:២០ នាទី នៅចំណុចភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង បានធ្វេីការនាំខ្លួនជនសង្ស័យចំនួន ០២ នាក់ទៀត មកកាន់ស្នងការដ្ឋាន ។
1️ឈ្មោះ ទី ស៊ីឡុង ហៅ បញ្ញា ទី ភេទប្រុស អាយុ ២២ ឆ្នាំ មានទីលំនៅភូមិព្រៃព្រិច សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។
2️ ឈ្មោះ ហួរ រ៉ា ហៅ សី ភេទប្រុស អាយុ ១៧ ឆ្នាំ មានទីលំនៅមិនពិតប្រាកដ ។
👉ជនសង្ស័យទាំង០៣ នាក់ខាងលេី រួមជាមួយបក្សពួកជាច្រេីននាក់ទៀតដែលកំពុងរត់គេចខ្លួន បានធ្វេីសកម្មភាព លួចយកម៉ូតូ ប្រេីប្រាស់កាំបិតខ្វែវកាប់ប្លន់យកម៉ូតូ កាលពីថ្ងៃទី ១៤ ខែ កក្កដា ឆ្នាំ ២០២២ វេលាម៉ោងប្រហែល ០៣:៥០ នាទី ទៀបភ្លឺ នៅចំណុច ភូមិបឹងសង្កែ ឃុំអំពិលប្រាំដេីម ស្រុកបវេល ខេត្តបាត់ដំបង ដែលជារបស់ជនរងគ្រោះឈ្មោះ ខន សុឃឿត ភេទស្រី អាយុ ៣៣ ឆ្នាំ មានទីលំនៅខាងលើ បានម៉ូតូ ០១ គ្រឿង ម៉ាក ហុងដា ZoomerX ពណ៌ ស ក្រហម ពាក់ស្លាកលេខ បន្ទាយមានជ័យ 1R-5518 ដែលជនរងគ្រោះទុកនឹងសំយាបខាងមុខផ្ទះ និង នៅក្នុងថ្ងៃខែឆ្នាំដដែល នៅចំណុចក្រុមទី ០៧ ភូមិអំពិល ឃុំអំពិលប្រាំដេីម ស្រុកបវេល ខេត្តបាត់ដំបង ក្រុមជនសង្ស័យខាងលើដដែលបានធ្វេីសកម្មភាព ប្រេីប្រាស់កាំបិតខ្វែវកាប់ប្លន់យកម៉ូតូរបស់ជនរងគ្រោះ ឈ្មោះ ទឹម មាន ភេទប្រុស អាយុ ៣៤ ឆ្នាំ មានទីលំនៅ ភូមិ ប៊ួរុន ឃុំអំពិលប្រាំដេីម ស្រុកបវេល ខេត្តបាត់ដំបង បានម៉ូតូ ០១ គ្រឿង ម៉ាក ហុងដា ឌ្រីម សេ ១២៥ ពណ៌ ទឹកប្រាក់ បិតស្គុតពណ៌ ខ្មៅ ស៊េរីឆ្នាំ ២០១៨ ពាក់ស្លាកលេខ ភ្នំពេញ 8639 និង បណ្ណសម្គាល់យានយន្ត ០១ សន្លឹក ; បណ្ណចាក់វ៉ាក់សាំង ០២ សន្លឹក ; អត្តសញ្ញាណសញ្ជាតិខ្មែរ ០២ សន្លឹក ; ទូរស័ព្ទដៃម៉ាក OPPO ០១ គ្រឿង ប្រាក់ខ្មែរចំនួន ១៩ ម៉ឺនរៀល ។
ក្រោយពីក្រុមជនសង្ស័យធ្វេីសកម្មភាពខាងលើរួចមកបានរត់គេចខ្លួននៅក្នុងក្រុងប៉ោយប៉ែតខេត្តបន្ទាយមានជ័យ រហូតមកដល់ថ្ងៃទី ១៩ ខែ កក្កដា ឆ្នាំ ២០២២ វេលាម៉ោង ប្រហែល ០១:២០ នាទី នៅចំណុចភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង ក្រុមជនសង្ស័យបានធ្វេីសកម្មភាព ប្រេីប្រាស់កាំបិតខ្វែវកាប់ប្លន់យកម៉ូតូ របស់ជនរងគ្រោះចំនួន ០២ នាក់ទៀត
០១ ឈ្មោះ ខេង សារ៉ែន ភេទស្រី អាយុ ៤១ ឆ្នាំ មានទីលំនៅភូមិកៀនកែស១ ឃុំគោលឃ្មុំ ស្រុកថ្មគោល ខេត្តបាត់ដំបង ។
០២ ឈ្មោះ ហ៊ិន ឡៅហ៊ុន ហៅម៉ាប់ ភេទប្រុស អាយុ ៣២ ឆ្នាំ ( រងរបួសមុតរយះដេីមដៃខាងឆ្វេង ) មានទីលំនៅភូមិក្រសាំង ឃុំតាម៉ឺន ស្រុកថ្មគោល ខេត្តបាត់ដំបង បានម៉ូតូចំនួន ០២ គ្រឿង ម៉ាកហុងដា បីត ពណ៌ ស ខៀវ ស៊េរីឆ្នាំ ២០២០ ពាក់ស្លាកលេខ បាត់ដំបង 1AL-6363 ០១ គ្រឿង និង ម៉ូតូម៉ាកហុងដា ឃ្លីក ពណ៌ ស ស៊េរីឆ្នាំ ២០១៩ ពាក់ស្លាកលេខ បាត់ដំបង 1AF-9684 ព្រមទាំងទូរស័ព្ទដៃ ០១ គ្រឿងទៀត ម៉ាក OPPO A31 ពណ៌ ផ្ទៃមេឃ និង ប្រាក់ខ្មែរចំនួន ១០
ម៉ឺនរៀល ហេីយក៏ជិះរត់គេចខ្លួនទៅនៅក្នុងក្រុងប៉ោយប៉ែតខេត្តបន្ទាយមានជ័យ រហូតដល់ថ្ងៃខែខាងលេីទេីបកម្លាំងសមត្ថកិច្ចយេីងធ្វេីការឃាត់ខ្លួនជនសង្ស័យខាងលើបាន ។
វត្ថុតាងដកហូតរួមមាន ៖
- ម៉ូតូម៉ាក ហុងដា Scoopy ពណ៌ ខៀវ ស៊េរីឆ្នាំ ២០១៩ គ្មានស្លាកលេខ ចំនួន ០១ គ្រឿង ( ជាម៉ូតូជិះធ្វេីសកម្មភាព ) ។
- ម៉ូតូម៉ាកហុងដា Click ពណ៌ ស ស៊េរីឆ្នាំ ២០១៩ លេខតួម៉ាស៊ីន MLHJF350XK5572872 ពាក់ស្លាកលេខ បាត់ដំបង 1AB-0825 ( ជាម៉ូតូរបស់ជនរងគ្រោះ )
- កាំបិត ខ្វែវ ចំនួន ០១ ដេីម ។
បច្ចុប្បន្នការិយាល័យជំនាញកំពុងធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ។
