ខេត្តប៉ៃលិន ៖ រហូតមកដល់ពេលនេះ មានសេចក្តីរាយការណ៍ពីប្រជាពលរដ្ឋបានឱ្យដឹងថា ក្រុមឈ្មួញកំពុងតែធ្វើសកម្មភាពយកគ្រឿងចក្រទៅជីកកកាយដីភ្នំមួយកន្លែង ដឹកលក់យ៉ាងគគ្រឹកគគ្រេង ដោយគ្មានការហាមឃាត់ពីអាជ្ញាធរមូលដ្ឋាន ឬមន្ទីរពាក់ព័ន្ធ ណាឡើយ ។ មើលទៅភ្នំ ដែលជាតំបន់អភិរក្សនឹងរលាយសាបសូនអស់ជាក់ជាមិនខាន ។
ហេតុការណ៍ជីកកកាយដីភ្នំលក់នេះបានកើតឡើងកាលពីព្រឹកថ្ងៃទី២៤ ខែមិថុនា ឆ្នាំ២០១៧ ស្ថិតនៅក្បែរព្រំដែនកម្ពុជា ថៃ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ប្រជាពលរដ្ឋបានចង្អុលបង្ហាញឱ្យដឹងថា មានឈ្មួញ១ក្រុមបានយកគ្រឿងចក្រអេស្កា វ៉ាទ័រ ទៅជីកកកាយដីភ្នំដឹកតាមរថយន្តជាច្រើនគ្រឿងយកទៅលក់នៅតាមភូមិ ជាហេតុ ធ្វើឱ្យខូច ទ្រង់ទ្រាយភ្នំ ដែលជាកេរតំណែលរបស់ដូនតាតាំងពីយូរលង់ណាស់មកហើយ ។ ប្រភពបន្តទៀតថា បើសិនជាសកម្មភាពជីកកកាយដីភ្នំដឹកលក់នៅតែបន្តបែបនេះ មើលទៅភ្នំជាច្រើននៅក្នុង ភូមិខាងលើនឹងខូចខាតរូបរាង ហើយថែមទាំងបាត់បង់អស់ សោភ័ណភាពថែមទៀតផង ។ ពួក គាត់ពិតជាមានការសោកស្តាយយ៉ាងខ្លាំង ចំពោះដីភ្នំ ដែលមានព្រៃឈើ បញ្ចេញសម្រស់ខៀវស្រងាត់ មើលទៅស្រស់បំព្រងគួរជាទីទាក់ទាញភ្នែក ភ្ញៀវទេសចរ ជាតិ និងអន្តរជាតិ ដែលមកលេង ក្នុងទឹកដីខេត្តប៉ៃលិន លុះគេឃើញបែប នេះនឹងរិះគន់ដល់ពលរដ្ឋយើងថាមិនចេះការពារ ។
ប្រភពបញ្ជាក់ទៀតថា បើគេក្រឡេក មើលទៅទិសខាងលិច មើលទៅភ្នំក្នុងប្រទេសថៃ គ្មានកន្លែ ងណាមួយត្រូវបានឈ្មួញជីកក កាយដូចភ្នំនៅក្នុងទឹកដីខេត្តនេះឡើយ ហើយក៏មានទេសភាពគួរ ឱ្យចង់គយគន់ផងដែរ ។
ចំណែកភ្ញៀវទេសចរដែលធ្វើដំណើរចេញចូលមកលេងប្រទេសកម្ពុជាតាមច្រកទ្វារអន្តរជាតិព្រំ បាននិយាយថា ពួកគេពិតជាមានការសោកស្តាយ ខណៈឃើញប្រជាពលរដ្ឋខ្មែរមួយ ចំនួនអត់ចេះស្រឡាញ់ធម្មជាតិ ដែលជារបស់មានតម្លៃបំផុតសម្រាប់ជីវិតរបស់មនុស្សសត្វ គ្រប់ប្រភេទ ។ ពួកគេបន្តទៀតថា នៅថ្ងៃអនាគតបើអស់ព្រៃភ្នំនោះនឹងបង្កឱ្យក្លាយទៅជា គ្រោះធម្មជា តិរាំងស្ងួត និងទឹកជំនន់ជាក់ជាមិនខាន ព្រោះអស់ព្រៃឈើដែលតែងតែផ្តល់លំ នឹងអាកាសធាតុ ឱ្យក្លាយទៅជាប្រែប្រួលអស់រលីង រដូវប្រាំងក្លាយទៅជាវស្សា រីឯរដូវវស្សាវិញ បែរទៅជាគ្មានភ្លៀងធ្លាក់ បណ្តាលឱ្យមនុស្ស សត្វ និងដំណាំដាំ ដុះខូចខាតអស់ជាច្រើនផង ដែរ ។
ពាក់ព័ន្ធទៅនឹងបញ្ហានេះ ម្ចាស់គ្រឿងចក្រម្នាក់ ឈ្មោះ លីន បានឱ្យដឹងថា លោកជីក កកាយដីដែលម្ចាស់គេមានប្លង់នៅលើជើងភ្នំប៉ុណ្ណោះ មិនមានប៉ះពាល់ដល់ដីភ្នំអភិរក្សនោះ ឡើយ ដោយនៅខ្វះប្រហែល៥ម៉ែត្រទៀត ទើបដល់ព្រំដែនដីភ្នំអភិរក្ស ។ ម្យ៉ាងវិញទៀត ខាង បរិស្ថានបានចុះទៅត្រួតពិនិត្យរួចរាល់អស់ហើយ អត់ឃើញមានបញ្ហាអ្វីនោះទេ ហើយខាង លោកនឹងជីកកកាយដីដឹកលក់ត្រឹមតែ៤០ទៅ៥០រថយន្តទៀត នឹងឈប់ជីកបន្តទៀត ។
ពាក់ព័ន្ធទៅនឹងបញ្ហានេះ លោក គឹម សុខា ប្រធានមន្ទីរបរិស្ថានខេត្តប៉ៃលិន បានឱ្យ ដឹងថា ឈ្មួញនាំគ្នាជីកកកាយដីជើងភ្នំនោះ មិនប៉ះពាល់ដល់ដីបរិស្ថាន ជាតំបន់អភិរក្ស នោះឡើយ ដោយម្ចាស់គេមានប្លង់ បង្ហាញព្រំប្រទល់ត្រឹមត្រូវ មិនជីកកកាយចូលទៅដល់ដី តំបន់ហាមឃាត់នោះទេ ។ លោកបន្តថា គ្រាន់តែនៅសល់បន្តិចទៀតដល់ដែនការពារមិនឱ្យប៉ះពាល់ ៕ ដោយ ៖ នីយ៉ា
