ខេត្តប៉ៃលិន ៖ បុរសម្នាក់ត្រូវបាននគរបាលព្រហ្មទណ្ឌកំរិតធ្ងន់ សហការជាមួយកំរិត ស្រាលនៃស្នងការនគរបាលខេត្ត ចុះអនុវត្តដីកាសម្រេចរក្សាការពារ លេខ១០០ ចុះថ្ងៃទី២៧ ខែមិថុ នា ឆ្នាំ២០១៧ របស់លោក សុទ្ធ សំអោក ចៅក្រមសាលាដំបូងខេត្តប៉ៃលិន ឱ្យរឹបអូស យករថយន្តម៉ាកហ៊ុយសូ (FUSO) ពាក់ស្លាកលេខ ភ្នំពេញ 3B-9496 ដើម្បីយកទៅរក្សាទុក បណ្តោះអាសន្ន រហូតដល់មានលុយសងម្ចាស់ស្វាយចំនួន៤នាក់ ទើបដោះលែងឱ្យត្រឡប់ទៅ វិញ ។
ហេតុការណ៍សមត្ថកិច្ចនគរបាលចាប់ឃាត់រថយន្តនេះ បានកើតឡើងកាលពីវេលាម៉ោ ង១០ និង០០នាទីព្រឹកថ្ងៃទី២៨ ខែមិថុនា ឆ្នាំ២០១៧ ស្ថិតនៅចំណុចខាងមុខផ្ទះសំណាក់ព្រំ មានជ័យ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ប្រភពព័ត៌មានបានឱ្យដឹងថា ម្ចាស់រថយន្តដែលជំពាក់លុយថ្លៃផ្លែស្វាយអ្នកភូមិ មាន ឈ្មោះ សុទ្ធ ទីណូ ភេទប្រុស អាយុ៣១ឆ្នាំ ជាអាជីវកររកស៊ីដើរម៉ៅផ្លែស្វាយតាមចំការ មានស្រុកកំណើតរស់នៅភូមិទី៨ ឃុំកោះសូទិន ស្រុកកោះសូទិន ខេត្តកំពង់ចាម ។ ចំណែកម្ចាស់បំណុលដែលដាក់ពាក្យបណ្តឹងទាំង៤នាក់ ទី១. ឈ្មោះ ចេក ណៃគួយ ភេទស្រី អាយុ៥១ឆ្នាំ ជាអ្នកធ្វើចំការ រស់នៅភូមិទី៥ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ទី២. ឈ្មោះ ង៉ែត សារិទ្ធ ភេទប្រុស អាយុ៥៥ឆ្នាំ ជាអ្នកចំការ រស់នៅភូមិដើមផ្តៀក ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ទី៣. គិន ប៉ោហ៊ាង ភេទប្រុសអាយុ៥៧ឆ្នាំ ជាអ្នកចំការ រស់នៅ ភូមិទី៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ និងទី៤. ឈ្មោះ ហេង វណ្ណា ភេទប្រុស អាយុ៦៣ឆ្នាំ ជាអ្នកចំការ រស់នៅភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
ប្រភពបន្តទៀតថា ម្ចាស់បំណុលមិនព្រមឱ្យកូនបំណុលរបស់ខ្លួន យករថយន្តទៅជួល បញ្ចាំ លក់ដូរ ផ្ទេរសិទ្ធិ ឬដាក់ធានាទៅអ្នកដទៃទៀត ព្រមទាំងមិនឱ្យធ្វើសកម្មភាពផ្សេងៗ ទៀត រហូតដល់តុលាការសម្រេចដល់អង្គសេចក្តីជាស្ថាពរ ។
ប្រភពបន្តទៀតថា ម្ចាស់រថយន្ត ខាងលើបានជំពាក់លុយម្ចាស់ផ្លែស្វាយទាំង៤នាក់ ដោយជំពាក់អ្នកខ្លះជាង៨ដុល្លារ ខ្លះជាង ៧លានរៀល ខ្លះ៤ពាន់ដុល្លារ និងខ្លះទៀតជាង១ម៉ឺនដុល្លារ ដោយទៅទិញផ្លែស្វាយហើយខ្ចីម្ចា ស់ចំការបន្ថែមទៀត ដូច្នេះហើយកូនបំណុលចេះតែគេច វេសមិនព្រមសងប្រាក់ ក៏សម្រេចចិត្តនាំគ្នាទៅដាក់ពាក្យបណ្តឹងចូលតុលាការខេត្តប៉ៃលិនឱ្យឃាត់តែម្តង ។ បច្ចុប្បន្ននគរបាល បានយករថយន្តនោះទៅរក្សាទុកនៅសាលាដំបូងខេត្តប៉ៃលិនជាបណ្តោះ អាសន្ន រង់ចាំធ្វើការដោះស្រាយតាមនីតិវិធី ។
សូមបញ្ជាក់ផងដែរថា បច្ចុប្បន្នផ្លែស្វាយកែវរមៀតរបស់កសិករខ្មែរ ពិតមានការធ្លា ក់ថ្លៃគួរឱ្យកត់សម្គាល់ ហើយខណៈឈ្មួញខ្មែរដឹកយកទៅលក់ដូរនៅប្រទេសថៃ គេរើសយកតែ ផ្លែល្អៗ មិនមានបែកប្រេះ ឬពណ៌ខ្មៅ នោះឡើយ បើពុំដូច្នោះទេ គេឱ្យដឹកយកមកចាក់ចោ លនៅទឹកដីខ្មែរវិញ ។
រីឯពោតក្រហម ដំឡូងមី សណ្តែក ក៏ធ្លាក់តម្លៃចុះផងដែរ ហើយផ្លែម្រេចខ្ចី ដែលកសិករដាំបានគេទិញតែតិចតួចប៉ុណ្ណោះ បើដឹកចូលទៅថៃច្រើនតាមរថយន្ត ពេលសមត្ថកិច្ចថៃចាប់បាន គេនឹងដុតទាំងរថយន្ត ដែលដឹកម្រេចនោះចោលជាមិនខាន ៕
ដោយ ៖ នីយ៉ា
