ខេត្តប៉ៃលិន ៖ ប្រជាពលរដ្ឋជាច្រើន ដែលចិញ្ចឹមជ្រូកលក់ជាលក្ខណៈគ្រួសារ កំពុងត្អូញ ត្អែរ ដោយព្រួយបារម្ភយ៉ាងខ្លាំងចំពោះជីវភាពរស់នៅប្រចាំថ្ងៃ ថា លំបាករកទីផ្សារលក់ជ្រូករប ស់ខ្លួន ខណៈជ្រូកជាច្រើនក្បាល ត្រូវបានឈ្មួញនាំចូលមកពីប្រទេសជិតខាង ទើបធ្វើឱ្យអ្នកខ្លះ បោះបង់ចោលមុខរបរមួយនេះទាំងស្រុងទៅហើយ អ្នកខ្លះទៀតកាត់បន្ថយចំនួនជ្រូកឱ្យកាន់ តែនៅសល់តិចទៅៗ ។ ជាក់ស្តែងមានបុរសម្នាក់ឈ្មោះ តេង ស៊ន រស់នៅភូមិអូរពឺត សង្កាត់ទួល ល្វា ក្រុងប៉ៃលិន បានចិញ្ចឹមជ្រូកចំនួនជាង៥០ក្បាល ហើយរហូតមកដល់ពេលនេះ ក៏បានកាត់ បន្ថយចំនួនជ្រូកផងដែរ ព្រោះតម្លៃជ្រូករស់ បច្ចុប្បន្នចុះថោក និងគ្មានអ្នកទិញនោះទេ ។
ប្រភពព័ត៌មានពី បុរសខាងលើ បានរៀបរាប់ឱ្យដឹងថា បច្ចុប្បន្ន ការរកទីផ្សារលក់ជ្រូក ចិញ្ចឹមជាលក្ខណៈគ្រួសារ ពិតជាមានការលំបាកយ៉ាងខ្លាំង ដោយសារក្រុមឈ្មួញបាននាំចូលសត្វ ជ្រូកជាច្រើនក្បាល រៀងរាល់ថ្ងៃ មកពីប្រទេសជិតខាង ដូច្នេះការចិញ្ចឹមជ្រូករបស់ពួកគេកាន់ តែមានតម្លៃចុះថោកទៅៗ ហើយគ្មានទីផ្សារនោះទេ ដោយជ្រូករស់លក់បានត្រឹមតែ១គីឡូក្រាម ៦ពាន់រៀល ជួនកាលអត់មានអ្នកទិញថែមទៀតផង ។ ចំណែកសាច់ជ្រូកដែលឈ្មួញកាប់ដាក់ លក់ក្នុងផ្សារ ១គីឡូក្រាម ១ម៉ឺន៣ពាន់រៀល ទៅ១ម៉ឺន៤ពាន់រៀលឯណោះ ។ លោកបន្តទៀតថា ដោយសារ តែខាតបង់ប្រាក់ចំណូលខ្លាំងពេក និងអត់មានទីផ្សារ ទើបអ្នកភូមិជាច្រើននាក់ បានបោះបង់ចោលការចិញ្ចឹមជ្រូកស្ទើរអស់រលីងទៅហើយ បែរទៅនាំគ្នាចំណាកស្រុក ធ្វើការនៅ ប្រទេសថៃ និងមួយចំនួនទៀតរកស៊ីប្រកបមុខរបរផ្សេងទៀតយ៉ាងត្រដាបត្រដួសផងដែរ ។ លោកបញ្ជាក់ទៀតថា ការចិញ្ចឹមជ្រូកបច្ចុប្បន្ន អាចធ្វើទៅបាន ដោយសារតែសល់បាយស្រាពីកា របិតស្រាសលក់ឱ្យឈ្មួញ និងប្រជាពលរដ្ឋតាមភូមិប៉ុណ្ណោះ បើសិនជាប្រើចំណីអាហារសុទ្ធសាធរា ល់ថ្ងៃ ដាក់ឱ្យជ្រូកស៊ីនោះ គ្មានចំណេញសូម្បីបន្តិចនោះឡើយ ។
ទោះបីជាសាច់ជ្រូកចុះថោកបែបនេះក៏ដោយ ខាងលោកនៅមិនបញ្ឈប់មុខរបរមួយនេះ ទេ ព្រោះបានបាយស្រាជំនួយ ដាក់ឱ្យជ្រូកស៊ី គឺខាងលោកគ្រាន់តែកាន់បន្ថយពីចំនួនជ្រូកពី ច្រើនមកតិចតួចប៉ុណ្ណោះ ដើម្បីលក់បានប្រាក់ជួយទប់ទល់ យកទៅទិញអង្ករ និងដំបែរ មកបិ តស្រាសលក់បន្តទៀតផងដែរ ។ ម្យ៉ាងវិញទៀត សត្វជ្រូកដែលឈ្មួញនាំចូលមកពីប្រទេសជិតខា ង កាប់ដាក់លក់ឱ្យខ្មែរនោះ មិនដឹងថា ខាងមន្ត្រីជំនាញត្រួតពិនិត្យឱ្យបានត្រឹមត្រូវឬយ៉ាងណា នោះទេ ព្រោះគេដឹកចូលមកតែពេលល្ងាចៗ និងពេលយប់ស្ងាត់ៗប៉ុណ្ណោះ ។
ចំណែកអ្នកចិញ្ចឹមជ្រូកនៅភូមិអូរតាពុកក្រោម សង្កាត់ទួលល្វា ក្រុងប៉ៃលិន ក៏បានត្អូញ ត្អែរដូចគ្នាផងដែរថា ជ្រូកខ្មែរលក់ថោក ហើយអត់មានឈ្មួញចូលទៅទិញកាប់លក់តាមស្តង់ច្រើ ននោះទេ ដោយគេទិញជ្រូកមកពីប្រទេសជិតខាងដូចជាថៃ និងវៀតណាមជាដើម ដែលធ្វើឱ្យ ពួកគេមានការព្រួយបារម្ភពីសុខភាពប្រជាបលរដ្ឋ ដែលទិញយកទៅធ្វើម្ហូបអាហារយ៉ាងខ្លាំង ។ ដូច្នេះលោកក៏សំណូមពរឱ្យខាងមន្ត្រីកាំកុងត្រូលច្រកទ្វារអន្តរជាតិ និងមន្ត្រីបសុសត្វ (ពេទ្យសត្វ) ធ្វើការត្រួតពិនិត្យឱ្យបានដិតដល់ ។ លើសពីនេះទៀត បើចង់ឱ្យទីផ្សារជ្រូកប្រជាពលរដ្ឋឡើងថ្លៃ នោះមិនត្រូវបើកដៃឱ្យឈ្មួញនាំចូលជ្រូកមកលក់នៅក្នុងស្រុកខ្មែរយើងច្រើនពេកនោះឡើយ ៕
ដោយ ៖ នីយ៉ា
